ព័ត៌មានអន្ដរជាតិ
អាហារមួយមុខធ្វើឲ្យក្មេងជំទង់ម្នាក់ដែលសន្លប់បាត់ស្មារតីរយៈពេល ៦២ ថ្ងៃ ដឹងខ្លួន
ក្រុមគ្រួសាររបស់ក្មេងជំទង់អាយុ ១៨ ឆ្នាំម្នាក់ដែលសន្លប់បាត់ស្មារតីអស់រយៈពេលជាងពីរខែ និងគ្មានសង្ឃឹមថានឹងរស់រានមានជីវិតបែរជាជួបរឿងអព្ភូតហេតុ នៅពេលក្មេងជំទង់រូបនេះភ្ញាក់ដឹងខ្លួនយ៉ាងចម្លែក បន្ទាប់ពីបងប្រុសរបស់គាត់បានរៀបរាប់ពីម្ហូបដែលគាត់ចូលចិត្តគឺសាច់មាន់បំពង ។
ក្មេងជំទង់មកពីភាគពាយ័ព្យនៃកោះតៃវ៉ាន់បានធ្លាក់ខ្លួនសន្លប់បាត់ស្មារតី បន្ទាប់ពីបានជួបគ្រោះថ្នាក់ចរាចរណ៍ធ្ងន់ធ្ងរ ខណៈពេលកំពុងជិះម៉ូតូអូតូ ។ គាត់ទទួលរងការគំរាមកំហែងដល់អាយុជីវិតរួមទាំងការហូរឈាមធ្ងន់ធ្ងរនៅក្នុងសរីរាង្គខាងក្នុងជាច្រើនកន្លែង ។
សារព័ត៌មានតៃវ៉ាន់បានរាយការណ៍ថា បន្ទាប់ពីមានគ្រោះថ្នាក់ដ៏គួរឲ្យរន្ធត់នេះគ្រូពេទ្យអាចធ្វើឲ្យស្ថានភាពរបស់អ្នកជំងឺមានស្ថេរភាព និងជួយសង្គ្រោះជីវិតគាត់បាន ប៉ុន្តែគាត់ស្ថិតក្នុងស្ថានភាពសន្លប់បាត់ស្មារតីធ្ងន់ធ្ងរពេក ។
គិលានុប្បដ្ឋាយិកាម្នាក់បាននិយាយថា ក្មេងជំទង់ដែលត្រូវបានគេស្គាល់ថាឈ្មោះ Chiu នៅក្នុងរបាយការណ៍របស់ក្រុមគ្រូពេទ្យត្រូវបានតាមដាន និងយកចិត្តទុកដាក់យ៉ាងខ្លាំងពីក្រុមគ្រូពេទ្យជំនាញ ។
ទន្ទឹមនោះក្រុមគ្រួសាររបស់គាត់ដែលមានវត្តមាននៅក្បែរគាត់បានធ្វើការបួងសួងអធិស្ឋានសុំឲ្យគាត់មានជីវិតឡើងវិញផងដែរ ។ ស្ថិតក្នុងការតាមដាន និងការព្យាបាលនៅថ្ងៃទី ៦២ បងប្រុសរបស់ Chiu បាននិយាយលេងថា គាត់នឹងផ្តល់អាហារដែលគាត់ចូលចិត្តជាងគេគឺសាច់មាន់បំពង ។
ភ្លាមៗនោះដូចជាប្រើមន្តអាគម ក្មេងជំទង់រូបនេះចាប់ផ្តើមមានស្មារតីឡើងវិញ ហើយសញ្ញានៃចីពចរសំខាន់ៗរបស់គាត់មានស្ថេរភាព ។ ក្រោយមក Chiu បានជាសះស្បើយពេញលេញ ហើយត្រូវបានចេញពីមន្ទីរពេទ្យ ។ បន្ទាប់ពីជាសះស្បើយគាត់បានវិលត្រឡប់ទៅមន្ទីរពេទ្យរួមជាមួយនឹងនំខេកដើម្បីថ្លែងអំណរគុណដល់បុគ្គលិកពេទ្យដែលបានមើលថែរក្សាគាត់ ៕
ប្រែសម្រួលដោយ ៖ ជីវ័ន្ត
ប្រភព ៖ RT
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»