រកឃើញមនុស្សស្លាប់ ៦នាក់ហើយ ក្នុងហេតុការណ៍ឆេះរោងចក្រនៅថៃ

របាយការណ៍ចុងក្រោយពីភ្នាក់ងារអគ្គិភ័យនិងជួយសង្គ្រោះថៃ, គិតត្រឹមម៉ោង៣:០០នាទីរសៀលថ្ងៃចន្ទទី៣០ខែមិថុនាឆ្នាំ២០២៥ មនុស្សចំនួន៦នាក់ ត្រូវបាត់បង់ជីវិតក្នុងគ្រោះអគ្គិភ័យ ឆាបឆេះក្រដាសអនាម័យនៅខេត្ត Saraburi នៃប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Khaosod, ក្នុងចំណោមអ្នកទាំង៦ គឺមាន៣នាក់ត្រូវគេរកឃើញស្លាប់នៅជាន់ទី១ និង៣នាក់ទៀតនៅជាន់លើ។

មុននេះ Bangkok Post ផ្សាយថា មានកម្មករចំនួន២៤នាក់ត្រូវរបួសក្នុងនោះ៤នាក់របួសធ្ងន់ ក្នុងករណីអគ្គិភ័យឆាបឆេះរោងចក្ររបស់ក្រុមហ៊ុន Riverpro Pulp and Paper Co Ltd ដែលស្ថិតនៅតំបន់ឧស្សាហកម្ម Hemaraj ក្នុងស្រុក Nong Khae។ 

អគ្គិភ័យបានកើតឡើងនាវេលាម៉ោង១២ថ្ងៃត្រង់ថ្ងៃចន្ទទី៣០ខែមិថុនាឆ្នាំ២០២៥ ខណៈមកទល់ពេលនេះ មូលហេតុ នៅតែមិនទាន់ត្រូវបានគេដឹង៕

អត្ថបទ៖ សុខ សុវណ្ណ

ចុចអាន៖ ឆេះរោងចក្រនៅ ថៃ៖ កម្មករ២៤នាក់របួស ខណៈ១០នាក់រកមិនទាន់ឃើញ