ព័ត៌មានអន្ដរជាតិ

ចាប់ខ្លួនតារាក្ដៅសាច់នៅថៃ ព្រោះជួយផ្សព្វផ្សាយល្បែងអនឡាញ

បានផុស

២ years មុន

នៅ

ថ្ងៃសុក្រ ១៧ ឧសភា ២០២៤

ដោយ

Chheang

តួស្រីវិបសាយអាសអាភាសនៅថៃម្នាក់ ត្រូវបានប៉ូលិសក្រុងបាងកកចាប់ខ្លួន នៅក្នុងខនដូមួយកន្លែង ស្ថិតនៅសង្កាត់ Lat Phrao កាលពីថ្ងៃទី១៥ ខែឧសភា ពាក់ព័ន្ធនឹងករណីជួយផ្សព្វផ្សាយល្បែងអនឡាញខុសច្បាប់។ នេះបើយោងតាមការចុះផ្សាយរបស់សារព័ត៌មាន Bangkok Post កាលពីថ្ងៃទី១៦ឧសភាម្សិលមិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ស្ត្រីវ័យ២៣ឆ្នាំ ដែលមានឈ្មោះ Lalada ឬរហស្សនាមថា “Noon OnlyFans” ត្រូវបានចោទប្រកាន់ពីបទរៀបចំសកម្មភាពផ្សព្វផ្សាយល្បែងអនឡាញខុសច្បាប់ និងបញ្ចុះបញ្ចូលឲ្យអ្នកគាំទ្រនាំគ្នាចុះឈ្មោះចូលទៅលេង។ ការចាប់ឃាត់ខ្លួន ធ្វើឡើងបន្ទាប់ពីប៉ូលិសបានស៊ើបអង្កេតដឹងថា Lalada បានបង្ហោះរូបរបស់នាងនៅលើទំព័រហ្វេសប៊ុក ដោយមានភ្ជាប់ជាមួយតំណវិបសាយល្បែងអនឡាញ។ នៅក្នុងការបង្ហោះនោះ នាងបានល្បួងឲ្យអ្នកគាំទ្រចុះឈ្មោះធ្វើជាសមាជិកនៅក្នុងវិបសាយល្បែងអនឡាញមួយឈ្មោះថា “omega9″។

ប៉ូលិសបានរឹបអូស និងឆែកមើលទូរសព្ទរបស់ Lalada ហើយបានរកឃើញថា នាងបានលួចផ្សព្វផ្សាយល្បែងអនឡាញទាំងក្នុងគណនីហ្វេសប៊ុក និងគណនី Instagram។ តួស្រីវិបសាយ OnlyFans បានឆ្លើយសារភាពថា គណនីទាំងនោះពិតជារបស់នាងប្រាកដមែន ហើយនាងបានព្យាយាមទាក់ទាញចិត្តអ្នកគាំទ្រឲ្យលេងល្បែងអនឡាញ តាមរយៈការបង្ហោះរបស់នាងតាំងតែពីឆ្នាំ២០១៨មកម៉្លេះ។

Lalada បានប្រាប់បន្តថា មានវិបសាយល្បែងចំនួន២ បានជួលនាងឲ្យផ្សព្វផ្សាយ ដោយទទួលកម្រៃបានចំនួន ២ម៉ឺនបាត (ប្រហែល ៥៥០ដុល្លារ) រាល់ពេលបង្ហោះបានចំនួន ៣០ដង។

បច្ចុប្បន្ន Lalada កំពុងជាប់ឃុំខ្លូននៅប៉ុស្តិ៍ប៉ូលិស Chokchai ដើម្បីកសាងសំណុំរឿងបន្ត៕

ដោយ៖ ឈាង

Related Topics:ប្រទេសថៃ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា