ព័ត៌មានអន្ដរជាតិ

សមត្ថកិច្ចចម្រុះឆ្មក់ចូលការិយាល័យ លោក Yoon ដែលមិននៅកន្លែង ខណៈសភាអាចបោះឆ្នោតទម្លាក់នៅថ្ងៃនេះ

បានផុស

១ year មុន

នៅ

ថ្ងៃពុធ ១១ ធ្នូ ២០២៤

ដោយ

កម្លាំងសមត្ថកិច្ចចម្រុះកូរ៉េខាងត្បូង បានឆ្មក់ចូលការិយាល័យធ្វើការរបស់ប្រធានាធិបតី Yoon Suk Yeol នៅថ្ងៃពុធនេះ មួយថ្ងៃក្រោយរដ្ឋសភាអនុម័តច្បាប់បង្កើតក្រុមប្រឹក្សាប្រតិបត្តិការពិសេសមួយ ដើម្បីស៊ើបអង្កេតលោកប្រធានាធិបតី និង មន្ត្រីជាន់ខ្ពស់ផ្សេងទៀត។

លោក Yoon ត្រូវបានគេឃើញចុងក្រោយជាសាធារណៈ ពេលថ្លែងសារសុំទោសកាលថ្ងៃទី៧ធ្នូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឆ្មក់ចូលការិយាល័យប្រធានាធិបតីនេះក៏កើតមាននៅមុនរដ្ឋសភាដែលត្រូវគេរំពឹងថា នឹងបោះឆ្នោតជាលើកទី២នៅថ្ងៃពុធនេះ ក្នុងការប៉ុនប៉ងបណ្តេញលោក Yoon ចេញពីអំណាច។

ការចោទប្រកាន់ជាច្រើនត្រូវបានដាក់ចេញប្រឆាំង លោក Yoon ក្នុងចំណោមមន្ត្រីកំពូលៗផ្សេងទៀត ដើម្បីដំណើរការស៊ើបអង្កេតលើការប្រកាសច្បាប់អាជ្ញាសឹករបស់លោក ដែលបានប្រកាសកាលពីសប្តាហ៍មុន។

ក្នុងប្រតិបត្តិការឆ្មក់ចូលនោះ ទីភ្នាក់ងារសារព័ត៌មាន Yonhap បានរាយការណ៍ថា លោក Yoon មិនបាននៅឯបរិវេណការិយាល័យប្រធានាធិបតីក្នុងអំឡុងពេលវាយឆ្មក់នោះទេ។

ទីលំនៅផ្លូវការរបស់គាត់គឺនៅទីតាំងដាច់ដោយឡែក។ លោកប្រធានាធិបតី មិនត្រូវបានគេឃើញជាសាធារណៈទេចាប់តាំងពីការសុំទោសកាលពីថ្ងៃទី៧ខែធ្នូសម្រាប់ការប៉ុនប៉ងរបស់គាត់ក្នុងការដាក់ប្រទេសរបស់គាត់ឱ្យស្ថិតក្រោមការគ្រប់គ្រងរបស់យោធា។

ប្រតិបត្តិការវាយឆ្មក់នោះក៏មានភ្នាក់ងារប៉ូលិសជាតិ ភ្នាក់ងារប៉ូលិសក្រុងសេអ៊ូល និងសេវាសន្តិសុខរដ្ឋសភា៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា