សភាថៃ ប្រកាសថ្ងៃបោះឆ្នោតជ្រើសរើស នាយករដ្ឋមន្ត្រីថ្មី

ប្រធានសភាថៃ លោក Wan Muhamad Noor Matha បានបញ្ជាក់នៅថ្ងៃពុធទី៥ខែកក្កដាថា សភានឹងបោះឆ្នោតជ្រើសរើសនាយករដ្ឋមន្ត្រីថ្មីនៅថ្ងៃទី១៣ខែកក្កដាខាងមុខ។

ការប្រកាសនេះធ្វើឡើង មួយថ្ងៃបន្ទាប់ពីលោក Wan Noor ត្រូវបានអនុម័តធ្វើជាប្រធានសភា ដែលតួនាទីនេះ អាចឲ្យគាត់អំពាវនាវដល់សភាទាំង២ ឲ្យចូលមករួមគ្នាដើម្បីបោះឆ្នោតជ្រើសរើសនាយករដ្ឋមន្ត្រីថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការបោះឆ្នោតខែឧសភា គណបក្សចលនាឆ្ពោះទៅមុខគឺជាអ្នកឈ្នះ ដោយទទួលបានអាសនៈចំនួន១៥១ ខណៈលេខ២បានទៅលើគណបក្សភឿថៃ ទទួលបាន១៤១អាសនៈ។

រួមជាមួយគណបក្សចំនួន៦ផ្សេងទៀត គេរំពឹងថា លោក Pita Limjaroenrat នឹងក្លាយជានាយករដ្ឋមន្ត្រីបន្ទាប់ ដើម្បីជំនួសតំណែងលោក ប្រាយុទ្ធ ចាន់អូចា។

ទោះបីជាយ៉ាងណាក៏ដោយ បច្ចុប្បន្នសម្ព័ន្ធភាពមួយនេះទទួលបានសំឡេងតែ ៣១២ ប៉ុណ្ណោះ ខណៈសំឡេងដែលលោក Pita ត្រូវការជាចាំបាច់ដើម្បីក្លាយខ្លួនជានាយករដ្ឋមន្ត្រីនោះគឺ ៣៧៦ ដូច្នេះមានន័យថា លោកត្រូវការសំឡេងបន្ថែមទៀតពីសភា៕

ប្រែសម្រួល៖ Vann Vann

ប្រភព៖ CNA

ចុចអាន៖ ចលនាឆ្ពោះទៅមុខ និងភឿថៃ ឈ្លោះគ្នារាប់ខែរឿងប្រធានសភា ចុងក្រោយតំណែងនេះ បានទៅបក្សផ្សេង