ព័ត៌មានអន្ដរជាតិ
រដ្ឋមានជាងគេបំផុតរបស់ឥណ្ឌាជាចំណុចផ្ទុះកូវីដខ្លាំងរលកទីពីរ
ករណីឆ្លងថ្មីនៃជំងឺកូវីដ ១៩ ក្នុងប្រទេសឥណ្ឌាបានកើនឡើងយ៉ាងខ្លាំងក្នុងរយៈពេលជាង ៣ ខែកន្លងមកនេះ ខណៈរលកទីពីរនៃការរីករាលដាលដ៏ខ្លាំងនេះបានផ្ទុះឡើងនៅរដ្ឋ Maharashtra ដែលជារដ្ឋមានជាងគេបំផុតរបស់ប្រទេសដោយមានករណីឆ្លង ២ ភាគ ៣ នៃចំនួនឆ្លងសរុបប្រចាំថ្ងៃ ។
ក្នុងនោះគ្រាន់តែទីក្រុងពាណិជ្ជកម្ម Mumbai របស់រដ្ឋ Maharashtra បានរាយការណ៍ថាមានករណីឆ្លងថ្មីចំនួន ៣៥,៨៧១ ករណីក្នុងរយៈពេល ២៤ ម៉ោងចុងក្រោយនេះ ហើយការរីករាលដាលយ៉ាងឆាប់រហ័សនៅក្នុងតំបន់ឧស្សាហកម្មធំៗបានបង្កើនហានិភ័យ និងត្រូវបានបង្អាក់ផលិតកម្មរបស់ក្រុមហ៊ុន ។
ករណីឆ្លងបាននិងកំពុងកើនឡើងនៅរដ្ឋ Maharashtra ចាប់តាំងពីការបើកឡើងវិញនូវសកម្មភាពសេដ្ឋកិច្ចភាគច្រើននៅក្នុងខែកុម្ភៈ ។ រថភ្លើងនៅជាយក្រុង Mumbai ដែលដឹកមនុស្សរាប់លាននាក់ជារៀងរាល់ថ្ងៃក៏ចាប់ផ្តើមសេវាកម្មឡើងវិញដែរ ។
ទន្ទឹមនោះករណីឆ្លងថ្មីបានកើនឡើងទ្វេដងក្នុងរយៈពេលពីរសប្តាហ៍កន្លងមកនេះនៅក្នុងទីក្រុងឧស្សាហកម្មរបស់រដ្ឋ Maharashtra ដូចជាទីក្រុង Pune ទីក្រុង Aurangabad ទីក្រុង Nashik និងទីក្រុង Nagpur ដែលត្រូវបានគេស្គាល់ថាជារោងចក្រផលិតរថយន្ត ឱសថ និងវាយនភ័ណ្ឌ ។
រដ្ឋដែលមានប្រជាជនចំនួន ១១២ លាននាក់មួយនេះបានបញ្ជាឲ្យមានការបិទនៅតាមបណ្តាស្រុកមួយចំនួន និងដាក់ការរឹតត្បិតលើរោងកុន សណ្ឋាគារ និងភោជនីយដ្ឋានរហូតដល់ដំណាច់ខែ បន្ទាប់ពីការឆ្លងបានកើនឡើងដល់កម្រិតខ្ពស់ជាច្រើនខែកាលពីដើមសប្តាហ៍នេះ ។
បន្ថែមពីនេះរលកទីមួយរបស់ប្រទេសបានឡើងដល់កំពូលកាលពីខែកញ្ញាឆ្នាំមុនដែលមានចំនួនឆ្លងជិត ១០០,០០០ ករណីក្នុងមួយថ្ងៃ ខណៈដែលករណីឆ្លងប្រចាំថ្ងៃចុះទាបបំផុតជាង ៩,០០០ ករណីប៉ុណ្ណោះនៅដើមខែមុន ។
គិតត្រឹមពេលនេះករណីឆ្លងសរុបរបស់ឥណ្ឌាមានចំនួន ១១.៥ លានករណីដែលជាចំនួនខ្ពស់បំផុតទីបី បន្ទាប់ពីសហរដ្ឋអាមេរិក និងប្រេស៊ីល ។ រីឯចំនួនអ្នកស្លាប់បានកើនឡើងដល់ ១៥៩,២៥០ នាក់ ។ នេះបើយោងតាមទិន្នន័យរបស់ក្រសួងសុខាភិបាលដែលបានចេញផ្សាយនៅថ្ងៃព្រហស្បតិ៍នេះ ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ វ៉ាក់សាំងកូវីដមួយទៀតរបស់ឥណ្ឌាមានប្រសិទ្ធភាពក៏ខ្ពស់ដែរ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»