ព័ត៌មានអន្ដរជាតិ
ចិននឹងលែងទទួលស្គាល់លិខិតឆ្លងដែនជាតិអង់គ្លេសសម្រាប់រស់នៅក្រៅប្រទេសចំពោះជនជាតិហុងកុង
អ្នកនាំពាក្យក្រសួងការបរទេសចិនលោក Zhao Lijian នៅថ្ងៃសុក្រនេះបានប្រាប់ក្រុមអ្នកសារព័ត៌មានថា ប្រទេសចិននឹងលែងទទួលស្គាល់លិខិតឆ្លងដែនជាតិអង់គ្លេសសម្រាប់រស់នៅក្រៅប្រទេស (BNO) ជាឯកសារធ្វើដំណើរ និងអត្តសញ្ញាណប័ណ្ណទៀតហើយ ។ យោងតាមអ្នកនាំពាក្យបានឲ្យដឹងថា រដ្ឋាភិបាលរក្សាសិទ្ធិក្នុងការចាត់វិធានការបន្ថែមទៀតទាក់ទងនឹងបញ្ហានេះ ។
កាលពីពេលថ្មីៗនេះរដ្ឋាភិបាលចក្រភពអង់គ្លេសបានប្រកាសថាខ្លួននឹងផ្តល់សញ្ជាតិដល់ប្រជាជនហុងកុងរហូតដល់ទៅ ៣ លាននាក់ដែលចាប់ផ្តើមពីថ្ងៃអាទិត្យ ។ យោងតាមការិយាល័យការបរទេសបានឲ្យដឹងថា អ្នកកាន់លិខិតឆ្លងដែនជាតិអង់គ្លេសសម្រាប់រស់នៅក្រៅប្រទេស (BNO) នឹងអាចដាក់ពាក្យសុំទៅរស់នៅ និងធ្វើការនៅអង់គ្លេសបានរហូតដល់ ៥ ឆ្នាំ ។
ចក្រភពអង់គ្លេសបានថ្កោលទោសរដ្ឋាភិបាលចិនម្តងហើយម្តងទៀតចំពោះការដាក់ចេញនូវច្បាប់សន្តិសុខជាតិដោយចាត់ទុកថានេះជាការរំលោភយ៉ាងធ្ងន់ធ្ងរលើសេចក្តីប្រកាសរួមចិន-អង់គ្លេសឆ្នាំ ១៩៨៤ ដែលបានត្រួសត្រាយផ្លូវសម្រាប់ការប្រគល់ហុងកុងទៅកាន់ប្រទេសចិនក្នុងឆ្នាំ ១៩៩៧ ។
ទន្ទឹមនោះមន្ដ្រីចិនបានទទូចដល់ចក្រភពអង់គ្លេសកុំឲ្យជ្រៀតជ្រែកកិច្ចការហុងកុង និងបោះបង់ចោល“ចិត្តគំនិតសង្គ្រាមត្រជាក់” របស់ពួកគេ ។
ក្នុងរយៈពេលប៉ុន្មានខែចុងក្រោយនេះទីក្រុងឡុងដ៍ និងទីក្រុងប៉េកាំងបានជាប់គាំងដោយសារបញ្ហាជាច្រើន ។ នៅថ្ងៃទី ១២ ខែមករា រដ្ឋមន្រ្តីក្រសួងការបរទេស និងកិច្ចការអភិវឌ្ឍន៍ចក្រភពអង់គ្លេស លោក Dominic Raab បាននិយាយថា រដ្ឋាភិបាលនឹងអនុវត្តវិធានការណ៍ជាច្រើនប្រឆាំងនឹងទីក្រុងប៉េកាំងជុំវិញការធ្វើទារុណកម្មលើជនជាតិអ៊ុយហ្គ័រនៅក្នុងប្រទេសចិន ។
ទីក្រុងប៉េកាំងបានបដិសេធរាល់ការចោទប្រកាន់ទាំងអស់ ហើយបានជំរុញឲ្យទីក្រុងឡុងដ៍ដកការរឹតត្បិតលើពាណិជ្ជកម្មជាមួយក្រុមហ៊ុនមកពីខេត្ត Xinjiang ដែលបានដាក់ក្រោមលេសនៃការរំលោភសិទ្ធិមនុស្ស និងការប្រើប្រាស់កម្លាំងពលកម្មដោយបង្ខំ ។
គួរបញ្ជាក់ថា ច្បាប់សន្តិសុខជាតិគឺហាមប្រាមសកម្មភាពអបគមន៍ ការបះបោរ និងសកម្មភាពភេរវកម្មរួមជាមួយនឹងការជ្រៀតជ្រែកពីបរទេសនៅក្នុងប្រទេសហុងកុង ខណៈប្រធានាធិបតីចិនលោក ស៊ី ជីនពីង បានចុះហត្ថលេខាលើក្រឹត្យមួយដើម្បីអនុម័តច្បាប់នេះនៅថ្ងៃទី ៣០ ខែមិថុនា ឆ្នាំ ២០២០ ៕
ប្រែសម្រួលដោយ ៖ ជីវ័ន្ត
ប្រភព ៖ Sputnik
ចុចអាន ៖ ចិនព្រមានខ្លាំងៗ៖ ឯករាជ្យភាពរបស់កោះតៃវ៉ាន់មានន័យថា “សង្គ្រាម”
ចុចអាន ៖ ក្រុមជំនាញស៊ើបអង្កេតប្រភពដើមជំងឺកូវីដដឹកនាំដោយ WHO នឹងទៅទីតាំងណាខ្លះក្នុងទីក្រុងអ៊ូហាន
-
សេដ្ឋកិច្ច៥ ថ្ងៃ ago
ធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ៦ ថ្ងៃ ago
ក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច២ ថ្ងៃ ago
គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៦ ថ្ងៃ ago
សារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៥ ថ្ងៃ ago
វិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ៦ ថ្ងៃ ago
ស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
សន្តិសុខសង្គម៥ ថ្ងៃ ago
ព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)
-
ព័ត៌មានជាតិ៥ ថ្ងៃ ago
ភ្លៀងមួយមេលើកដំបូងធ្វើឲ្យផ្ទះពលរដ្ឋ៣៣ខ្នងរលំ និងប៉ើងដំបូល