Connect with us

ព័ត៌មានអន្ដរជាតិ

ក្រុម​ហាម៉ាស់​បដិសេធ​ការឆ្លើយតបបទឈប់​បាញ់គ្នារបស់អ៉ីស្រាអែល

បានផុស

នៅ

ក្រុមសកម្ម​ប្រយុទ្ធ​ប៉ាឡេស្ទីន ហាម៉ាស់ ​បាន​បដិសេធសំណើ​​បទ​ឈប់​បាញ់​គ្នា​មួយ​របស់​ប្រទេស​អ៉ីស្រាអែល ដោយ​បាន​និយាយ​កាល​ពី​ថ្ងៃទី​១៣ ខែ​មេសា ថា ខ្លួន​បាន​ប្រគល់​ឲ្យ​ទៅ​អ្នក​សម្រប​សម្រួល​នៅ​ក្នុង​ប្រទេស​អេហ្ស៊ីប និង​កាតារ​ ​ជា​ការ​ឆ្លើយ​តប​ទៅ​នឹង​សំណើ​ដែល​ខ្លួន​បាន​ទទួល​កាល​ពី​ថ្ងៃ​ចន្ទ។

បន្ទាប់​ពី​សង្គ្រាម​ជាង​៦​ខែ​​ជា​មួយ​អ៉ីស្រាអែល​នៅ​តំបន់​ហ្គាហ្សា កិច្ច​ចរចា​​នៅ​តែ​បន្ត​ជាប់​គាំង ដោយ​ក្រុម​ហាម៉ាស់​​​ប្រកាន់​ភ្ជាប់​នូវ​ការទាម​ទារ​របស់​ខ្លួន​​គឺ​ជា​កិច្ច​ព្រម​ព្រៀង​ដើម្បី​បញ្ចប់​សង្គ្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម​សកម្មប្រយុទ្ធ​បាន​លើក​ឡើង​ថា ៖«​យើងសូម​បញ្ជាក់​ជា​ថ្មី យើង​នៅ​តែ​ប្រកាន់​ភ្ជាប់​នូវ​​ការទាម​ទារ​របស់​យើង និង​ជា​សេចក្តី​ត្រូវ​ការ​របស់​ប្រជា​ជន​យើងគឺ​បទ​ឈប់​បាញ់​គ្នា​ជា​អចិន្ត្រៃយ៍ ការ​ដក​​​កម្លាំង​ទាំង​ស្រុង​ចេញ​ពី​តំបន់​ហ្គាហ្សាស្ទ្រីប ការ​វិល​ត្រឡប់​របស់​ជន​ភៀស​ខ្លួន​​ទៅ​ផ្ទះវិញ​ ការ​ពង្រឹង​ការ​នាំ​ចូល​ជំនួយ និង​ការ​កសាង​ឡើង​វិញ»។

ប្រទេស​អ៉ីស្រាអែល​​ចង់​ធានា​បាន​នូវ​ការ​វិល​ត្រឡប់​មក​វិញ​របស់​ចំណាប់​ខ្មាំង​ដែល​ត្រូវ​បាន​ចាប់​ដោយ​ក្រុម​ហាម៉ាស់​កាល​ពី​ថ្ងៃ​ទី៧ ខែ​តុលា ដោយ​សុវត្ថិភាព ប៉ុន្តែ​បាន​និយាយ​ថា ខ្លួន​នឹង​​មិន​អាចបញ្ឈប់​​ការ​វាយ​ប្រហារ​រហូត​ដល់​កង​កម្លាំងហាម៉ាស់​ត្រូវ​បាន​បំផ្លាញ់។ អ៉ីស្រាអែល​គ្រោង​ធ្វើ​ការ​វាយ​ប្រហារ​ទី​ក្រុង Rafah ភាគ​​​ខាង​ត្បូង​តំបន់​ហ្គាហ្សា​ដែល​មាន​​ជន​ស៊ីវិល​​ជាង​១​លាន​នាក់​ជា​ជន​ភៀស​ខ្លួន។

ក្រុម​ហាម៉ាស់​បាន​និយាយ​កាល​ពី​ថ្ងៃ​សៅរ៍​ថា ខ្លួន​បាន​ត្រៀម​​រួច​រាល់ហើយ​​ដើម្បី​បញ្ចប់​កិច្ច​ព្រម​ព្រៀង​​ដោះ​ដូរ​ចំណាប់​ខ្មាំង​ជា​មួយ​​អ៉ីស្រាអែល​ដែល​ចំណាប់​ខ្មាំង​១៣៣​នាក់​ត្រូវ​បាន​គេ​ជឿ​ថា កំពុងជាប់​នៅ​តំបន់​ហ្គាហ្សា ជា​ថ្នូរ​នឹង​ជន​ជាតិ​ប៉ាឡេស្ទីន រាប់​រយ​នាក់​កំពុង​ជាប់​ឃុំ​ឃាំង​នៅ​ប្រទេស​អ៉ីស្រាអែល។

សេចក្តី​ថ្លែងការណ៍​របស់​ក្រុម​ហាម៉ាស់បាន​ធ្វើ​ឡើង​ប៉ុន្មាន​ថ្ងៃ បន្ទាប់​ពី​អ៉ីស្រាអែល​បាន​សម្លាប់​សមាជិក​ជា​ច្រើន​​នាក់​របស់​មេដឹក​នាំ​ហាម៉ាស់​លោក Ismail Haniyeh នៅ​ហ្គាហ្សា។ ករណី​នេះ​បាន​ធ្វើ​ឲ្យ​មាន​ការ​ភ័យ​ខ្លាច​​ដល់​គ្រួសារ​ចំណាប់​ខ្មាំង​ផ្សេង​ទៀត​។

និយាយ​ជា​មួយ​សារព័ត៌មាន Reuters នៅ​ប្រទេស​កាតារ​មួយ​ថ្ងៃ​បន្ទាប់​ពីការ​​សម្លាប់ លោក Haniyeh បាន​និយាយ​ថា ក្រុម​របស់​លោក​នៅ​តែ​ស្វែង​រក​កិច្ច​ព្រម​ព្រៀង ប៉ុន្តែ​បាន​ចោទ​ប្រកាន់​អ៉ីស្រាអែល​ពី​ការ​ពន្យារ​ពេល និងគេចវេស​ពីការ​ឆ្លើយ​​ទៅ​នឹង​ការ​ទាមទារ​របស់​ក្រុមលោក។

សេចក្តីអំពាវ​នាវ​ជា​សកល​សម្រាប់​បទ​ឈប់​បាញ់​គ្នា​កំពុង​កើន​ឡើង ខណៈ​សង្គ្រាម​បាន​ឈាន​ដល់​ខែ​ទី​៧ ប៉ុន្តែ​​មាន​សញ្ញា​វិវត្ត​តិច​តូច​​ក្នុង​ការចរ​ចា។

ក្រុម​ហាម៉ាស់​កំពុង​ទាម​ទារ​ឲ្យ​បញ្ឈប់​ការ​វាយ​ប្រហារ​របស់​អ៉ីស្រាអែល ​ឲ្យ​ដក​កម្លាំង​​ទ័ព​ចេញ និង​អនុញ្ញាត​ឲ្យ​ប្រជា​ជន​ប៉ាឡេស្ទិល​វិល​ត្រឡប់​ទៅ​ផ្ទះវិញ៕

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១៩ វិនាទី មុន

វឌ្ឍនៈ ប្រ៊ូវើរី បំផុសស្មារតីខ្មែរតែមួយ ដើម្បីបន្តគាំទ្រវិស័យកីឡានៅកម្ពុជា និងចូលរួមថែសម្អាតស្មៅនៅលើទីលានប្រកួត

សេដ្ឋកិច្ច១៤ នាទី មុន

​គម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ​តម្លៃ ២៥០ លានដុល្លារ ​មានពន្លឺថ្មី​

វប្បធម៌ ជំនឿ២៥ នាទី មុន

ក្នុងពេល ៥ ឆ្នាំ​ខាងមុខ តារានិករ ៦ ដួងនឹងរីកចម្រើនផ្នែកអាជីព​ លាភ​ចូលមកជួយ​ជ្រោមជ្រែង

ព័ត៌មានជាតិ២៧ នាទី មុន

ឧត្តមសេនីយ៍ឯក ហែម សុវត្ថិ ណែនាំកម្លាំងបន្តកំណត់មុខសញ្ញាលួចបើកល្បែងអនឡាញខុសច្បាប់ ដើម្បីចុះបង្ក្រាប

សេដ្ឋកិច្ច៣០ នាទី មុន

តំណាងវិស័យឯកជន​ជំរុញឱ្យវិនិយោគិនកាណាដាចាប់យកឱកាសពីកិច្ចព្រមព្រៀងពាណិជ្ជកម្មសេរីដែលកម្ពុជាកំពុងអនុវត្តន៍

សេចក្ដីជូនដំណឹង១៤ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ១៨ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៨ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

សេចក្ដីជូនដំណឹង១៦ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

វប្បធម៌ ជំនឿ២១ ម៉ោង មុន

សាស្ត្រាចារ្យ ព្រឿង ឈៀង៖ ចាស់កុំមាក់ងាយក្មេង ឯក្មេងកុំបោះបង់ចោលចាស់

Sokha Hotels

ព័ត៌មានពេញនិយម