សុខភាព
ការឈឺចាប់ក្រោយវះកាត់ លែងជាក្តីបារម្ភ ប្រសិនប្រើប្រាស់តាមការណែនាំទាំងនេះ
ការឈឺចាប់ក្រោយវះកាត់ គឺជាអារម្មណ៍ភ័យខ្លាច និងជាក្តីកង្វល់ចម្បងមួយក្នុងចំណោមកង្វល់នានា នៃអ្នកជំងឺត្រៀមវះកាត់។
តាមការសិក្សាផ្នែកសរីរវិទ្យា នៃការឈឺចាប់ក្នុងវិស័យវេជ្ជសាស្ត្រនាពេលបច្ចុប្បន្ន បានបង្ហាញយ៉ាងច្បាស់អំពីបែបផែននៃការបង្កការឈឺចាប់ និងវិធីសាស្ត្រដើម្បីទប់ស្កាត់ និងគ្រប់គ្រងការឈឺចាប់ទៅតាមទីតាំង និងលំដាប់ថ្នាក់របស់ប្រព័ន្ធបញ្ជូនព័ត៌មាននៃការឈឺចាប់ក្នុងរាងកាយ។ ការឈឺចាប់ក្រោយការវះកាត់ គឺជាការឈឺចាប់ខ្លាំង និងស្រួចស្រាវ ដែលជាធម្មតាវានឹងថយចុះបន្តិចម្តងៗក្នុងរយៈពេល ២ ទៅ ៤ថ្ងៃ ទោះបីជាគេមិនផ្តល់ឱសថដើម្បីគ្រប់គ្រងក៏ដោយ។ ក៏ប៉ុន្តែប្រសិនបើការឈឺចាប់នេះ មិនបានទទួលការព្យាបាល ឬព្យាបាលមិនពេញលេញ និងត្រឹមត្រូវ វានឹងបង្កផលវិបាកធ្ងន់ធ្ងរដល់អ្នកជំងឺ ពិសេសមនុស្សចាស់ ហើយការឈឺចាប់នេះបានធ្វើឲ្យអ្នកជំងឺពិបាកទ្រាំ បង្កការរាងចាល ឈានទៅរកភាពរ៉ាំរ៉ៃ និងអាចបង្កឲ្យមានផលវិបាកធ្ងន់ធ្ងរ។
១) វត្ថុបំណងនៃការគ្រប់គ្រងការឈឺចាប់៖
– លើកកម្ពស់ផាសុកភាពអ្នកជំងឺ
– បង្កលក្ខខ័ណ្ឌងាយស្រួលក្នុងការប្រែប្រួលការងើបក្រោក និងការព្យាបាលដោយចលនា
– បញ្ចៀសវិបត្តិធ្ងន់ធ្ងរលើបេះដូង និងសួត ជាពិសេសលើមនុស្សចាស់
– កាត់បន្ថយរយៈពេលស្នាក់នៅក្នុងមន្ទីរពេទ្យ។
២) វិធីផ្តល់ឱសថ៖
ការឈឺចាប់ក្រោយវះកាត់ ជាប្រភេទការឈឺចាប់ស្រួចស្រាវ និងខ្លាំងក្លា ដូច្នេះជម្រើសនៃការប្រើឱសថដែលមានប្រសិទ្ធិភាពជាងគេ គឺការប្រើឱសថច្រើនមុខបញ្ចូលគ្នា (Analgésie multinodale) ទៅតាមកម្រិតនៃការឈឺចាប់ និងទំហំនៃការវះកាត់។
ការអនុវត្តន៏វិធីគ្រប់គ្រងការឈឺចាប់ ត្រូវបានរៀបចំឡើងតាមលំដាប់ថ្នាក់នៃឱសថ ដែលកំណត់ដោយអង្គការសុខភាពពិភពលោកគឺ៖
– ករណីការវះកាត់តូច និងឈឺចាប់តិចតួច ប្រើឱសថលំដាប់ថ្នាក់ទី១ គឺ Paracétamol និងថ្នាំបំបាត់រលាក (Anti-Inflammatoire Non Stéroidiens, AINS)។
– ករណីវះកាត់ធំ និងការឈឺចាប់ខ្លាំងក្លា ត្រូវប្រើឱសថលំដាប់ថ្នាក់ទី១ រួមបញ្ចូលលំដាប់ថ្នាក់ទី៣ គឺពួក Morphines ខ្លាំង។
– ករណីវះកាត់មធ្យម និងកម្រិតឈឺចាប់ល្មម គឺប្រើឱសថលំដាប់ថ្នាក់ទី១ រួមបញ្ចូលនិងឱសថលំដាប់ថ្នាកទី ២ គឺពួក Morphines ខ្សោយ។
ក្រៅពីនេះយើងមានប្រភេទថ្នាំស្ពឹកប្រើបន្ថែមដើម្បីលើកកម្ពស់គុណភាព នៃការគ្រប់គ្រងការឈឺចាប់ អោយកាន់តែប្រសើរឡើង។ ក្នុងនោះយើងមានបច្ចេកទេសច្រើនយ៉ាងដែលអាចប្រើប្រាស់បានដូចជា៖
– ការធ្វើអេពីដូរាល់ Épidural
– ការចាក់ស្ពឹកជុំវិញសរសៃវិញាណ (Bloc loco-régional)
– ការចាក់ស្ពឹកលើរបួសវះកាត់ (Infiltration péri-cicatrice)
បច្ចុប្បន្ននៅមន្ទីរពេទ្យកាល់ម៉ែត កម្មវិធីគ្រប់គ្រងការឈឺចាប់ក្រោយការវះកាត់ត្រូវបានអនុវត្តលើគ្រប់អ្នកជំងឺ និងគ្រប់ផ្នែកព្យាបាលក្នុងមន្ទីរពេទ្យ។ លទ្ធផលទទួលបាន គឺការថយចុះការឈឺចាប់លើអ្នកជំងឺវះកាត់គ្រប់កម្រិត និងករណីធំៗ និងអាចគ្រប់គ្រងបានស្ទើរទាំងស្រុង លើអ្នកវះកាត់មធ្យម និងវះកាត់តូចដែលជាហេតុជួយកាត់បន្ថយផលវិបាកធ្ងន់ធ្ងរដល់អ្នកជំងឺមួយចំនួន និងធ្វើឲ្យអ្នកជំងឺមានអារម្មណ៍ធូរស្រាល ហើយពួកគាត់អាចឆាប់បានចេញពីមន្ទីរពេទ្យ៕
អត្ថបទ៖ រស្មី
សូមចុចអាន៖ ហេតុអ្វីត្រូវប្រុងប្រយ័ត្នចំពោះ ទារកអាយុក្រោម២៨ថ្ងៃ?
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២៤ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង