ព័ត៌មានអន្ដរជាតិ
ពិភពលោក បារម្ភផ្ទុះសង្គ្រាមដ៏មហន្តរាយ ក្រោយអ៊ីរ៉ង់ ប្រកាសសងសឹក អ៊ីស្រាអែល ឥតត្រាប្រណី
មិនបង្អង់យូរឡើយ គ្រាន់តែអ៊ីស្រាអែល បើកការវាយប្រហារ លើស្ថានកុងស៊ុលអ៊ីរ៉ង់ក្នុងទីក្រុងដាម៉ាស នៃប្រទេសស៊ីរី សម្លាប់មេទ័ពកំពូលភ្លាម ស្រាប់តែទីក្រុងតេហេរ៉ង់ ចេញមកប្រកាសថា ខ្លួននឹងសងសឹកដោយឥតត្រាប្រណី ខណៈក្រុមអ្នកវិភាគ បង្ហាញក្តីបារម្ភថា បើមានការគណនាខុសតែបន្តិច សង្គ្រាមដ៏មហន្តរាយនឹងផ្ទុះឡើង ព្រោះប្រទេសទាំងពីរ សុទ្ធតែមានអាវុធនុយក្លេអ៊ែរ គ្រាន់តែលាក់បាំងប៉ុណ្ណោះ។
![](https://www.kampucheathmey.com/wp-content/uploads/2024/04/image-137.png)
ត្បិតអីមិនមានការបញ្ជាក់ជាផ្លូវការថា ប្រទេសទាំងពីរមានអាវុធនុយក្លេអ៊ែរប៉ុន្មានក៏ដោយ ប៉ុន្តែតាមរបាយការណ៍ឆ្នាំ២០២៣របស់ Reuters បង្ហាញថា អ៊ីស្រាអែល អាចមានក្បាលគ្រាប់នុយក្លេអ៊ែរចន្លោះពី៨០ទៅ៤០០គ្រាប់ ខណៈទិន្នន័យអ៊ីរ៉ង់ គឺត្រូវបិទជិតតែម្តង ប៉ុន្តែចារកម្មអាមេរិក ធ្លាប់ទម្លាយថា ទីក្រុងតេហេរ៉ង់ មិនមែនអត់ក្បាលគ្រាប់នុយក្លេអ៊ែរឡើយ ហើយពួកគេអាចផលិតបានយ៉ាងស្រួលព្រោះពួកគេមានទាំងសារធាតុ រូបមន្តនិងបច្ចេកទេសផលិត។
ងាកទៅមើលការវាយប្រហារលើស្ថានកុងស៊ុលឯណោះវិញ ឯកអគ្គរដ្ឋទូតអ៊ីរ៉ង់លោក Hossein Akbari និយាយថា ការវាយប្រហារអាកាស បានសម្លាប់មនុស្សដល់ទៅ៧នាក់ ហើយក៏ប្រកាសសងសឹក ឲ្យដូចគ្នាទៅនឹងទង្វើរបស់អ៊ីស្រាអែល ដែលធ្វើដាក់ខ្លួន។
![](https://www.kampucheathmey.com/wp-content/uploads/2024/04/image-138.png)
ក្នុងចំណោមអ្នកស្លាប់ ក៏មានមេបញ្ជាការកងឆ្មាំបដិវត្តឥស្លាមអ៊ីរ៉ង់ គឺលោកមេទ័ព Mohammad Reza Zahedi និងមេបញ្ជាការរងឈ្មោះ Mohammad Hadi Haji Rahimi ផងដែរ។
ក្នុងរយៈពេលប៉ុន្មានឆ្នាំចុងក្រោយនេះ ប្រទេសអ៊ីស្រាអែល បានបើកការវាយប្រហាររាប់រយលើក ទៅលើគោលដៅនៅក្នុងតំបន់ដែលគ្រប់គ្រងដោយរដ្ឋាភិបាលស៊ីរី ហើយអ្វីដែលគេបារម្ភគឺថា ការវាយប្រហារតាមអាកាសបែបនេះ ប្រៀបបាននឹងការចាក់សាំងលើភ្លើងពីលើសង្គ្រាមរបស់អ៊ីស្រាអែលប្រឆាំងក្រុមហាម៉ាស នៅតំបន់ហ្គាហ្សាស្ទ្រីប និងការប៉ះទង្គិចគ្នារវាងយោធាអ៊ីស្រាអែលនិងក្រុមហេសបូឡា នៅព្រំដែនលីបង់-អ៊ីស្រាអែល។
![](https://www.kampucheathmey.com/wp-content/uploads/2024/04/image-139-1024x711.png)
សូមបញ្ជាក់ថា នេះមិនមែនទើបលើកដំបូងឡើយ ដែលមន្ត្រីជាន់ខ្ពស់ ត្រូវស្លាប់ក្រោមដៃអ៊ីស្រាអែល។ ត្រលប់ទៅខែធ្នូឆ្នាំ២០២៣ ការវាយប្រហារតាមអាកាសរបស់អ៊ីស្រាអែលនៅក្នុងសង្កាត់មួយនៃទីក្រុងដាម៉ាស បានសម្លាប់ទីប្រឹក្សាជើងចាស់ របស់កងឆ្មាំបដិវត្តប៉ារ៉ាអ៊ីរ៉ង់ប្រចាំប្រទេសស៊ីរី លោក Seyed Razi Mousavi។
ការវាយប្រហារស្រដៀងគ្នានេះលើអគារមួយក្នុងទីក្រុងដាម៉ាសកាលពីខែមករាឆ្នាំ២០២៤ ក៏បានសម្លាប់ទីប្រឹក្សាអ៊ីរ៉ង់យ៉ាងតិចប្រាំនាក់ផងដែរ ហើយកាលពីសប្តាហ៍មុន ការវាយប្រហារតាមអាកាសលើខេត្តយុទ្ធសាស្ត្រ Deir el-Zour ភាគខាងកើតប្រទេសស៊ីរី ក្បែរព្រំដែនអ៊ីរ៉ាក់បានសម្លាប់ទីប្រឹក្សាអ៊ីរ៉ង់ម្នាក់ទៀត៕
អត្ថបទ៖ សុខ សុវណ្ណ
ចុចអាន៖ អ៊ីស្រាអែល វាយប្រហារកម្ទេចស្ថានកុងស៊ុលអ៊ីរ៉ង់ សម្លាប់ទាំងមេទ័ពកំពូល
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ