ព័ត៌មានអន្ដរជាតិ
វ៉ាក់សាំងកូវីដមួយទៀតរបស់ឥណ្ឌាមានប្រសិទ្ធភាពក៏ខ្ពស់ដែរ
លទ្ធផលប្រសិទ្ធភាពនៃវ៉ាក់សាំង Covaxin ដែលផលិតដោយក្រុមហ៊ុនឥណ្ឌាត្រូវបានស្វាគមន៍ដោយអ្នកជំនាញផ្នែកសុខភាពដែលរំពឹងថានឹងមានការជំរុញក្នុងយុទ្ធនាការចាក់ថ្នាំបង្ការរបស់ប្រទេសនេះ ។
លោកវេជ្ជបណ្ឌិត Lalit Kant អតីតប្រធានផ្នែករោគរាតត្បាត និងជំងឺឆ្លងនៃក្រុមប្រឹក្សាស្រាវជ្រាវវេជ្ជសាស្ត្រឥណ្ឌាបានប្រាប់ទីភ្នាក់ងារ Anadolu ថា “យើងរំពឹងថាភាពជឿជាក់ និងការទទួលយកវ៉ាក់សាំងនឹងកើនឡើងនាពេលបច្ចុប្បន្ននេះ ។
លោកបាននិយាយថា “ខ្ញុំគិតថាវាជាសមិទ្ធិផលដ៏អស្ចារ្យមួយរបស់ប្រទេសឥណ្ឌា ពីព្រោះពួកគេបានបង្កើតវ៉ាក់សាំងនេះតាំងពីដំបូង ។ ទោះជាយ៉ាងណាក្រុមហ៊ុនត្រូវការការវិភាគឲ្យបានពេញលេញ ។ បន្ទាប់មកយើងនឹងដឹងអំពីប្រសិទ្ធភាពនៃវ៉ាក់សាំងនេះ” ។
Covaxin ផលិតដោយក្រុមហ៊ុនឱសថ Bharat Biotech សហការជាមួយក្រុមប្រឹក្សាស្រាវជ្រាវវេជ្ជសាស្ត្រឥណ្ឌា ។
កាលពីថ្ងៃពុធក្រុមហ៊ុនបានប្រកាសលទ្ធផលព្យាបាលបណ្តោះអាសន្នដោយផ្អែកលើទិន្នន័យប្រសិទ្ធភាពក្នុងការសាកល្បងព្យាបាលដំណាក់កាលទី ៣ របស់ខ្លួនបានបង្ហាញថា វ៉ាក់សាំង Covaxin មានប្រសិទ្ធភាព ៨១ ភាគរយ ។
ក្រុមហ៊ុនបាននិយាយនៅក្នុងសេចក្តីថ្លែងការណ៍ព័ត៌មានមួយថា “វាគឺជាព្រឹត្តិការណ៍ដ៏សំខាន់មួយក្នុងការរកឃើញវ៉ាក់សាំងសម្រាប់ការសិក្សាវិទ្យាសាស្ត្រ និងការប្រយុទ្ធប្រឆាំងនឹងជំងឺកូវីដ ១៩ ។ ជាមួយនឹងលទ្ធផលពីការសាកល្បងព្យាបាលដំណាក់កាលទី ៣ របស់យើងឥឡូវនេះ យើងបានរាយការណ៍អំពីទិន្នន័យវ៉ាក់សាំងកូវីដរបស់យើងពីដំណាក់កាលទី ១ ទី ២ និងទី ៣ នៃការសាកល្បងដែលពាក់ព័ន្ធនឹងអ្នកចូលរួម ២៧,០០០ នាក់” ។
យោងតាមក្រុមហ៊ុន វ៉ាក់សាំងនេះក៏មានប្រសិទ្ធភាពខ្ពស់ប្រឆាំងនឹងជំងឺកូវីដ ១៩ បំប្លែងខ្លួនប្រភេទថ្មីផងដែរ ។
ទន្ទឹមនោះស្ថិតិរបស់រដ្ឋាភិបាលឥណ្ឌាក៏បានបង្ហាញដែរថា ចំនួនដូសនៃវ៉ាក់សាំង Covaxin គឺតិចជាងចំនួនដូសនៃវ៉ាក់សាំង Covishield ផលិតនៅក្នុងស្រុកដោយវិទ្យាស្ថាន Serum ដែលមានមូលដ្ឋាននៅទីក្រុង Pune និងត្រូវបានអភិវឌ្ឍដោយសាកលវិទ្យាល័យ Oxford និង AstraZeneca ។
លទ្ធផលនៃការសាកល្បងដំណាក់កាលទី ៣ បានកើតឡើងចំពេលដែលប្រទេសឥណ្ឌាកំពុងចាក់វ៉ាក់សាំងកូវីដដំណាក់កាលទី ២ នៅទូទាំងប្រទេស ។ យោងតាមក្រសួងសុខាភិបាលបានឲ្យដឹងថា ប្រទេសឥណ្ឌាបានចាក់វ៉ាក់សាំងជាង ១៦ លានដូសហើយនៅទូទាំងប្រទេស ខណៈកាលពីដើមសប្តាហ៍នេះនៅពេលដែលប្រទេសនេះចាប់ផ្តើមចាក់វ៉ាក់សាំងដំណាក់កាលទី ២ នាយករដ្ឋមន្រ្តីឥណ្ឌាលោក Narendra Modi បានទទួលការចាក់វ៉ាក់សាំង Covaxin ដូសដំបូងរបស់គាត់ ។
គួរបញ្ជាក់ថា គិតត្រឹមពេលនេះប្រទេសឥណ្ឌាមានករណីឆ្លងជំងឺកូវីដ ១៩ ចំនួន ១១,១៩១,៨៦៤ ករណី និងមានអ្នកស្លាប់ចំនួន ១៥៧,៦៩៣ នាក់ ៕
ប្រែសម្រួលដោយ ៖ ជីវ័ន្ត
ប្រភព ៖ Anadolu
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត