Connect with us

ព័ត៌មានអន្ដរជាតិ

តើអ៊ីស្រាអែល ខាតលុយប៉ុន្មាន ដើម្បីការពារខ្លួនពីការសងសឹក របស់អ៊ីរ៉ង់

បានផុស

នៅ

ប្រទេសអ៊ីស្រាអែល ​បានប្រកាស​ជោគជ័យ​ក្នុង​ការ​ការពារ​ខ្លួន ពីយុទ្ធនាការសងសឹកដោយយន្តហោះ​គ្មាន​មនុស្ស​បើក និងមីស៊ីលរបស់អ៊ីរ៉ង់ ប៉ុន្តែខ្លួនក៏ត្រូវខាតបង់ប្រាក់អស់មិនស្ទើរដែរ។

(រូបថត៖ Fox 28)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មេទ័ពអ៊ីស្រាអែល Reem Aminoach បានប្រាប់សារព័ត៌មានក្នុងស្រុក Ynet News កាលពីថ្ងៃអាទិត្យទី១៤ខែមេសាថា អ៊ីស្រាអែល​ ត្រូវចំណាយប្រាក់ពី ១.០៦ពាន់លានដុល្លារទៅ១.៣៣ពាន់លានដុល្លារ ទៅលើឧបករណ៍ស្ទាក់ចាប់ ប្រេងឥន្ធនៈចាក់យន្តហោះ និងសម្ភារៈផ្សេងទៀត ដែលប្រើដើម្បីបាញ់ទម្លាក់យន្តហោះគ្មានមនុស្សបើកនិងមីស៊ីលរបស់អ៊ីរ៉ង់។

ទោះបីជាយ៉ាងណាក៏ដោយ ការប៉ាន់ប្រមាណនេះ គឺរាប់បញ្ចូលតែការចំណាយផ្ទាល់របស់អ៊ីស្រាអែលប៉ុណ្ណោះ ពោលគឺមិនគិតអាវុធយ៉ាងច្រើនសន្ធឹក ដែលសហរដ្ឋអាមេរិក និងសម្ព័ន្ធមិត្តផ្សេងទៀត ប្រើប្រាស់ជួយប្រឆាំងនឹងការវាយប្រហារនោះទេ។

(រូបថត៖ The Australian)

លោក Aminoach ដែលក៏ជាអតីតទីប្រឹក្សាហិរញ្ញវត្ថុនៃកងកម្លាំងការពារអ៊ីស្រាអែល (IDF) ផងដែរនោះ បាននិយាយថា ទីក្រុងហ្ស៊េរុយសាឡិម បានប្រើប្រាស់អាវុធដូចជា មីស៊ីលស្ទាក់ចាប់ធុន Arrow មួយគ្រាប់តម្លៃប្រហែល ៣.៥លានដុល្លារ និង David’s Sling មួយគ្រាប់តម្លៃ១លានដុល្លារ។

យ៉ាងណាមិញ មេទ័ពរូបនេះអះអាងថា ដើម្បីការពារខ្លួន ចំណាយប៉ុណ្ណឹងមិនច្រើនទេ តែអ្វីដែលត្រូវដឹងគឺថា អ៊ីរ៉ង់ចំណាយច្រើនជាងអ៊ីស្រាអែលទៅទៀត សម្រាប់ការបាញ់សងសឹកនេះ។

សូមបញ្ជាក់ជាថ្មី កងកម្លាំងការពារអ៊ីស្រាអែល (IDF) អះអាងថា ៩៩% នៃយន្តហោះគ្មានមនុស្សបើក kamikaze និងមីស៊ីលជាង ៣០០ ដែលបាញ់ចេញពីទឹកដីអ៊ីរ៉ង់ គឺត្រូវបានស្ទាក់ចាប់ដោយជោគជ័យ។

(រូបថត៖ AFP)

តាមការអះអាងពីមន្ត្រីជាន់ខ្ពស់, មីស៊ីលមួយចំនួន​បាន​ធ្លាក់​នៅ​មូលដ្ឋាន​អាកាស​ Nevatim ហើយ​​បង្កការ​ខូច​ខាត​តិច​តួច​ដល់​ហេដ្ឋា​រចនា​សម្ព័ន្ធ ខណៈយន្តហោះគ្មានមនុស្សបើកដែលបាញ់ពីសំណាក់ក្រុមសកម្មប្រយុទ្ធគាំទ្រដោយអ៊ីរ៉ង់នៅក្នុងប្រទេសអ៊ីរ៉ាក់និងយេម៉ែន សុទ្ធតែមិនអាចចូលដល់ទឹកដីអ៊ីស្រាអែលបាន។

ការវាយប្រហារកាលពីថ្ងៃសៅរ៍ទី១៣ខែមេសា គឺសងសឹកទៅនឹងការវាយប្រហារតាមអាកាសកាលពីថ្ងៃទី១ខែមេសា ដែលបានសម្លាប់មន្ត្រីយោធាអ៊ីរ៉ង់៧នាក់ រួមទាំងមេបញ្ជាការជាន់ខ្ពស់ពីរនាក់នៅឯស្ថានកុងស៊ុលរបស់ទីក្រុងតេហេរ៉ង់ ក្នុងទីក្រុងដាម៉ាស់ នៃប្រទេសស៊ីរីផងដែរ៕

អត្ថបទ៖ សុខ សុវណ្ណ

ចុចអាន៖ មីស៊ីលអ៊ីរ៉ង់ ៣៥០គ្រាប់ហោះចូលអ៊ីស្រាអែល គឺជា “ការប្រកាសសង្គ្រាម”

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម