ហ្វីលីពីន កំពុងពិភាក្សាជាមួយ វៀតណាម និងឥណ្ឌា សម្រាប់ការនាំចូលអង្ករបន្ថែម

មន្ត្រី​កសិកម្ម​ហ្វីលីពីនបាន​និយាយ​ថា ប្រទេស​ហ្វីលីពីន​កំពុង​ពិភាក្សា​ដើម្បី​នាំ​ចូល​អង្ករ​ពី​ប្រទេស​វៀតណាម និង​ឥណ្ឌា ខណៈ​ប្រទេស​អាស៊ីអាគ្នេយ៍​មួយ​នេះ​ស្វែងរក​ការ​ទប់ទល់នឹងការធ្លាក់ថ្លៃអង្ករ ​។

អនុរដ្ឋលេខាធិការជាន់ខ្ពស់ក្រសួងកសិកម្ម លោក Domingo Panganiban បញ្ជាក់ថា ក្រុមហ៊ុននាំចេញវៀតណាមបានប្រាប់តម្លៃរួចហើយគឺទាបជាង ៤០ ដុល្លារអាមេរិក ហើយប្រសិនជាកិច្ចពិភាក្សានេះ ទទួលបានលក្ខណ្ឌសមស្រប នោះហ្វីលីពីន​សង្ឃឹមថា នឹងនាំចូលអង្ករបន្ថែមពី ៣០ ម៉ឺនតោនទៅ ៥០ ម៉ឺនតោនសម្រាប់ឆ្នាំនេះ ។

លោក Panganiban បាននិយាយថា ការទិញបន្ថែមអាចបន្ទាបតម្លៃអង្ករសម្រាប់ប្រទេសហ្វីលីពីន ដោយសារវានឹងជំរុញឃ្លាំងអង្ករជាតិ ទោះបីជាគ្មានការនាំចូលក៏ដោយ ប៉ុន្តែត្រូវបានគេរំពឹងថា នឹងអាចរក្សាបានរយៈពេលពី ៥២ ទៅ ៥៧ ថ្ងៃនៅចុងឆ្នាំនេះ ។

ពាក់ព័ន្ធនឹងបញ្ហានេះដែរ ប្រធានាធិបតីហ្វីលីពីនបានលើកឡើងកាលពីដើមខែនេះថា ប្រទេសអាស៊ីអាគ្នេយ៍ គឺមានស្តុកអង្ករគ្រប់គ្រាន់សម្រាប់ប្រើប្រាស់បាន បើទោះបីជាមានការប្រែប្រួលអាកាសធាតុ El Nino នៅឆ្នាំក្រោយក៏ដោយ ។

គួរបញ្ចាក់ថា ហ្វីលីពីនក៏ជាប្រទេសផលិតអង្ករដ៏ធំបំផុតមួយរបស់ពិភពលោកផងដែរ ប៉ុន្តែជាធម្មតា ក៏ទិញអង្ករពីអ្នកផ្គត់ផ្គង់ធំៗដូចជាប្រទេសថៃ និងវៀតណាម ដើម្បីជួយបំពេញចន្លោះប្រហោងផលិតកម្មដែលបណ្តាលមកពីព្យុះទីហ្វុង ។ យោងតាមមន្ត្រីកសិកម្មហ្វីលីពីននិយាយថា ការនាំចូលអង្ករនៅឆ្នាំនេះ ទំនងជាឈានដល់ ២.៥ លានតោន ខណៈនៅឆ្នាំ២០២២ ហ្វីលីពីនបាននាំចូល ៣.៥ លានតោន ៕

ប្រែសម្រួល៖ នាង រតនៈ

ប្រភព៖ Bangkok post