ព័ត៌មានអន្ដរជាតិ
យោធាមីយ៉ាន់ម៉ាប្រកាសកាន់កាប់ប្រទេសក្នុងរដ្ឋប្រហារ
ទូរទស្សន៍យោធាមីយ៉ាន់ម៉ា Myawaddy TV បានធ្វើសេចក្តីប្រកាសនៅព្រឹកថ្ងៃចន្ទនេះថា យោធានឹងកាន់កាប់ប្រទេសរយៈពេលមួយឆ្នាំនេះពេញ ។
សេចក្តីរាយការណ៍និយាយថា រដ្ឋប្រហារយោធាមួយបានកើតឡើងនៅក្នុងប្រទេសមីយ៉ាន់ម៉ានៅព្រឹកថ្ងៃចន្ទនេះ ហើយទីប្រឹក្សារដ្ឋលោកស្រី អ៊ុងសាន ស៊ូជី ត្រូវបានឃុំខ្លួនក្រោមការឃុំឃាំងក្នុងផ្ទះ ខណៈអ៊ីនធឺណិត និងប្រព័ន្ធទំនាក់ទំនងត្រូវបានកាត់ផ្តាច់នៅក្នុងរដ្ឋធានី ។
ទន្ទឹមនោះសមាជិកសភាមីយ៉ាន់ម៉ានឹងជួបជុំគ្នានៅថ្ងៃចន្ទនេះនៅរដ្ឋធានីណៃពិដោសម្រាប់កិច្ចប្រជុំសភាលើកដំបូងចាប់តាំងពីការបោះឆ្នោតឆ្នាំមុន ។
ប៉ុស្តិ៍ទូរទស្សន៍អនឡាញ Myanmar Now បានដកស្រង់ប្រភពមិនស្គាល់អត្តសញ្ញាណអំពីការចាប់ខ្លួនលោកស្រី ស៊ូជី និងប្រធានគណបក្ស NLD នៅពេលព្រឹកព្រលឹម ហើយមិនមានព័ត៌មានលម្អិតច្បាស់លាស់នោះទេ ។ ចំណែកទូរទស្សន៍ MVT និងវិទ្យុសម្លេងមីយ៉ាន់ម៉ា (MVR) បានផ្សាយលើហ្វេសប៊ុកនៅម៉ោងប្រហែល ៦ និង ៣០ នាទីព្រឹកថា កម្មវិធីរបស់ពួកគេមិនមានការចាក់ផ្សាយជាធម្មតានោះទេ ។
លោកស្រី ស៊ូជី អាយុ ៧៥ ឆ្នាំគឺជាអ្នកនយោបាយដែលលេចធ្លោជាងគេនៅក្នុងប្រទេស ហើយបានក្លាយជាមេដឹកនាំរបស់ប្រទេស បន្ទាប់ពីដឹកនាំការតស៊ូអហិង្សាប្រឆាំងនឹងការគ្រប់គ្រងយោធាអស់រយៈពេលជាច្រើនទសវត្ស ។
គណបក្សរបស់លោកស្រី ស៊ូជី បានដណ្តើមយកអាសនៈចំនួន ៣៩៦ ក្នុងចំណោមអាសនៈទាំង ៤៧៦ នៅក្នុងសភាជាន់ទាប និងសភាជាន់ខ្ពស់ក្នុងការបោះឆ្នោតខែវិច្ឆិកា ខណៈយោធាទទួលបាន ២៥ ភាគរយនៃអាសនៈសរុបក្រោមសេចក្ដីព្រាងច្បាប់រដ្ឋធម្មនុញ្ញយោធាឆ្នាំ ២០០៨ ៕
ប្រែសម្រួលដោយ ៖ ជីវ័ន្ត
ប្រភព ៖ AP
ចុចអាន ៖ កងទ័ពចាប់ខ្លួន លោកស្រី ស៊ូជី និងប្រធានាធិបតីមីយ៉ាន់ម៉ា
ចុចអាន ៖ គណបក្សលោកស្រី ស៊ូជី ទទួលបានអាសនៈគ្រប់គ្រាន់ដើម្បីបង្កើតរដ្ឋាភិបាលថ្មីរបស់មីយ៉ាន់ម៉ា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង