បុត្រាទី ២ របស់ស្ដេច ថៃ មានព្រះបន្ទូលថា នឹងយាងមកមាតុប្រទេសសាជាថ្មី

ព្រះរាជបុត្រច្បងទីពីររបស់ព្រះមហាក្សត្រថៃ Vacharaesorn Vivacharawongse បានយាងត្រឡប់ទៅទីក្រុងញូវយ៉កកាលពីថ្ងៃចន្ទ បន្ទាប់ពីទ្រង់យាងគង់ក្នុងប្រទេសថៃអស់រយៈពេលពីរសប្តាហ៍ ដោយក្នុងនោះទ្រង់មានព្រះបន្ទូលថា នឹងយាងមកមាតុប្រទេសសាជាថ្មី។

បុត្រារបស់ស្ដេច Maha Vajiralongkorn បានបង្ហោះរូបភាពផ្ទាល់របស់ទ្រង់និងអ្នកដើរតាមនៅអាកាសយានដ្ឋានសុវណ្ណភូមិ ក្នុងខេត្ត Samut Prakan ជាមួយនឹងសារយ៉ាងខ្លីតែពេញដោយអត្ថន័យថា “See you again ThailandI”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះយ៉ាងណាក៏ដោយ ក្នុងដំណើរយាងត្រលប់ទៅកាន់សហរដ្ធអាមេរិកវិញ បានធ្វើឲ្យប្រជាជនថៃដែលស្រលាញ់ទ្រង់កន្លងមកបានចូលទៅសរសេរពីក្រោមរូបភាពរបស់ទ្រង់ជូនពរជួបសុខសុវត្ថិភាព។ ចំណែកមនុស្សមួយចំនួនទៀត ក៏មានក្ដីសង្ឃឹមថា នឹងឃើញព្រះភ័ក្រព្រះរាជបុត្រាទី៣​​ Vacharaesorn យាងមកកាន់មាតុភូមិលើកទី៣ម្ដងទៀត។

សូមរម្លឹកដែរថា ព្រះរាជបុត្រ Vacharaesorn និងក្រុមគ្រួសារត្រូវស្ដេច​ Maha Vajiralongkorn និរទេសចេញពីមាតុភូមិកំណើតអស់រយៈពេល២៧ឆ្នាំ។ ក្រោយមក នៅថ្ងៃទី០៧ ខែសីហា ឆ្នាំ២០២៣ ទ្រង់និងព្រះអនុជបានយាងមកកាន់ប្រទេសថៃលើកដំបូង បង្កើតការភ្ញាក់ផ្អើលដល់​ប្រព័ន្ធ​ផ្សព្វផ្សាយ​ធំៗ​លើពិភពលោក។

បន្ទាប់មកទៀតទ្រង់បានធ្វើមាតុប្រទេសលើកទី២នាថ្ងៃទី ០៥ខែ ធ្នូ ដើម្បីចូលរួមពិធីបុណ្យទិវាលោកឪពុកនៅថ្ងៃទី ០៥ ខែធ្នូ ព្រមទាំងថ្វាយបង្ខំ​ព្រះ​មហា​ក្សត្រ ព្រះបាទភូមិបុលអាឌុលយ៉ាដេត ព្រះករុណាដ៏អស្ចារ្យ ក្នុងព្រះរាជពិធីបុណ្យចម្រើនព្រះជន្ម ៥ធ្នូ៕

ប្រែសម្រួល៖ សាង ​ស្រីល័ក្ខ

ប្រភព៖Nationthailand

ចុចអាន៖ធ្វើមាតុប្រទេសលើកទី២ភ្លាម បុត្រារបស់ស្ដេចថៃ យាងគោរពព្រះ​វិញ្ញាណក្ខន្ធ​អតីតក្សត្រ Bhumibol ដោយឥតបង្អង់យូរ