ព័ត៌មានអន្ដរជាតិ

លោកសេដ្ឋា បង្ហាញឈ្មោះចំណាប់ខ្មាំងថៃ ៤ នាក់បន្ថែមទៀត ដែលក្រុមហាម៉ាសដោះលែង

បានផុស

២ years មុន

នៅ

ថ្ងៃអាទិត្យ ២៦ វិច្ឆិកា ២០២៣

ដោយ

លោកនាយករដ្ឋមន្ត្រីលោក សេដ្ឋា បង្ហាញឈ្មោះចំណាប់ខ្មាំងថៃជាក្រុមទី២ចំនួន ៤នាក់បន្ថែមទៀត បន្ទាប់ពីក្រុមហាម៉ាសបានដោះលែង ខណៈក្រសួងការបរទេសបានបង្ហាញថា នៅមានជនជាតិថៃ ១៨នាក់ទៀតកំពុងឃុំខ្លួន។

នេះគឺដោយសារក្រសួងការបរទេស (MoE) បញ្ចេញឈ្មោះចំណាប់ខ្មាំងថៃ១០នាក់នៅអ៊ីស្រាអែល ដែលមន្ត្រីនៃស្ថានទូតថៃប្រចាំទីក្រុង Tel Aviv កំពុងផ្តល់ជំនួយ ហើយបានទាក់ទងសាច់ញាតិនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃអាទិត្យ ទី២៦ ខែវិច្ឆិកា ឆ្នាំ២០២៣ នេះលោក សេដ្ឋា ថាវីស៊ីន នាយករដ្ឋមន្ត្រី និងជារដ្ឋមន្ត្រីក្រសួងហិរញ្ញវត្ថុ បានបង្ហោះសារតាម Twitter (X) ដោយរាយការណ៍ពីដំណឹងល្អ និងបង្ហាញឈ្មោះចំណាប់ខ្មាំងថៃ ៤ នាក់ទៀតដែលត្រូវបានដោះលែង ដោយបញ្ជាក់ថា “ខ្ញុំសប្បាយចិត្តណាស់ កាលពីថ្ងៃទី ២៥ ខែវិច្ឆិកា វេលាម៉ោង ១១:៥០ យប់ (ម៉ោងក្នុងស្រុក) ចំណាប់ខ្មាំងថៃត្រូវបានដោះលែង”។

១ Natthaphon Onkaew

២ Khomkrit Chombua

៣ Anucha Angkaew

៤ Manee Jirachat

លោក សេដ្ឋា ថាវីស៊ីន បានបញ្ចាក់ទៀតថា ចំណាប់ខ្មាំងថៃទាំង៤រូបនេះក្រោយការពិនិត្យរាងកាយដំបូង គ្រប់គ្នាមានសុខភាពល្អនិងគ្មានរបួសនោះទេ។ ពួកគេអាចនិយាយនិងដើរធម្មតា ហើយបង្ហាញអាការសប្បាយចិត្តខ្លាំង ព្រមទាំងចង់ទាក់ទងសាច់ញាតិរៀងៗខ្លួនថែមទៀត។ បច្ចុប្បន្នលោកកំពុងធ្វើដំណើរទៅកាន់មន្ទីរពេទ្យ Shamir Medical Center (Assaf Harofe) ដើម្បីថ្លែងអំណរគុណចំពោះក្រសួងការបរទេស និងនាយកដ្ឋានសន្តិសុខ។

ដោយឡែក ក្រសួងការបរទេសបានបញ្ចាក់បន្ថែមទៀតថា ពួកគេទទួលដំណឹងពីស្ថានទូតថៃប្រចាំនៅទីក្រុង Tel Aviv ថា មានជនជាតិថៃក្រុមទី២ ក្នុងចំណោម ៤នាក់ត្រូវបានដោះលែង ហើយបច្ចុប្បន្នពួកគេត្រូវបានបញ្ជូនទៅមន្ទីរពេទ្យដែលរៀបចំដោយភាគីអ៊ីស្រាអែលដើម្បីពិនិត្យសុខភាព ដោយមន្ត្រីស្ថានទូត បានទៅជួយសម្របសម្រួលទំនាក់ទំនងជាមួយក្រុមគ្រួសារនៅមន្ទីរពេទ្យ។

ជាមួយគ្នានេះ ស្ថានទូតផ្តល់ព័ត៌មានបន្ថែមថា ដោយបញ្ជាក់ពីអាជ្ញាធរអ៊ីស្រាអែល ចំនួនជនជាតិថៃដែលត្រូវបានឃុំខ្លួនបានកើនឡើងចំនួនពីរបន្ថែមទៀត។ តាមការប៉ាន់ស្មានថានៅតែមានជនជាតិថៃចំនួន១៨នាក់ត្រូវបានឃុំខ្លួន។រដ្ឋាភិបាលថៃនឹងប្រឹងប្រែងឲ្យអស់ពីសមត្ថភាពដើម្បីជួយជនជាតិថៃដែលនៅសេសសល់ឲ្យដោះលែងមានសុវត្ថិភាពឆាប់តាមដែលអាចធ្វើទៅបាន។

បច្ចុប្បន្នក្រសួងការបរទេសកំពុងសម្របសម្រួលជាមួយភាគីអ៊ីស្រាអែលអំពីដំណើរការដែលពាក់ព័ន្ធ ដើម្បីនាំបងប្អូនជនជាតិថៃទាំង ១៤ នាក់ ដែលត្រូវបានដោះលែង និងឆ្លងកាត់ដំណើរការព្យាបាលដំបូងនៅប្រទេសអ៊ីស្រាអែល ត្រឡប់ទៅប្រទេសថៃជួបក្រុមគ្រួសារពួកគេវិញ៕