Connect with us

ព័ត៌មានអន្ដរជាតិ

រាជរដ្ឋាភិបាលថៃ សម្រេចបញ្ចុះតម្លៃអគ្គិសនីបន្ថែមទៀត ជូនប្រជាជន

បានផុស

នៅ

​នៅ​ថ្ងៃចន្ទទី១៨ខែកញ្ញា គណៈរដ្ឋមន្ត្រីថៃ ​បាន​សម្រេច​កាត់​បន្ថយ​ថ្លៃ​អគ្គិសនី​បន្ថែម​ទៀត ​មក​នៅ​ត្រឹម ៣.៩៩ បាត ​(ប្រហែល ៤៦១រៀល) ក្នុង​មួយគីឡូវ៉ាត់។ រឿងនេះកើតឡើង ក្រោយការសម្រេចចិត្តកាលពីសប្តាហ៍មុន ក្នុងការចុះថ្លៃពី ៤.៤៥បាត មកនៅ ៤.១០បាត ក្នុងមួយគីឡូវ៉ាត់។

(រូបថត៖ Thai PBS)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណាក៏ដោយ គណៈរដ្ឋមន្ត្រី មិនបានបញ្ជាក់ច្បាស់ថា តើការចុះថ្លៃនេះ នឹងត្រូវអនុវត្តប៉ុន្មានខែ ឬអូសបន្លាយយូរយ៉ាងណានោះទេ។

អ្នកនាំពាក្យរដ្ឋាភិបាលលោក Chai Watcharong និយាយថា បន្ទាប់ពីការកាត់បន្ថយតម្លៃ លើកដំបូងកាលពីសប្តាហ៍មុន លោកនាយករដ្ឋមន្រ្តី សេតថា ថាវីស៊ី បានចាត់ឲ្យរដ្ឋមន្ត្រីថាមពល Pirapan Salirathavibhaga ពិចារណាថាតើការបញ្ចុះតម្លៃបន្ថែមទៀត នឹងអាចធ្វើទៅបានដែរឬទេ ហើយមកដល់ថ្ងៃចន្ទ ទើបគណៈរដ្ឋមន្ត្រីសម្រេចអនុម័តតែម្តង។

គួរបញ្ជាក់ជាថ្មី បន្ទាប់ពីកិច្ចប្រជុំគណៈរដ្ឋមន្ត្រីលើកដំបូងរបស់លោក សេតថា, គណៈរដ្ឋមន្ត្រីបានសម្រេចនៅថ្ងៃពុធទី១៣ខែកញ្ញា ក្នុងការចុះថ្លៃអគ្គិសនីពី ៤.៤៥ បាត មក ៤.១០ បាត ក្នុងមួយគីឡូវ៉ាត់។

សេតថា ថាវីស៊ី (រូបថត៖ X)

គណៈរដ្ឋមន្ត្រី ក៏បានសម្រេចកាត់បន្ថយតម្លៃប្រេងម៉ាស៊ូតមកនៅក្រោម ៣០បាតក្នុងមួយលីត្រផងដែរ ចាប់ពីថ្ងៃទី២០ខែកញ្ញាទៅ។

ការចុះ​ថ្លៃ​អគ្គិសនីនិង​ប្រេង ​គឺ​ស្ថិត​ក្នុង​ចំណោម​គោល​នយោបាយ​អាទិភាព​ខ្ពស់​បំផុត ​ដែល​ដាក់ចេញ​ដោយ​គណបក្ស​ភឿថៃ​ ក្នុង​យុទ្ធនាការឃោសនាបោះ​ឆ្នោត​របស់​ខ្លួន។

លើសពីនេះ គណៈរដ្ឋមន្ត្រី ក៏បានសម្រេចចិត្តបើកប្រាក់ខែមន្ត្រីរាជការ មួយខែពីរដងផងដែរ ដើម្បីសម្រាលបន្ទុកហិរញ្ញវត្ថុរបស់ពួកគេ ហើយនៅត្រីមាសទីបួនឆ្នាំនេះ រដ្ឋាភិបាល នឹងអនុវត្តការផ្អាកសងបំណុលរបស់កសិករ៕

ប្រែសម្រួល៖ Vann Vann

ប្រភព៖ Thai PBS

ចុចអាន៖ លោក សេតថា ចាប់ផ្តើមអនុវត្ត ការចុះថ្លៃអគ្គិសនីនិងប្រេងម៉ាស៊ូត ជូនប្រជាជនថៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

នាយករដ្ឋមន្ត្រី ឧបត្ថម្ភថវិកាសរុប៥០ម៉ឺនដុល្លារ ដល់សមាគមសិល្បករខ្មែរ​

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ ចេញ​សេចក្តីប្រកាស​ព័ត៌មាន​បង្ហាញ​ពី​កិច្ចខិតខំ​ប្រឹងប្រែង​ក្នុង​ការ​ជួយ​ពលការ​នី​ខ្មែរ​នៅ​ប្រទេស​អា​រ៉ា​ប៊ី​សា​អូឌីត

ព័ត៌មានជាតិ៤ ម៉ោង មុន

សម្ដេចធិបតី​ បញ្ជាឱ្យរៀបចំប្រកួតក្បាច់គុនល្បុកតោ គុនខ្មែរ ខម ស្រងែពែន​  ដើម្បីគាស់រំលើងក្បាច់គុនឡើងវិញ

ព័ត៌មានជាតិ៤ ម៉ោង មុន

សម្ដេចធិបតី ណែនាំឱ្យសមាគមសិល្បករខ្មែរ​ ជួយចាស់ជរា ក្មេងកំព្រា   និងបន្តជួយទ្រទ្រង់ជីវភាពសិល្បករចាស់ជរា

ព័ត៌មានជាតិ៥ ម៉ោង មុន

ឯកឧត្ដម ហ៊ុន ម៉ានី អញ្ជើញចូលរួមគោរពវិញ្ញាណក្ខន្ធ ព្រឹទ្ធមហាឧបាសិកាពុទ្ធសាសនូបត្ថម្ភក៏ គង់ ម៉ាលី

Sokha Hotels

ព័ត៌មានពេញនិយម