Connect with us

ព័ត៌មានអន្ដរជាតិ

អាល្លឺម៉ង់ ព្រមានថា ក្មេងៗ គួរត្រៀមខ្លួន ចំពោះសង្គ្រាម

បានផុស

នៅ

នៅដើមសប្តាហ៍នេះ រដ្ឋមន្ត្រីក្រសួងអប់រំនៃរដ្ឋាភិបាលទីក្រុងបែរឡាំង លោកស្រី Bettina Stark-Watzinger បានព្រមានថា កុមារអាល្លឺម៉ង់ គួរតែប្រុងប្រៀបឲ្យបានរួចរាល់ចំពោះសង្គ្រាម ដើម្បីបង្កើនភាពធន់។ 

រដ្ឋមន្ត្រីក្រសួងអប់រំអាល្លឺម៉ង់ លោកស្រី Bettina Stark-Watzinger (រូបថត៖ Getty)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងបទសម្ភាសជាមួយប្រព័ន្ធផ្សព្វផ្សាយ Funke, លោកស្រីនិយាយថា ក្មេងៗ គួរទទួលបានការបង្រៀនពីអ្វីដែលត្រូវធ្វើ ក្នុងករណីមានជម្លោះ ហើយលោកស្រីក៏ស្នើឲ្យធ្វើលំហាត់ “ការពារស៊ីវិល” នៅតាមសាលារៀនផងដែរ ដើម្បីឲ្យក្មេងៗចេះត្រៀមខ្លួនសម្រាប់ព្រឹត្តិការណ៍ដែលអាចកើតឡើងនៅប៉ុន្មានឆ្នាំខាងមុខ។

សង្គមទាំងមូល ត្រូវតែរៀបចំឲ្យបានល្អសម្រាប់វិបត្តិនានា ចាប់ពីជំងឺរាតត្បាត គ្រោះមហន្តរាយធម្មជាតិ រហូតដល់សង្គ្រាម។ ការការពារស៊ីវិល គឺពិតជាមានសារៈសំខាន់ខ្លាំងណាស់ ហើយវាក៏ជាកម្មសិទ្ធិរបស់សាលាផងដែរ។ គោលដៅចម្បងគឺត្រូវតែពង្រឹងភាពធន់។

(រូបថត៖ Getty)

ស្របពេលជាមួយគ្នានោះ លោកស្រីក៏អំពាវនាវឲ្យមានការរឹតចំណងទំនាក់ទំនងរវាងសិស្សសាលា និងកងកម្លាំងប្រដាប់អាវុធអាល្លឺម៉ង់ផងដែរ ដោយស្នើឲ្យមន្ត្រីយោធា គួរតែចុះទៅពិនិត្យតាមសាលារៀន ដើម្បីពន្យល់ពីអ្វីដែលកងកម្លាំង ខិតខំធ្វើសម្រាប់សន្តិសុខ។

សូមបញ្ជាក់ថា គំនិតផ្តួចផ្តើមរបស់លោកស្រី Stark-Watzinger គឺឆ្លុះបញ្ចាំងពីគោលនយោបាយរបស់រដ្ឋាភិបាលអាល្លឺម៉ង់ ដែលមានបំណងឲ្យប្រទេសនេះ ត្រៀមខ្លួនឲ្យពេញលក្ខណៈចំពោះសង្រ្គាម ខណៈលទ្ធភាពជម្លោះរុស្ស៊ី-ណាតូ ទំនងជាកើតឡើងក្នុងរយៈពេលពីរបីឆ្នាំខាងមុខ។

(រូបថត៖ Bloomberg)

កាលពីខែកុម្ភៈ រដ្ឋមន្ត្រីការពារជាតិអាល្លឺម៉ង់ លោក Boris Pistorius បានអះអាងនៅក្នុងបទសម្ភាសជាមួយ Bloomberg ថា រុស្ស៊ីអាចវាយប្រហារអង្គការណាតូ ក្នុងរយៈពេល៥ទៅ៨ឆ្នាំទៀត ហើយមេទ័ពទីក្រុងបែរឡាំង ឧត្តមសេនីយ៍ Carsten Breuer ក៏បានគូសបញ្ជាក់អំពីសារៈសំខាន់ ធ្វើទំនើបកម្មយោធារបស់ប្រទេសនេះ ដើម្បីត្រៀមខ្លួនចំពោះសង្គ្រាមផងដែរ។

ពាក់ព័ន្ធរឿងសង្គ្រាមនេះ ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានបញ្ជាក់ម្តងហើយម្តងទៀតថា រុស្ស៊ីមិនដែលមានផែនការវាយប្រហារណាតូទេ ហើយតាមពិតទៅ ភាពជ្រួលច្របល់នៅអឺរ៉ុបគឺ ដោយសារតែអាមេរិកបំភ័យប៉ុណ្ណោះ៕

អត្ថបទ៖ សុខ សុវណ្ណ

ចុចអាន៖ មេទ័ពអាល្លឺម៉ង់ ប្រាប់ឲ្យរៀបជើងព្រួល ត្រៀមធ្វើសង្គ្រាមជាមួយរុស្ស៊ី ៥ឆ្នាំខាងមុខ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម