ព័ត៌មានអន្ដរជាតិ
ក្រោយវ៉ាដាច់ វៀតណាម ពេលនេះ ថៃ ចង់នាំទុរេនផ្ដាច់មុខទៅ ចិន
ប្រទេសថៃមានបំណងបង្កើនការនាំចេញទុរេនទៅកាន់ប្រទេសចិន ដោយស្វែងរកយុទ្ធសាស្ត្រដើម្បីដណ្តើមបានតំណែងអ្នកនាំចេញកំពូលរបស់ខ្លួនឡើងវិញ បន្ទាប់ពីត្រូវបានវៀតណាមវ៉ាដាច់លើកមុន។ នេះបើយោងតាមការចុះផ្សាយពី vnexpress កាលពីថ្ងៃទី០៨ ខែមេសា ឆ្នាំ២០២៤។
រាយការណ៍ដោយ ECNS ដែលជាវេទិកាភាសាអង់គ្លេសរបស់ទីភ្នាក់ងារសារព័ត៌មានរដ្ឋចិន China News Service បានគូសបញ្ចាក់ថា នាយកដ្ឋានជំរុញពាណិជ្ជកម្មអន្តរជាតិក្នុងប្រទេសថៃ កំពុងជំរុញឲ្យអ្នកនាំចេញ និងស្ថាប័នរដ្ឋាភិបាលបង្កើនការនាំចេញទុរេនទៅកាន់ប្រទេសចិន។ ជាពិសេស ដើម្បីគាំទ្រដល់គំនិតផ្តួចផ្តើមនេះ ប្រទេសថៃបានចុះហត្ថលេខាលើអនុស្សរណៈយោគយល់គ្នាជាមួយប្រទេសចិន នៅពាក់កណ្តាលខែមីនា ដែលកំណត់ពេលវេលាជាយុទ្ធសាស្រ្តមុនពេលរដូវប្រមូលផលទុរេនរបស់ថៃ។
MoU មួយនេះ មានគោលបំណងជំរុញ និងកំណត់តម្លៃស្ថិរភាពសម្រាប់ការនាំចេញផ្លែឈើត្រូពិចពីប្រទេសថៃទៅកាន់ប្រទេសចិន ដែលជាការផ្លាស់ប្តូរមួយដែលផ្តល់អត្ថប្រយោជន៍យ៉ាងសំខាន់សម្រាប់កសិករថៃ។ វាក៏នឹងកែប្រែខ្សែសង្វាក់ដឹកជញ្ជូនឡើងវិញផងដែរ ដែលនឹងរួមបញ្ចូលទាំងបច្ចេកវិទ្យាដឹកជញ្ជូនទំនើបៗដើម្បីរក្សា ក៏ដូចជាបង្កើនគុណភាពផលិតផល ។
នៅក្រោមកិច្ចព្រមព្រៀងនេះ ប្រទេសចិនត្រូវបានគេរំពឹងថានឹងនាំចូលទុរេន និងមង្ឃុតប្រហែល ២០,០០០ តោន ដែលមានតម្លៃជាង ៣ពាន់លានបាត (៨២.៤៤ លានដុល្លារអាមេរិក) ពីប្រទេសថៃ ចាប់ពីខែមេសាដល់ខែមិថុនាឆ្នាំនេះតែម្ដង។
ថ្វីបើយ៉ាងណាក៏ដោយ ក្នុងរយៈពេលពីរខែដំបូងនៃឆ្នាំ ២០២៤ ការនាំចេញទុរេនរបស់វៀតណាមទៅកាន់ប្រទេសចិនមានចំនួនសរុប ៣២,៧៥០ តោន ពោលគឺជិត ៧២.៤% ច្រើនជាងរបស់ប្រទេសថៃ។ ក្នុងតម្លៃ ៤ ៩១៦ ដុល្លារអាមេរិកក្នុងមួយកុងតឺន័រ ស្របនឹងតម្លៃនាំចេញរបស់វៀតណាម គឺទាបជាងថៃជិត ២០ ភាគរយឯណោះ។
លើសពីនេះទៀតដែរ គម្លាតនៃការនាំចេញអាចកើនឡើងកាន់តែទូលំទូលាយ ដោយសារតែប្រទេសថៃត្រូវបានអនុញ្ញាតឲ្យនាំចេញទុរេនស្រស់ កក និងកែច្នៃទៅកាន់ប្រទេសចិនរួចហើយ ខណៈដែលវៀតណាមអាចនាំចេញតែទុរេនស្រស់ជាផ្លូវការ នេះបើយោងតាមនាយកដ្ឋានជំរុញពាណិជ្ជកម្មអន្តរជាតិថៃ៕
អត្ថបទ៖ សាង ស្រីល័ក្ខ
ចុចអាន៖វៀតណាម ព្រមានមនុស្សចាស់ កុមារ និងកម្មករសំណង់ប្រយ័ត្នកើតជំងឺ ៣ មុខ ពេលសីតុណ្ហភាពលើស ៤០ អង្សាសេ
-
ជីវិតកម្សាន្ដ៤ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៦ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១៣ ម៉ោង ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ជីវិតកម្សាន្ដ១៨ ម៉ោង ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ព័ត៌មានជាតិ៥ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១៤ ម៉ោង ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៥ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល