ព័ត៌មានអន្ដរជាតិ
កូរ៉េខាងត្បូង ដាក់ពង្រាយអាវុធឡាស៊ែរ “StarWars” ទុកបាញ់ទម្លាក់ដ្រូនក្រុងព្យុងយ៉ាង
រដ្ឋាភិបាលក្រុងសេអ៊ូល នឹងដាក់ពង្រាយអាវុធឡាស៊ែរ ប្រើសម្រាប់ទុកបាញ់ទម្លាក់ដ្រូនរបស់កូរ៉េខាងជើង ដែលការដាក់ពង្រាយនេះត្រូវកូរ៉េខាងត្បូង អះអាងថា ខ្លួននឹងក្លាយជាប្រទេសដំបូងគេបង្អស់លើពិភពលោក ក្នុងការប្រើប្រាស់អាវុធឡាស៊ែរយ៉ាងដូច្នេះនៅក្នុងវិស័យយោធា។ នេះបើយោងតាមការប្រកាសរបស់រដ្ឋបាលកម្មវិធីទិញលក់វិស័យការពារជាតិក្រុងសេអ៊ូល ហៅកាត់ថា Dapa នៅថ្ងៃទី១១ ខែកក្កដា ឆ្នាំ២០២៤។
កូរ៉េខាងត្បូង បានហៅប្រតិបត្តិការប្រើប្រាស់អាវុធឡាស៊ែរនេះថាជា “គម្រោង StarWars” ដែលត្រូវបានសហការជាមួយក្រុមហ៊ុនឧស្សាហកម្មអវកាសក្នុងស្រុក Hanwha Aerospace។ Dapa បានប្រាប់នៅក្នុងសេចក្ដីថ្លែងការណ៍ថា អាវុធឡាស៊ែរបាញ់ទម្លាក់ដ្រូននេះ មានប្រសិទ្ធភាពខ្ពស់ និងតម្លៃថោក ដោយក្នុងការបាញ់ទម្លាក់ដ្រូនម្ដងចំណាយអស់ប្រាក់តែប្រមាណ ១,៥ដុល្លារប៉ុណ្ណោះ។
ទន្ទឹមនោះ Dapa បានរៀបរាប់ទៀតថា “ប្រទេសរបស់យើងកំពុងក្លាយជាប្រទេសដំបូងគេនៅលើពិភពលោក ដែលដាក់ពង្រាយ និងប្រតិបត្តិការអាវុធឡាស៊ែរ ហើយសមត្ថភាពឆ្លើយតបរបស់យោធាយើងចំពោះការបង្ករឿងដោយដ្រូនកូរ៉េខាងជើង នឹងត្រូវបានពង្រឹងខ្លាំងបន្ថែមទៀត”។ Dapa បានបន្ថែមថា អាវុធឡាស៊ែរនេះទៀតសោត នឹងក្លាយជាការផ្លាស់ប្ដូរយុទ្ធសាស្ត្រប្រយុទ្ធក្នុងសមរភូមិសង្គ្រាមនាពេលអនាគត។
អ្នកនាំពាក្យ Dapa បានពន្យល់ថា អាវុធឡាស៊ែរ បាញ់ទម្លាក់ដ្រូនដែលកំពុងហោះ តាមរយៈការដុតឲ្យឆេះនូវបណ្ដុំគ្រឿងម៉ាស៊ីន ឬក៏ផ្នែកឧបករណ៍អេឡិចត្រូនិចផ្សេងៗទៀតដែលមាននៅលើដ្រូន ជាមួយកម្ដៅពន្លឺក្នុងរយៈពេលត្រឹម ១០ ទៅ ២០វិនាទី។
បច្ចុប្បន្ន នៅពេលមានការឈ្លានពានដោយដ្រូនពីកូរ៉េខាងជើង កងទ័ពក្រុងសេអ៊ូលបានប្រើប្រាស់យន្តហោះចម្បាំង និងឧទ្ធម្ភាចក្រយោធា ដើម្បីបាញ់កម្ទេចដ្រូនទាំងនោះ។ អាវុធឡាស៊ែរថ្មី នឹងជួយបង្កើនភាពងាយស្រួល និងការចំណាយថវិកាតិចឲ្យកូរ៉េខាងត្បូង សម្រាប់ទប់ស្កាត់ការឈ្លានពានដោយដ្រូនពីកូរ៉េខាងជើង ដែលកើតមានឡើងចាប់តាំងពីឆ្នាំ២០១៧មកម៉្លេះ៕
ដោយ៖ ឈាង
តារាថៃច្រើននាក់ រត់ប្រាស់អាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
កសិករចិញ្ចឹមគោបាយជិត ៣០០ក្បាល ផ្ដាំកសិករផ្សេងឱ្យងាកមកចិញ្ចឹមគោប្រភេទនេះ ព្រោះងាយស្រួលចិញ្ចឹម
១៧ ខេត្តក្នុងចំណោម ២៥ រាជធានីខេត្ត បញ្ចប់ចុះតាមដានការអនុវត្តយានយន្តកែច្នៃខុសលក្ខណៈបច្ចេកទេស
អ៊ីស្រាអែលសម្លាប់មនុស្សជិត ៩០០នាក់ ចាប់តាំងពីលែងអនុវត្តបទឈប់បាញ់នៅតំបន់ហ្គាហ្សា
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
-
ព័ត៌មានអន្ដរជាតិ២១ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?
-
សន្តិសុខសង្គម១៩ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ