ព័ត៌មានអន្ដរជាតិ
តានតឹងកាន់តែខ្លាំង ខណៈសម្ព័ន្ធមិត្តរុស្ស៊ី ធ្វើសមយុទ្ធ នៅមាត់ទ្វារសមាជិកណាតូ
ភាពតានតឹងរវាងរុស្សី និងអង្គការណាតូ កាន់តែឡើងកម្តៅ ខណៈសម្ព័ន្ធមិត្តជិតស្និទ្ធរបស់លោក វ្ល៉ាឌីមៀរ ពូទីន កំពុងធ្វើសមយុទ្ធយោធានៅមាត់ទ្វារប្រទេសជិតខាងលោកខាងលិច។

ប្រធានាធិបតីបេឡារុស្ស លោក Alexander Lukashenko ថ្មីៗនេះ បានស្វាគមន៍ទាហានស៊ីឈ្នួល Wagner មកកាន់ប្រទេសរបស់គាត់ បន្ទាប់ពីក្រុមនេះ បង្កការបះបោររយៈពេលខ្លី នៅក្នុងប្រទេសរុស្ស៊ីកាលពីខែមិថុនា។
ប្រការនេះ នាំឲ្យសមាជិកអង្គការណាតូចំនួន២ គឺប៉ូឡូញនិងលីទុយអានី បង្កើនសន្តិសុខនៅតាមព្រំដែនរបស់ពួកគេ ដោយភ័យខ្លាចការលុកលុយរបស់ក្រុមទាហានស៊ីឈ្នួល Wagner។

ក្រសួងការពារជាតិបេឡារុសប្រកាសថា សមយុទ្ធយោធាបានចាប់ផ្តើមកាលពីថ្ងៃចន្ទទី៧ ខែសីហា នៅជិតជួរភ្នំ Suwalki ដែលមានចម្ងាយ៩៦គីឡូម៉ែត្រ ពីទឹកដីយុទ្ធសាស្ត្រដែលភ្ជាប់ប្រទេសលីទុយអានី ឡាតវី និងអេស្តូនី ជាមួយសម្ព័ន្ធមិត្តណាតូផ្សេងទៀត។ ជួរភ្នំនេះ ក៏បំបែកប្រទេសបេឡារុសពី Kaliningrad ដែលជាតំបន់ពិសេសរបស់រុស្ស៊ីនៅសមុទ្របាល់ទិកផងដែរ។
ដោយមើលឃើញពីសារៈសំខាន់របស់វា ក្រុមអ្នកវិភាគបានបង្ហាញភាពភ័យខ្លាចជាយូរមកហើយថា ជួរភ្នំ Suwalki អាចជាចំណុចក្តៅ នៃក្នុងការប្រឈមមុខដាក់គ្នារវាងរុស្ស៊ី និងណាតូ។

បេឡារុស្ស និយាយថា សមយុទ្ធគឺផ្អែកលើបទពិសោធន៍ពីប្រតិបត្តិការយោធាពិសេស ដែលឃ្លានេះ ត្រូវបានលោកពូទីន ប្រើសម្រាប់ការលុកលុយប្រទេសអ៊ុយក្រែន។
ក្រសួងការពារជាតិបេឡារុសនិយាយថា សមយុទ្ធនេះនឹងពិនិត្យមើល ការប្រើប្រាស់យន្តហោះគ្មានមនុស្សបើក ក៏ដូចជាអន្តរកម្មជិតស្និទ្ធនៃរថក្រោះ និងកងកាំភ្លើងវែង ជាមួយអង្គភាពផ្សេងទៀតនៃកងកម្លាំងប្រដាប់អាវុធ។
ទោះបីជាយ៉ាងណាក៏ដោយ បេឡារុស មិនបានបញ្ជាក់ទេថាតើ សមយុទ្ធនេះ នឹងបញ្ចប់វិញនៅថ្ងៃណា៕
ប្រែសម្រួល៖ Vann Vann
ប្រភព៖ Daily Star
ចុចអាន៖ ណាតូ ចាប់ផ្តើមសមយុទ្ធដែនអាកាស ធំបំផុតក្នុងប្រវត្តិសាស្ត្រ
-
ព័ត៌មានជាតិ១ សប្តាហ៍ មុន
តើលោក ឌី ពេជ្រ ជាគូស្នេហ៍របស់កញ្ញា ហ៊ិន ច័ន្ទនីរ័ត្ន ជានរណា?
-
ព័ត៌មានជាតិ៣ ថ្ងៃ មុន
បណ្តាញផ្លូវជាតិធំៗ ១៣ ខ្សែ ចាយទុនរយលានដុល្លារ កំពុងសាងសង់គ្រោងបញ្ចប់ប៉ុន្មានឆ្នាំទៀតនេះ
-
ព័ត៌មានជាតិ១ ថ្ងៃ មុន
មកដល់ពេលនេះ មានប្រទេសចំនួន ១០ ភ្ជាប់ជើងហោះហើរត្រង់មកប្រទេសកម្ពុជា
-
ព័ត៌មានអន្ដរជាតិ៦ ថ្ងៃ មុន
អាហារចម្លែកលើលោកទាំង ១០ បរទេសឃើញហើយខ្លាចរអា
-
ព័ត៌មានជាតិ៤ ថ្ងៃ មុន
និយ័តករអាជីវកម្មអចលនវត្ថុ និងបញ្ចាំ៖ គម្រោងបុរីម៉ន ដានី ទី២៩ នឹងបើកដំណើរការឡើងវិញ នៅដើមខែធ្នូ
-
ព័ត៌មានជាតិ១ សប្តាហ៍ មុន
ចិន បង្ហាញនូវវត្ថុបុរាណដ៏មានតម្លៃ ដែលភាគច្រើនជាវត្ថុបុរាណបានមកពីកំណាយផ្នូររាជវង្សហាន
-
ព័ត៌មានជាតិ៣ ថ្ងៃ មុន
ច្បាប់មិនលើកលែងឡើយចំពោះអ្នកដែលថតរឿងអាសអាភាស!
-
ព័ត៌មានជាតិ២ ថ្ងៃ មុន
សមត្ថកិច្ច ចាប់ឃាត់ខ្លួនបានហើយ បុរសដែលវាយសត្វឈ្លូសហែលទឹកនៅខេត្តកោះកុង