LRAD ដែលថៃប្រើ អាចបង្កផលប៉ះពាល់រយៈពេលវែង, ករណីធ្ងន់ធ្ងរ ធ្វើឲ្យមនុស្ស ថ្លង់មួយជីវិត

កាលពីថ្ងៃចន្ទទី២៥ខែសីហាឆ្នាំ២០២៥ ថៃបានប្រើឧបករណ៍បាញ់រលកសំឡេង Long Range Acoustic Device (LRAD) ដើម្បីបំបែកពលរដ្ឋខ្មែរ ដែលការពារទឹកដីខ្លួនពីការឈ្លានពានរបស់ថៃ នៅទីតាំងភូមិជោគជ័យ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វាជាការប្រើវិធីសាស្រ្តដ៏សាហាវនិងព្រៃផ្សៃគ្មានមនុស្សធម៌ របស់ជាតិសាសន៍ថៃ មកលើពលរដ្ឋកម្ពុជាដ៏ស្លូតត្រង់ទាំងដែលគ្មានអាវុធនៅក្នុងដៃទាល់តែសោះ។

LRAD អាចបង្កផលប៉ះពាល់យ៉ាងធ្ងន់ធ្ងរដល់សុខភាពមនុស្ស ជាពិសេសនៅពេលដែលវាត្រូវបានប្រើប្រាស់ក្នុងកម្រិតសំឡេងខ្ពស់។

តាមការចុះផ្សាយរបស់ Acentech, ក្នុងករណីធ្ងន់ធ្ងរបំផុត ផលប៉ះពាល់ជាមួយសំឡេងដែលមានកម្រិតខ្ពស់ពីឧបករណ៍ LRAD អាចបណ្តាលឲ្យថ្លង់មួយជីវិត។

សំឡេងដែលមានកម្រិតលើសពី ១២០ ដេស៊ីបែល (dB) អាចបំផ្លាញកោសិកាស្តាប់នៅក្នុងត្រចៀក ហើយអាចបណ្តាលឲ្យស្តាប់លែងឮមួយជីវិត។ លើសពីនេះ វាបណ្តាលឲ្យហ៊ឹងត្រចៀកជាប្រចាំ ដែលបណ្តាលមកពីការខូចខាតសរសៃប្រសាទស្តាប់។ មិនត្រឹមប៉ុណ្ណឹង សម្ពាធសំឡេងខ្លាំងអាចបង្កឲ្យមានការឈឺចាប់ភ្លាមៗ ឈឺក្បាល វិលមុខ និងក្អួតចង្អោរ។

ចំពោះផ្លូវចិត្តវិញ, សំឡេងដ៏មុតស្រួចនិងខ្លាំងរបស់ LRAD អាចធ្វើឲ្យមនុស្សគ្រប់គ្រងខ្លួនឯងលែងបាន និងបង្កភាពតានតឹងផ្លូវចិត្តធ្ងន់ធ្ងរ ដែលអាចឈានដល់ការកើតជំងឺថប់បារម្ភរយៈពេលវែង។

សរុបមក LRAD មិនត្រឹមតែជាឧបករណ៍បំពងសំឡេងប៉ុណ្ណោះទេ ប៉ុន្តែក៏ជាអាវុធដែលអាចបង្កគ្រោះថ្នាក់ដល់សុខភាពមនុស្សយ៉ាងធ្ងន់ធ្ងរផងដែរ៕

អត្ថបទ៖ សុខ សុវណ្ណ

ចុចអាន៖ អតីតរដ្ឋមន្ត្រីការបរទេសថៃ បញ្ជាក់ថា បណ្តឹង​បរិហាកេរ្តិ៍លើលោកស្រី Mallika គឺគ្មានការយោគយល់ឡើយ