Connect with us

ព័ត៌មានអន្ដរជាតិ

អ៊ីរ៉ង់ ចង្អុលចំប្រទេសដែលនាំឲ្យកើតមានសោកនាដកម្មធ្លាក់ឧទ្ធម្ភាគចក្រ ស្លាប់ប្រធានាធិបតី

បានផុស

នៅ

ប្រទេសអ៊ីរ៉ង់បានចេញមកចង្អុលចំៗទៅកាន់សហរដ្ឋអាមេរិកថាជាអ្នកធ្វើឲ្យកើតមានហេតុការណ៍ធ្លាក់ឧទ្ធម្ភាគចក្រសម្លាប់លោកប្រធានាធិបតី Ebrahim Raisi រួមជាមួយរដ្ឋមន្រ្តីការបរទេស និងមន្ត្រីអ្នកមុខអ្នកការផ្សេងទៀតសរុបទាំងអស់ ៩ នាក់ ។ នេះបើយោងតាមការចេញផ្សាយដោយសារព័ត៌មាន CNN កាលពីថ្ងៃទី២១ ខែឧសភាកន្លងទៅ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ីរ៉ង់បានដាក់ការស្ដីបន្ទោសចំៗទៅកាន់មាត់ទ្វាររបស់អាមេរិកក្នុងសោកនាដកម្មធ្លាក់ឧទ្ធម្ភាគចក្រដែលបណ្ដាលឲ្យប្រជាជនអ៊ីរ៉ង់មានការសោកសង្រេង ក៏ដូចជាបង្កភាពតក់ស្លុតនៅទូទាំងពិភពលោក ខណៈអតីតរដ្ឋមន្ត្រីការបរទេសអ៊ីរ៉ង់លោក Javad Zarif បានប្រាប់ទូរទស្សន៍រដ្ឋអ៊ីរ៉ង់ថា “មូលហេតុមួយនៃឧបទ្ទវហេតុធ្លាក់ឧទ្ធម្ភាគចក្រស្លាប់លោកប្រធានាធិបតីដ៏គួរឲ្យសោកសៅនេះ គឺដោយសារតែសហរដ្ឋអាមេរិកបានដាក់ទណ្ឌកម្មលើទីផ្សារលក់យន្តហោះរបស់អ៊ីរ៉ង់” ។

ទោះយ៉ាងណា អាមេរិកមិនបាននៅស្ងៀមឡើយដោយចេញមកទាត់ចោលចំពោះការលើកឡើងរបស់អ៊ីរ៉ង់ ហើយថែមទាំងបានចោទប្រកាន់រដ្ឋាភិបាលទីក្រុងតេហេរ៉ង់វិញថា “និយាយឲ្យតែបាន និងគ្មានមូលដ្ឋានច្បាស់លាស់” ហើយទីក្រុងវ៉ាស៊ីនតោនបដិសេធថាមិនបានជាប់ពាក់ព័ន្ធនឹងសោកនាដកម្មនេះនោះទេ ។

កាលពីឆ្នាំ ២០១៧ អាមេរិកបានដាក់ទណ្ឌកម្មប្រឆាំងនឹងប្រទេសអ៊ីរ៉ង់ ខណៈទណ្ឌកម្មនោះរួមមានទាំងការហាមប្រាមការលក់យន្តហោះ និងហាមការនាំចូលគ្រឿងបន្លាស់ពាក់ព័ន្ធនឹងឧស្សាហកម្មអាកាសចរណ៍ជាដើម ។ ទណ្ឌកម្មនេះគឺដើម្បីឆ្លើយតបនឹងកម្មវិធីនុយក្លេអ៊ែរអ៊ីរ៉ង់ និងការគាំទ្ររបស់អ៊ីរ៉ង់ចំពោះក្រុមហេសបូឡា ក្រុមហាម៉ាស និងក្រុមជីហាដអ៊ីស្លាមប៉ាឡេស្ទីនជាដើម ដែលក្រុមទាំងនេះត្រូវបានអាមេរិកចាត់ទុកថាជាអង្គការភេរវកម្ម ។

ចំណែកពាក់ព័ន្ធនឹងសោកនាដកម្មដដែលនេះ រដ្ឋមន្ត្រីដឹកជញ្ជូនតួកគីលោក Abdulkadir Uraloglu ក៏បានលើកឡើងផងដែរថា មានហេតុផលជាច្រើនដែលឧទ្ធម្ភាគចក្រធុន Bell 212 ផលិតនៅអាមេរិក អំឡុងសម័យសង្រ្គាមវៀតណាម អាចធ្លាក់ ក្នុងនោះក៏មានទាំងការថែទាំមិនបានល្អ ឬកំហុសរបស់ពីឡុតដែលបើកនៅក្នុងការចុះអ័ព្ទក្រាស់ ។ ប៉ុន្តែវាឆាប់ពេកហើយក្នុងការធ្វើអត្ថាធិប្បាយអំពីដើមចមនៃការធ្លាក់ឧទ្ធម្ភាគចក្រនៅពេលនេះ ។

គួរបញ្ជាក់ថា ប្រធានាធិបតីអ៊ីរ៉ង់លោក Ebrahim Raisi និងមន្ត្រីអ្នកមុខអ្នកការផ្សេងទៀតបានទទួលមរណភាពក្នុងហេតុការណ៍ធ្លាក់ឧទ្ធម្ភាគចក្រចូលជ្រលងភ្នំនៃខេត្ត​ East Azerbaijan ខណៈធ្វើដំណើ​រឆ្ពោះទៅកាន់ទីក្រុង Tabriz ក្រោយបញ្ចប់ពិធីសម្ពោធទំនប់វារីអគ្គិសនីមួយនៅព្រំដែនកាលពីថ្ងៃទី១៩ ខែឧសភា ហើយបើតាមការបញ្ជាក់ពីប្រព័ន្ធផ្សព្វផ្សាយរដ្ឋ គ្រោះអកុសលនេះគឺបណ្តាលមកពីឧទ្ធម្ភាគចក្រធ្វើដំណើរឆ្លងកាត់ផ្ទៃមេឃដែលចុះអ័ព្ទក្រាស់ ៕

ដោយ ៖ សុខ ជីវ័ន្ត

ចុចអាន ៖ មរណភាពរបស់ប្រធានាធិបតី អ៊ីរ៉ង់ ជះឥទ្ធិពលយ៉ាងណាដល់នយោបាយផ្ទៃ​ក្នុង និងពិភពលោក?

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម៣៩ នាទី មុន

គ្រឿងញៀន១៤៥គីឡូក្រាមត្រូវបានបង្ក្រាប និងឃាត់ខ្លួនឧក្រិដ្ឋជន៥នាក់

ព័ត៌មានជាតិ៥៤ នាទី មុន

ក្រសួងព័ត៌មាន និងក្រសួងទេសចរណ៍ ចាប់ដៃគ្នា ដើម្បីផ្សាយពីវិស័យទេសចរណ៍កម្ពុជាឱ្យសម្បូរបែបជាងមុន

ព័ត៌មានជាតិ២ ម៉ោង មុន

ប័ណ្ណ​សម្គាល់​ជលយាន​ចំនួន​៩៨​ប័ណ្ណ ត្រូវ​បាន​ប្រគល់​ជូន​ព​ល​រដ្ឋ​ស្រុក​កោះកុង

ព័ត៌មានអន្ដរជាតិ២ ម៉ោង មុន

​ភាព​តាន​តឹង​លើ​បញ្ហា​ដំឡើង​ពន្ធ​របស់​អឺរ៉ុប​ បង្ក​កង្វល់​​​នៃ​ «សង្រ្គាម​ពាណិជ្ជកម្ម​អឺរ៉ុប​-ចិន​»

ព័ត៌មានជាតិ២ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

ព័ត៌មានជាតិ៧ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៥ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៨ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានអន្ដរជាតិ១០ ម៉ោង មុន

រលក​កម្ដៅ​៥២​អង្សា ប្រល័យ​ជីវិត​អ្នក​ចូលរួម​ធម្មយាត្រា Hajj ជាង​១០០០​នាក់​ហើយ

ព័ត៌មានជាតិ៦ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

Sokha Hotels

ព័ត៌មានពេញនិយម