ថៃ បន្តរកឃើញអ្នកឆ្លងកូវីដ១០០ករណី និងអ្នកស្លាប់ម្នាក់ទៀត

នៅថ្ងៃសុក្រនេះ មជ្ឈមណ្ឌលគ្រប់គ្រងស្ថានភាពជំងឺកូវីដ១៩របស់ប្រទេសថៃ (CCSA) បានរាយការណ៍ថាមានការឆ្លងថ្មីចំនួន១០០ករណី ដែលក្នុងនោះមាន៤នាក់ជាករណីនាំចូលនិងមានអ្នកស្លាប់ម្នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងចំណោមករណីថ្មីទាំងអស់ មានមនុស្ស៥៥នាក់បានឆ្លងជំងឺដោយសារតែធ្វើដំណើរទៅកាន់តំបន់ដែលមានហានិភ័យខ្ពស់។

ចំពោះករណីនាំចូលទាំង៤ករណីរួមមាន ជនជាតិថៃចំនួន២នាក់ដែលបានវិលត្រឡប់មកពីប្រទេសជប៉ុននិងអារ៉ាប់រួម ខណៈបុរសហូល្លង់ម្នាក់និងនិស្សិតបារាំងម្នាក់បានវិលត្រឡប់មកពីប្រទេសរបស់ពួកគេរៀងៗខ្លួន។

ស្របពេលជាមួយគ្នានោះដែរ អ្នកជំងឺចំនួន៧៣នាក់បានជាសះស្បើយ។

គិតត្រឹមថ្ងៃសុក្រនេះ ចំនួនករណីជំងឺកូវីដ១៩នៅក្នុងប្រទេសថៃ បានកើនឡើងដល់២៧,៥៩៤ករណី។ មនុស្សចំនួន ២៦,៤៥០នាក់បានជាសះស្បើយ ហើយអ្នកស្លាប់បានកើនឡើងដល់៩០នាក់៕

ប្រែសម្រួលដោយ៖ Vann Vann

ប្រភព៖ The Nation

ចុចអាន៖ ថៃ មានអ្នកស្លាប់ម្នាក់ទៀតដោយសារកូវីដ និងឆ្លងថ្មីជិត១០០ករណី

ចុចអាន៖ ថ្ងៃនេះកូវីដនៅថៃ ធ្ងន់ជាងម្សិលមិញ! ឆ្លងថ្មីរហូតដល់២៤៨ករណី និងស្លាប់ម្នាក់