ព័ត៌មានអន្ដរជាតិ
ត្រឹមមួយសប្តាហ៍ប៉ុណ្ណោះ ប្រទេសអ៊ីស្លង់ ជួបការរញ្ជួយដីដល់ទៅជាង១៨,០០០លើក
អាជ្ញាធរបានព្រមានថា ការផ្ទុះភ្នំភ្លើងនៅក្នុងប្រទេសអ៊ីស្លង់អាចនឹងកើតឡើងក្នុងពេលឆាប់ៗ បន្ទាប់ពីការរញ្ជួយដីជាង១៨,០០០លើក បានវាយប្រហារកោះនេះកាលពីសប្តាហ៍មុន។
យោងតាមការិយាល័យឧតុនិយមអ៊ីស្លង់ (IMO) បានឲ្យដឹងថា ត្រឹមតែមួយថ្ងៃពុធ មានការរញ្ជួយដីប្រហែល២,៥០០លើកត្រូវបានកត់ត្រា ហើយចាប់តាំងពីពាក់កណ្តាលអធ្រាត្រថ្ងៃព្រហស្បតិ៍មក មានរញ្ជួយដីជិត៨០០លើកទៀត។
ការរញ្ជួយដីខ្លាំងបំផុតមានកម្រិត៥.៦រ៉ិចទ័រ ដែលសមល្មមអាចបណ្តាលឲ្យមានការខូចខាតខ្លះដល់រចនាសម្ព័ន្ធទន់ខ្សោយ។
សកម្មភាពរញ្ជួយញឹកញាប់បំផុត បានកើតឡើងនៅជុំវិញឧបទ្វីប Reykjanes ដែលជាតំបន់មានប្រជាជនច្រើននៅភាគខាងត្បូងរដ្ឋធានី Reykjavík ភាគនិរតីប្រទេសអ៊ីស្លង់។
ឥឡូវនេះ អាជ្ញាធរអ៊ីស្លង់គិតទុកថា ភ្នំភ្លើងចំនួនពីរនៅលើឧបទ្វីប Reykjanes គឺភ្នំភ្លើង Keilir និង Fagradalsfjall នឹងផ្ទុះឡើងក្នុងពេលដ៏ខ្លីខាងមុខ។
បន្ទុះភ្នំភ្លើងណាមួយ នឹងក្លាយជាការផ្ទុះលើកដំបូងនៅក្នុងតំបន់នេះ ចាប់តាំងពីសតវត្សរ៍ទី១២មក។
ទោះបីជាយ៉ាងណាក៏ដោយ ក្រុមអ្នកជំនាញជឿជាក់ថា វាមិនទំនងជាមានការផ្ទុះឡើងខ្លាំងដែលបាញ់កម្អែលនិងផេះភ្នំភ្លើងឡើងទៅលើមេឃនោះទេ។
ថ្លែងទៅកាន់ទូរទស្សន៍ CNN លោក Thorvaldur Thordarson សាស្រ្តាចារ្យផ្នែកបន្ទុះភ្នំភ្លើងនៅសកលវិទ្យាល័យអ៊ីស្លង់ បាននិយាយថា “យើងកំពុងប្រយុទ្ធដើម្បីរកមូលហេតុនៅពេលនេះ។ ហេតុអ្វីរឿងនេះកើតឡើង?។ វាពិតជាបានខិតទៅជិតផ្ទៃខាងលើ ប៉ុន្តែយើងកំពុងព្យាយាមរកមើលថា តើវាខិតទៅជិតជាងមុនដែរឬក៏អត់”។
គួរបញ្ជាក់ថា ប្រទេសអ៊ីស្លង់ គឺជាចំណុចក្តៅពិសេសមួយសម្រាប់សកម្មភាពរញ្ជួយ ពីព្រោះវាស្ថិតនៅលើព្រំប្រទល់ស្រទាប់តិចតូនិចដែលគេហៅថា Mid Atlantic Ridge៕
ប្រែសម្រួលដោយ៖ Vann Vann
ប្រភព៖ Daily Mail
ចុចអាន៖ ជប៉ុន រងគ្រោះដោយការរញ្ជួយដីដ៏ខ្លាំងក្លា
ចុចអាន៖ មិនខុសពីឥណ្ឌូនេស៊ី ហ្វីលីពីនជួបគ្រោះរញ្ជួយដីដ៏ខ្លាំងក្លាផងដែរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ