Connect with us

ព័ត៌មានអន្ដរជាតិ

លោក ពូទីន មកដល់ វៀតណាម ដើម្បីចាប់ផ្តើមដំណើរទស្សនកិច្ចដ៏សំខាន់

បានផុស

នៅ

តាមការចុះផ្សាយរបស់ VN Express, ប្រធានាធិបតីរុស្ស៊ីលោក វ្ល៉ាឌីមៀរ ពូទីន បានមកដល់ប្រទេសវៀតណាមហើយ ដើម្បីចាប់ផ្តើមដំណើរទស្សនកិច្ចផ្លូវរដ្ឋ តាមការអញ្ជើញរបស់លេខាបក្សវៀតណាមលោក Nguyen Phu Trong។ 

(រូបថត៖ VN Express)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យន្តហោះពិសេស II-96-300PU ដឹកលោក ពូទីន និងមន្ត្រីអ្នកមុខអ្នកការរុស្ស៊ីដទៃទៀត បានចុះចតនៅអាកាសយានដ្ឋាន Noi Bai នាទីក្រុងហាណូយ វេលាម៉ោង ១:៤៥ រំលងអធ្រាត្រ ហើយបន្ទាប់ពីការទទួលស្វាគមន៍ពីសំណាក់ថ្នាក់ដឹកនាំវៀតណាម ក្បួនរថយន្តដឹកប្រធានាធិបតីរុស្ស៊ី ក៏ឆ្ពោះដំណើរទៅសណ្ឋាគារ Metropole នៅក្នុងសង្កាត់ Hoan Kiem។ 

តាមការគ្រោងទុក លោក ពូទីន នឹងត្រូវចូលរួមក្នុងពិធីស្វាគមន៍ជាផ្លូវការនៅវិមានប្រធានា​ធិបតីនាពេលថ្ងៃត្រង់ មុនចាប់ផ្តើមកិច្ចសន្ទនាជាមួយប្រធានាធិបតីវៀតណាមលោក To Lam។ ក្រោយមក លោក ពូទីន នឹង​ជួប​ជាមួយ​នាយករដ្ឋមន្ត្រី Pham Minh Chinh និង​​សន្ទនា​ជាមួយ​លោក Trong រួចបន្ត​ជួប​ជាមួយ​ប្រធាន​រដ្ឋសភា​ Tran Thanh Man នាពេល​រសៀល។

(រូបថត៖ VN Express)

នាល្ងាចថ្ងៃដដែល លោកពូទីន នឹងទៅគោរពវិញ្ញាណក្ខន្ធលោក ហូជីមិញ មុនពេលជួបជាមួយប្រធានរដ្ឋសភា Tran Thanh Man។ លោក ពូទីន និងលោក To Lam ក៏នឹងជួបជាមួយថ្នាក់ដឹកនាំសមាគមមិត្តភាពវៀតណាម-រុស្ស៊ី និងអតីតនិស្សិតដែលបានសិក្សានៅប្រទេសរុស្ស៊ីផងដែរ។

សូមបញ្ជាក់ថា ដំណើរទស្សនកិច្ចនេះ ធ្វើឡើងបន្ទាប់ពីលោក ពូទីន ទើបបញ្ចប់ទស្សនកិច្ចរយៈពេលខ្លី នៅប្រទេសកូរ៉េខាងជើង ដោយជួបពិភាក្សាជាមួយមេដឹកនាំ គីម ជុង អ៊ុន និងចុះហត្ថលេខាលើកិច្ចព្រមព្រៀងសំខាន់ៗជាច្រើន។

(រូបថត៖ AP)

លោក ពូទីន ធ្លាប់មកប្រទេសវៀតណាម៤ដងរួចមកហើយ ក្នុងនោះមាន៣ដងស្ថិតក្នុងក្រ​បខ័ណ្ឌនៃដំណើរទស្សនកិច្ចផ្លូវការនិងរដ្ឋក្នុងឆ្នាំ២០០១, ២០០៦ ឆ្នាំ ២០១៣ ចំណែកមួយដងទៀ​តគឺក្នុងឆ្នាំ២០១៧ នៅពេលលោកមកទីក្រុង Da Nang ដើម្បីចូលរួមកិច្ចប្រជុំកំពូល APEC។

វៀតណាម បានបង្កើតទំនាក់ទំនងការទូតជាមួយរុស្ស៊ីដែលជាអតីតសហភាពសូវៀត ក្នុងឆ្នាំ១៩៥០។ ក្រោយមក ប្រទេសទាំងពីរ បានអភិវឌ្ឍទំនាក់ទំនងទៅជាភាពជាដៃគូយុទ្ធសាស្ត្រគ្រប់ជ្រុងជ្រោយក្នុងឆ្នាំ២០១២ ហើយប្រទេសទាំងពីរ បានចុះហត្ថលេខាលើកិច្ចព្រមព្រៀងសហប្រតិបត្តិការជាង ១០០ ក្នុងវិស័យសេដ្ឋកិច្ច ពាណិជ្ជកម្ម វិនិយោគ សន្តិសុខ និងការពារជាតិ៕

អត្ថបទ៖ សុខ សុវណ្ណ

ចុចអាន៖ ចេញពីកូរ៉េខាងជើង លោក ពូទីន នឹងហោះទៅវៀតណាម ភ្លាម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៦ ម៉ោង មុន

BizKhmer Digital Media និង U.S.R.V. ចាប់ដៃគ្នាជួយអាជីវកម្មចិន ពង្រីកទីផ្សារឌីជីថលក្នុងប្រទេសកម្ពុជា

សន្តិសុខសង្គម៦ ម៉ោង មុន

ប្តី​ប្រពន្ធ​ឌុប​គ្នា​ទៅ​មន្ទីរពេទ្យ ដើម្បី​សម្រាល​មិនទាន់​ដល់​ផង ប្រពន្ធ​ក៏​សម្រាល​លើ​ម៉ូតូ​ផ្អើល​ប្រជាពលរដ្ឋ​ជួយ​

ព័ត៌មានជាតិ៧ ម៉ោង មុន

អាជ្ញាធរ៖ ជិត២ឆ្នាំហើយ លោក ខឹម វាសនា នៅតែប្រើលេស«ទឹកលិចលោក» ប្រមូលសាវ័កឱ្យទៅនៅចម្ការក្បែរភ្នំគូលែន

ព័ត៌មានជាតិ៧ ម៉ោង មុន

កម្ពុជា-KOICA អនុវត្តគម្រោងកសាងសមត្ថភាពលើវបច្ចេកវិទ្យាព័ត៌មាន និងសារគមនាគមន៍ ក្នុងការអប់រំបច្ចេកទេស និងវិជ្ជាជីវៈ

ព័ត៌មានជាតិ៩ ម៉ោង មុន

ភ្លៀងធ្លាក់ខ្លាំង ធ្វើឲ្យស្ថានភាពទឹកទន្លេមេគង្គក្រចេះបន្តហក់ឡើង តែមិនទាន់ដល់កម្រិតប្រកាសអាសន្ន

Sokha Hotels

ព័ត៌មានពេញនិយម