Connect with us

ព័ត៌មានអន្ដរជាតិ

រដ្ឋមន្ត្រីមួយរូបរបស់ អ៊ីស្រាអែល មិនពេញចិត្តទាល់តែសោះលើកិច្ចព្រម​ព្រៀងដោះដូរចំណាប់ខ្មាំង​

បានផុស

នៅ

រដ្ឋមន្ត្រីសន្តិសុខជាតិអ៊ីស្រាអែល លោក Itamar Ben Gvir បាននិយាយថា លោកមិនពេញចិត្តទាល់តែសោះចំពោះកិច្ចព្រមព្រៀងដោះដូរចំណាប់ខ្មាំងដែលទើបសម្រេចបានកាលពីពេលថ្មីៗនេះនោះទេ ហើយថែមទាំងហៅវាថាគឺជា “គំរូដ៏អាក្រក់” ជាពិសេសវានឹងនាំឲ្យមានកំហុសឆ្គងដូចកាលពីអតីតកាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ben Gvir បានរំឭកថា កាលពីកិច្ចព្រមព្រៀងក្នុងឆ្នាំ ២០១១ មានការដោះដូរភេរវករជាង ១,០០០ នាក់ជាថ្នូរនឹងការដោះលែងត្រឹមតែកងកម្លាំងការពារជាតិអ៊ីស្រាអែល (IDF) តែម្នាក់ប៉ុណ្ណោះ ដូច្នេះនេះគឺជាគំនុំដែលយើងមិនអាចបំភ្លេចបាននោះទេ ។

មិនតែប៉ុណ្ណោះ លោករដ្ឋមន្ត្រីក៏បានថ្កោលទោសកិច្ចព្រមព្រៀងនេះផងដែរថា គឺមិនធានាដល់ការដោះលែងស្ត្រី និងកុមារទាំងអស់ដែលត្រូវបានចាប់ឃុំខ្លួននៅតំបន់ហ្គាហ្សានោះទេ ព្រោះថាវាគ្រាន់តែជាការបំភ័ន្តភ្នែក ហើយវាពិតជាអសីលធម៌ និងមិនសមហេតុផលទាល់តែសោះ ។

ទន្ទឹមនោះ ការអះអាងរបស់លោក Ben Gvir ដែលជាសមាជិកមកពីគណបក្សស្ដាំនិយម Otzma Yehudit កើតមានឡើង បន្ទាប់ពីគណៈរដ្ឋមន្ត្រីនៃគណបក្សរបស់លោកមិនបានបោះឆ្នោតគាំទ្រក្នុងសំឡេងភាគច្រើនលើកិច្ចព្រមព្រៀងដែលនាំឲ្យមានការដោះលែងចំណាប់ខ្មាំងមួយចំនួនចេញពីតំបន់ហ្គាហ្សានោះទេ ។

ពាក់ព័ន្ធនឹងបញ្ហានេះ លោករដ្ឋមន្ត្រីសន្តិសុខជាតិបានលើកឡើងថា យើងគួរតែសញ្ជឹងគិតលើកិច្ចព្រមព្រៀងដោះដូរចំណាប់ខ្មាំង ។ ជម្រើសគ្រប់យ៉ាងនៅពេលនេះគឺអាក្រក់ខ្លាំងណាស់ ដោយសារតែក្រុម​ហាម៉ាស​ចង់​បាន​បទ​ឈប់​បាញ់​នេះ​ជាង​អ្វី​ទាំង​អស់ ។

លោក Ben Gvir បានដាក់ចម្ងល់ថា នៅក្នុងកិច្ចព្រមព្រៀងនោះ បញ្ចូលទាំងការផ្អាកបាញ់នៅតំបន់ហ្គាហ្សារយៈពេល ៥ ថ្ងៃ និងការដោះលែងចំណាប់ខ្មាំងចំនួន ៥០ ដែលក្រុមហាម៉ាសចាប់ឃុំខ្លួនជាថ្នូរនឹងការដោះដូរអ្នកទោសប៉ាឡេស្ទីនប្រហែល ១៥០ នាក់ដែលកំពុងស្ថិតក្នុងកណ្ដាប់ដៃអ៊ីស្រាអែល ប៉ុន្តែតើអ្នកមានឆ្ងល់ទេថាតើហេតុអ្វីបានជាកិច្ចព្រមព្រៀងនោះមិនព្រមដោះដូរចំណាប់ខ្មាំង និងអ្នកទោសទាំងអស់ក្នុងពេលដំណាលគ្នាតែម្ដងទៅ ។

រហូតមកដល់ពេលនេះ អ៊ីស្រាអែលនៅតែបន្តធ្វើការវាយប្រហារទាំងតាមផ្លូវអាកាស និងផ្លូវគោកដោយមិនប្រណីដៃលើតំបន់ហ្គាហ្សាស្ទ្រីប រួមទាំងមន្ទីរពេទ្យ កន្លែងស្នាក់នៅ និងវិហារឥស្លាមផងដែរ ចាប់តាំងពីក្រុមហាម៉ាសប៉ាឡេស្ទីនបើកការរវាយប្រហារឆ្លងព្រំដែនកាលពីថ្ងៃទី៧ ខែតុលា និងបានចាប់ចំណាប់ខ្មាំងប្រហែល ២៤០ នាក់ ។

ក្រសួងសុខាភិបាលនៅតំបន់ហ្គាហ្សាបានឲ្យដឹងទៀតថា ចាប់តាំងពីពេលនោះមក ជនស៊ីវិលលើស ១៤,៥០០ នាក់ត្រូវបានសម្លាប់ រួមទាំងកុមារ និងស្ត្រីសរុប ១០,០០០ នាក់ ខណៈខាងអ៊ីស្រាអែលវិញមានមនុស្សជិត ១,២០០ នាក់បានបាត់បង់ជីវិត ។

ក្រៅ​ពី​ចំនួន​អ្នក​ស្លាប់ដ៏ច្រើនសន្ធឹកសន្ធាប់នេះ ក្រសួងសុខាភិបាលដែលគ្រប់គ្រងដោយក្រុមហាម៉ាសបាននិយាយថា ការវាយប្រហារសងសឹករបស់អ៊ីស្រាអែលលើតំបន់ហ្គាហ្សា ក៏បានបណ្ដាលឲ្យមនុស្សជាង ៣៥,០០០ នាក់ រងរបួសផងដែរ ខណៈប្រជាជន ២.៣ លាននាក់កំពុងខ្វះជំនួយមនុស្សធម៌ ៕

ប្រែសម្រួលដោយ ៖ ជីវ័ន្ត

ប្រភព ៖ Times of Israel

ចុចអាន ៖ កងទ័ព អ៊ីស្រាអែល ឡោមព័ទ្ធតំបន់មួយទៀតនៅភាគខាងជើង ហ្គាហ្សា និងត្រៀមបើកការវាយលុកតាមជើងគោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៧ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៧ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១០ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១១ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម