ព័ត៌មានអន្ដរជាតិ
TikTok ត្រៀមបើកឲ្យបង្ហោះវីដេអូវែងដល់ ៦០នាទី ប្រជែងជាមួយ YouTube
ក្រុមហ៊ុនបណ្ដាញសង្គម TikTok កំពុងតេស្តសាកល្បងនូវមុខងារថ្មីមួយ ដែលអនុញ្ញាតឲ្យបង្ហោះវីដេអូវែងរយៈពេលរហូតដល់ ៦០នាទីឯណោះ។ នេះបើយោងតាមការចុះផ្សាយរបស់សារព័ត៌មានបច្ចេកវិទ្យា TechCrunh កាលពីថ្ងៃទី១៧ ខែឧសភា ឆ្នាំ២០២៤។
ជាជំហានដំបូង មុខងារថ្មី បើកសម្រាប់តែក្រុមអ្នកប្រើប្រាស់មួយចំនួនប៉ុណ្ណោះដែលត្រូវបានជ្រើសរើស។ TikTok ប្រាប់ថា ខ្លួនមិនទាន់មានគម្រោងភ្លាមៗបញ្ចេញមុខងារថ្មីឲ្យប្រើប្រាស់ជាលក្ខណៈសកលនៅឡើយទេ។
បច្ចុប្បន្ន TikTok បានវិវឌ្ឍខ្លួនបន្ដិចម្ដងៗពីទម្រង់ជាបណ្ដាញសង្គមវីដេអូខ្លីមកជាប្រភេទវីដេអូកាន់តែយូរជាងមុន។ ដំបូងឡើយ អ្នកប្រើប្រាស់ TikTok អាចបង្ហោះវីដេអូបានត្រឹម ១៥វិនាទី ប៉ុន្តែក្រោយមកក៏មានការបន្ថែមនាទីឲ្យកាន់តែយូរជាងមុន នារយៈពេលប៉ុន្មានឆ្នាំចុងក្រោយនេះ។ ប្រការនេះហើយទើបគេមើលឃើញថា TikTok កំពុងខិតទៅភាពជាដៃគូប្រជែងជាមួយ YouTube កាន់តែខ្លាំងឡើង។
TikTok បានបញ្ជាក់ថា ការត្រៀមដាក់មុខងារបង្ហោះវីដេអូ៦០នាទី ក៏ដោយសារការត្អូញត្អែររបស់ក្រុមអ្នកបង្កើតមតិកា ដែលចង់បង្កើតវីដេអូយូរជាងមុន សម្រាប់ធ្វើវីដេអូដូចជា ការបង្រៀនធ្វើម្ហូប ការថែរក្សាសម្រស់ និងការបង្រៀនអនឡាញ ជាដើម។ ក្រុមហ៊ុនចិននេះ ក៏បានរំពឹងដែរថា នឹងអាចទាក់ទាញអ្នកប្រើប្រាស់មួយចំនួនដែលតែងតែបង្ហោះវីដេអូត្រឹម៦០នាទីនៅលើ YouTube ងាកមកបង្ហោះមាតិកាខ្លួននៅលើ TikTok វិញម្ដង៕
ដោយ៖ ឈាង
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត