ព័ត៌មានអន្ដរជាតិ
លោក Pita ថា យើងនឹងគោរពតាមសន្យា បង្កើតរដ្ឋាភិបាលប្រជាជន ជូនម្ចាស់ឆ្នោត
មេដឹកនាំគណបក្សចលនាឆ្ពោះទៅមុខលោក Pita Limjaroenrat បានសន្យាជាមួយអ្នកគាំទ្រកាលពីពេលថ្មីៗនេះថា លោកនឹងរក្សាពាក្យសម្ដីរបស់លោកក្នុងការបង្កើត “រដ្ឋាភិបាលប្រជាជន” ជាមួយគណបក្សចម្រុះផ្សេងទៀត ។
នៅមុខអ្នកគាំទ្រប្រមាណ ២,០០០ នាក់នៅខេត្តឈុនបុរីភាគខាងកើត, លោក Pita បានថ្លែងអំណរគុណដល់ប្រជាជនសម្រាប់ការស្វាគមន៍ខ្លាំងក្លារបស់ពួកគេ ហើយបានសន្យាថា បក្សចលនាឆ្ពោះទៅមុខ និងដៃគូចម្រុះផ្សេងទៀតនឹងបំពេញតាមការប្តេជ្ញាចិត្តក្នុងការបង្កើតរដ្ឋាភិបាលប្រជាជនជូនចំពោះម្ចាស់ឆ្នោត ។
លោក Pita លើកឡើងទៀតថា ចាប់តាំងពីដៃចម្រុះជិះទូកតែមួយមក គោលបំណងរបស់យើងត្រូវតែបង្កើតរដ្ឋាភិបាលដែលតំណាងឲ្យប្រជាជនពិតប្រាកដ ហើយខ្ញុំនឹងមិនបោះបង់ចោលការខិតខំប្រឹងប្រែងរបស់ខ្ញុំដើម្បីបំបែកវដ្តនៃរបបផ្តាច់ការដែលញាំញីយើងយូរពេកនោះទេ ។
លោកបានបន្ថែមថា ទោះបីជាលោកជួបការលំបាកយ៉ាងណាក្នុងការក្លាយជានាយករដ្ឋមន្ត្រី និងការបង្កើតរដ្ឋាភិបាលបន្ទាប់ក៏ដោយ ក៏លោកនឹងមិនបោះបង់ប្រជាជនថៃឡើយ ហើយសន្យាថា នឹងឈរក្បែរពួកគេ ជាពិសេសលោកបានអំពាវនាវដល់ប្រជាជនកុំឲ្យបាត់បង់ជំនឿលើលទ្ធិប្រជាធិបតេយ្យ ។
បន្ទាប់ពីបញ្ចប់យុទ្ធនាការនៅឈុនបុរី លោក Pita នឹងបន្តធ្វើដំណើរទៅកាន់ខេត្ត Rayong និង Chantaburi សម្រាប់ការប្រមូលផ្តុំស្រដៀងគ្នានេះ ។
គួរបញ្ជាក់ថា កាលពីថ្ងៃទី១៣ ខែកក្កដា លោក Pita បានបរាជ័យក្នុងការឈរឈ្មោះបោះឆ្នោតដើម្បីក្លាយជានាយករដ្ឋមន្ត្រីទី ៣០ របស់ប្រទេសថៃ ដោយសារតែលោកមិនអាចទទួលបានសំឡេងគាំទ្រគ្រប់គ្រាន់ពីសមាជិកសភាឡើយ ។ អាស្រ័យហេតុនេះ គណបក្សរបស់លោកត្រូវតែដើរចេញ ហើយទុកឲ្យសមាជិកដៃគូចម្រុះធំទី ២ មកពីបក្សភឿថៃ ដឹកនាំក្នុងការបង្កើតរដ្ឋាភិបាលបន្ទាប់ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
ចុចអាន ៖ លោក Pita ចេញមុខនិយាយទៅកាន់ប្រជាជន ថៃ ក្រោយអស់សិទ្ធិធ្វើជា នាយករដ្ឋមន្ត្រី
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៣ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ