ព័ត៌មានអន្ដរជាតិ
ម៉ាឡេស៊ី ប្រាប់ថា កងទ័ពមួកខៀវ៦នាក់របស់ខ្លួន រងរបួសនៅលីបង់
ម៉ាឡេស៊ី បានប្រកាសនៅថ្ងៃទី៨ខែវិច្ឆិកានេះថា កងទ័ពមួកខៀវអង្គការសហប្រជាជាតិរបស់ខ្លួនចំនួន ៦នាក់ បានរងរបួសក្នុងការបំផ្ទុះមួយនៅប្រទេសលីបង់។
ក្រសួងការពារជាតិម៉ាឡេស៊ី បានចេញសេចក្ដីថ្លែងការណ៍ថា ការបំផ្ទុះកើតឡើងនៅអាធ្រាត្រថ្ងៃព្រហស្បតិ៍ ក្បែរកីឡដ្ឋាន Saida ដោយមានគោលដៅវាយប្រហារទៅលើរថយន្តស៊ីវិលមួយគ្រឿង ដែលធ្វើដំណើរឆ្ពោះទៅកាន់រដ្ឋធានីបេរូត។ យ៉ាងណាមិញ ការបំផ្ទុះនេះ ក៏បានបង្កការខូចខាតទៅលើរថយន្តមួយគ្រឿងផ្សេងទៀតដែលកំពុងដឹកកងទ័ពមួករបស់ម៉ាឡេស៊ី បណ្ដាលឲ្យរងរបួស ៦នាក់។
សេចក្ដីថ្លែងការណ៍ដដែល បានបន្ថែមថា កងទ័ពមួកខៀវចំនួន ៥នាក់ រងរបួសស្រាល ខណៈម្នាក់ទៀតបានបាក់ឆ្អឹងដៃខាងឆ្វេង ហើយត្រូវបញ្ជូនទៅមន្ទីរពេទ្យ។
កងកម្លាំងប្រដាប់អាវុធម៉ាឡេស៊ី បានបញ្ជាក់ថា ខ្លួននឹងតាមដានស្ថានការណ៍នេះឲ្យបានហ្មត់ចត់ និងនៅតែប្ដេជ្ញាដើម្បីធានាបាននូវសុវត្ថិភាព និងសុខុមាលភាពនៃកងកម្លាំងរបស់ខ្លួន ទោះស្ថិតនៅក្រោមបេសកកម្មអង្គការសហប្រជាជាតិក៏ដោយ។
បើតាមការប្រកាសរបស់អង្គការសហប្រជាជាតិ ការបំផ្ទុះនេះ កើតឡើងដោយសារតែការវាយប្រហារតាមដែនអាកាសរបស់អ៊ីស្រាអែលនៅភាគខាងត្បូងប្រទេសលីបង់ កាលពីថ្ងៃទី៧ខែវិច្ឆិកា ហើយបណ្ដាលឲ្យជនស៊ីវិល ៣នាក់បានស្លាប់៕
ដោយ៖ ឈាង
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម