ព័ត៌មានអន្ដរជាតិ
ផ្លូវមួយចំនួននៅ ទីក្រុងបាងកក នឹងបិទចរាចរណ៍ពីម៉ោង ៤ រសៀលតទៅ ព្រោះអាចមានបាតុកម្មគាំទ្រលោក Pita
អាជ្ញាធរក្នុងទីក្រុងបាងកកបានជូនដំណឹងដល់អ្នកបើកបររថយន្តទាំងអស់ឲ្យបញ្ចៀសការធ្វើចរាចរណ៍លើផ្លូវមួយចំនួននៅតំបន់ជុំវិញមជ្ឈមណ្ឌលសិល្បៈ និងវប្បធម៌ទីក្រុងបាងកក ក៏ដូចជាផ្លូវបំបែក Pathumwan ខណៈដែលក្រុមអ្នកតវ៉ាគ្រោងនឹងធ្វើបាតុកម្មនៅទីនោះ ចាប់ពីម៉ោង ៤ រសៀលរហូតដល់ម៉ោង ៧ យប់ថ្ងៃសុក្រនេះ ។
យោងតាមការិយាល័យប៉ូលិសក្រុងបាងកកបានឲ្យដឹងថា ផ្លូវ Rama 1 ចាប់ពីចំណុចប្រសព្វ Chaloem Phao ដល់ចំណុច Charoenphol និងផ្លូវ Phaya Thai ចាប់ពីចំណុចប្រសព្វ Ratchathewi ដល់ផ្លូវបំបែក Chula Soi 12 អាចនឹងបិទ ដោយសារតែហានិភ័យពីផលប៉ះពាល់ដោយការតវ៉ា ហើយអ្នកបើកបរគួរតែបញ្ចៀសការធ្វើចរាចរណ៍នៅតំបន់ទាំងអស់នេះ ។
ទន្ទឹមនោះ ដោយសារតំបន់នេះមានការកកស្ទះផងនោះ ប៉ូលិសក៏បានណែនាំផ្លូវវាង ដូច្នេះអ្នកបើកបរអាចបញ្ចៀសការកកស្ទះដែលចៀសមិនរួច ហើយផ្លូវដែលអ្នកបើកបរអាចវាងបាននោះគឺ Phetchaburi, Banthat Thong, Rama 4, Henri Dunant, Ratchadamri រួមជាមួយផ្លូវ Wireless Roads, Chula Soi 9 និង Chula Soi 12 ជាដើម ។
ពាក់ព័ន្ធនឹងបញ្ហានេះដែរ មន្ត្រីប៉ូលិសចរាចរណ៍ក៏នឹងដាក់ពង្រាយកម្លាំងបន្ថែមផងដែរនៅតំបន់ដែលមានការកកស្ទះ ដើម្បីសម្រួលដល់លំហូរចរាចរណ៍ និងណែនាំអ្នកបើកបរឲ្យធ្វើដំណើរទៅផ្លូវផ្សេង ។
គួរបញ្ជាក់ថា ក្រុមបាតុករដែលគាំទ្រមេដឹកនាំគណបក្សចលនាឆ្ពោះទៅមុខ លោក Pita Limjaroenrat ជានាយករដ្ឋមន្ត្រីទី ៣០ របស់ប្រទេសនេះ កំពុងប្រមូលផ្ដុំគ្នានៅកន្លែងជាច្រើនក្នុងទីក្រុងបាងកកដើម្បីត្រៀមធ្វើបាតុកម្មក្នុងសប្តាហ៍នេះ ខណៈការប្រមូលផ្ដុំរបស់ក្រុមបាតុករបានកើតឡើងភ្លាមៗ បន្ទាប់ពីសភាបានបោះឆ្នោតដកសិទ្ធិឈរឈ្មោះលើកទី ២ របស់លោក Pita សម្រាប់តំណែងនាយករដ្ឋមន្ត្រី ៕
ប្រែសម្រួលដោយ ៖ ជីវ័ន្ត
ប្រភព ៖ Thai PBS
ចុចអាន ៖ សមាជិកសភា ថៃ ជាច្រើនរូបចេញតាមទ្វារក្រោយ និងជិះទូកត្រឡប់ទៅផ្ទះ ក្រោយបោះឆ្នោតដកសិទ្ធិលោក Pita
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង