ព័ត៌មានអន្ដរជាតិ
រដ្ឋមន្ត្រីអ៊ីស្រាអែលស្នើផែនការកាត់បញ្ចូលតំបន់ហ្គាហ្សាជាឧបសម្ព័ន្ធ
រដ្ឋមន្ត្រីក្រសួងហិរញ្ញវត្ថុអ៊ីស្រាអែល លោក Bezalel Smotrich កាលពីថ្ងៃទី២៨ខែសីហា បានបង្ហាញផែនការដ៏ចម្រូងចម្រាសមួយ គឺអ៊ីស្រាអែលកាត់បញ្ចូលតំបន់ហ្គាហ្សាស្ទ្រីបជាឧបសម្ព័ន្ធ ប្រសិនបើក្រុមសកម្មប្រយុទ្ធប៉ាឡេស្ទីនហាម៉ាសបដិសេធទម្លាក់អាវុធចុះចាញ់។
ថ្លែងនៅក្នុងសន្និសីទសារព័ត៌មានមួយក្នុងទីក្រុងហ្សេរុយសាឡឹម រដ្ឋមន្ត្រីស្តាំនិយមជ្រុលរូបនេះ បានគូសបញ្ជាក់អំពីយុទ្ធសាស្ត្រមួយដើម្បី «សម្រេចបានជ័យជម្នះនៅតំបន់ហ្គាហ្សានាចុងឆ្នាំនេះ»។ ផែនការនេះផ្តោតលើការផ្តល់ឱសានវាទដល់ក្រុមហាម៉ាស ដោយទាមទារឲ្យពួកគេចុះចាញ់ដោយគ្មានលក្ខខណ្ឌ ទម្លាក់អាវុធចុះ និងដោះលែងចំណាប់ខ្មាំងទាំងអស់ដែលបានឃុំខ្លួនតាំងពីខែតុលាឆ្នាំ២០២៣។
ប្រសិនបើក្រុមហាម៉ាសបដិសេធ លោក Smotrich បានស្នើថា អ៊ីស្រាអែលចាប់ផ្តើមបញ្ចូលមួយផ្នែកនៃតំបន់ហ្គាហ្សាជារៀងរាល់សប្ដាហ៍សម្រាប់រយៈពេល៤សប្តាហ៍ រហូតដល់តំបន់នេះស្ថិតនៅក្រោមការគ្រប់គ្រងពេញលេញរបស់អ៊ីស្រាអែល ខណៈដំណើរការកាត់ចូលជាឧសម្ព័ន្ធនឹងសម្រេចបាននៅរយៈពេលប្រមាណជា ៣ ទៅ ៤ខែ។ ដំណាក់កាលប្រតិបត្តិការនេះ នឹងពាក់ព័ន្ធការបញ្ជាឲ្យជនស៊ីវិលប៉ាឡេស្ទីនជម្លៀសទៅកាន់ភាគខាងត្បូងតំបន់ហ្គាហ្សា បន្តដោយការឡោមព័ទ្ធដោយយោធានៅភាគខាងជើង និងកណ្តាល ដើម្បីលុបបំបាត់កងកម្លាំងហាម៉ាស។
លោក Smotrich បានអំពាវនាវឲ្យនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ «អនុម័តផែនការនេះឲ្យបានពេញលេញភ្លាមៗ»។
សំណើនេះត្រូវបានថ្កោលទោសយ៉ាងរហ័សដោយក្រុមហាម៉ាស ដែលបានចាត់ទុកថា វាជា«ការគាំទ្របើកចំហសម្រាប់គោលនយោបាយនៃការផ្លាស់ទីលំនៅដោយបង្ខំ និងការបោសសម្អាតជនជាតិភាគតិច» ប្រឆាំងនឹងប្រជាជនប៉ាឡេស្ទីន។
ការកត់សម្គាល់របស់លោក Smotrich ធ្វើឡើងចំពេលមានការត្រៀមរៀបចំដោយយោធាអ៊ីស្រាអែលសម្រាប់ការវាយលុកថ្មីដ៏ធំមួយក្នុងគោលបំណងដណ្តើមកាន់កាប់ទីក្រុងហ្គាហ្សា ដោយបង្កើនការព្រួយបារម្ភចំពោះសុវត្ថិភាពនៃជនស៊ីវិលមួយចំនួនធំដែលប្រមូលផ្តុំនៅទីនោះ៕
ដោយ៖ ឈាង
ចុចអាន៖ បុគ្គលិក UN រាប់រយនាក់ ស្នើឱ្យដាក់សង្រ្គាមរបស់អ៊ីស្រាអែលនៅហ្គាហ្សាជាអំពើប្រល័យពូជសាសន៍
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម