Connect with us

ព័ត៌មានជាតិ

អង្គការស្នាមញញឹមកម្ពុជា នឹងរៀបចំការវះកាត់មាត់ឆែបដល់កុមារនៅមន្ទីរពេទ្យបង្អែក​ខេត្តកំពត ដើមខែធ្នូ ខាងមុខ

បានផុស

នៅ

អង្គការ​ស្នាម​ញញឹម​កម្ពុជា សហការ​ជាមួយ​អង្គការ​ស្នាមញញឹម នៃ​ប្រទេស​ជប៉ុន គ្រោង​នឹង​រៀបចំ​ការ​វះកាត់​មាត់​ឆែប​ដល់​កុមារ​នៅ​មន្ទីរពេទ្យ​បង្អែក​ខេត្ត​កំពត ចាប់ពី​ថ្ងៃ​ទី ០៣ ដល់​ថ្ងៃ​ទី ០៦ ខែ​ធ្នូ ឆ្នាំ ២០២៣ ខាងមុខ​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក​សាស្ត្រាចារ្យ ម៉ុក ធាវី អនុរដ្ឋលេខាធិការ​ក្រសួងសុខាភិបាល និង​ជា​នាយក​គ្រប់គ្រង​វេជ្ជសាស្ត្រ​អង្គការ​ស្នាមញញឹម​កម្ពុជា បាន​ឲ្យ​ដឹង​ថា ក្រោម​ការ​ដឹកនាំ​ប្រកប​ដោយ​គតិបណ្ឌិត​របស់ លោកជំទាវ​បណ្ឌិត ពេជ្រ ចន្ទមុន្នី ប្រធាន​ក្រុម​ប្រឹក្សា​ភិបាល អង្គការ​ស្នាមញញឹម​កម្ពុជា បាន​ចុះ​កិច្ច​ព្រមព្រៀង​ជាមួយ​ក្រសួងសុខាភិបាល ដើម្បី​ជួយ​វះកាត់​មាត់​ឆែប​ជូន​ដល់​ប្រជាពលរដ្ឋ​ដោយ​ឥត​គិតថ្លៃ ក្នុង​នោះ​មាន​កុមារ​ចំនួន ៥,៣១៨ ករណី បាន​ទទួល​ការ​វះកាត់​មាត់​ឆែប ចាប់​តាំងពី​ឆ្នាំ ២០០២ រហូត​មក​ដល់​បច្ចុប្បន្ន នេះ​ជា​តួលេខ​មួយ​ក្នុងចំណោម​តួលេខ​សរុប​ជាង ៨០,០០០ ករណី ដែល​អង្គការ​ស្នាមញញឹម​តំបន់​អាស៊ី បាន​រួម​គ្នា​ជួយ​វះកាត់។

កាលពី​ថ្ងៃ​ទី ០៩ ដល់​ថ្ងៃ​ទី ១១ ខែ​វិច្ឆិកា ឆ្នាំ ២០២៣ លោក​សាស្ត្រាចារ្យ ម៉ុក ធាវី បាន​ចូលរួម​កិច្ច​ប្រជុំ​លើក​ទី ១៦ នៃ​អង្គការ​ស្នាមញញឹម​តំបន់​អាស៊ី នៅ​ទីក្រុង​ហុងកុង នៃ​សាធារណរដ្ឋ​ប្រជាមានិត​ចិន។ កិច្ចប្រជុំ​នេះ បាន​ពិភាក្សា​អំពី​យុទ្ធសាស្ត្រ​រួមគ្នា​ពី​វិធី​បង្ការ ព្យាបាល​យកចិត្តទុកដាក់ ព្រមទាំង​អប់រំ​សុខភាព​ដល់​ម្ដាយ និង​កុមារ​ឆែបមាត់​សម្រាប់​ទូទាំង​តំបន់​អាស៊ី ដើម្បី​កាត់​បន្ថយ​នូវ​អត្រា​កំណើន នៃ​កុមារ​ឆែបមាត់។

បើ​តាម អ្នកស្រី ហូ ថាវ​រី អ្នក​សម្របសម្រួល​បច្ចេកទេស​អង្គការ​ស្នាមញញឹម​កម្ពុជា បាន​ឲ្យ​ដឹង​ថា ការ​វះកាត់​កុមារ​មាត់​ឆែប និង​ក្រអូមមាត់​ឆែប​នេះ​មិន​ត្រឹមតែ​វះកាត់​ដោយ​ឥតគិតថ្លៃ​ប៉ុណ្ណោះ​ទេ ថែមទាំង​មាន​ផ្តល់​កន្លែង​ស្នាក់នៅ និង​អាហារ​ចំនួន​ពីរ​ពេល​ដល់​គ្រួសារ​អ្នកជំងឺ​ទៀត​ផង។

អ្នកស្រី ហូ ថាវ​រី បាន​បន្ថែម​ទៀត​ថា ការ​វះកាត់​កុមារ​មាត់​ឆែប ធ្វើ​ឡើង​ចំពោះ​កុមារ​ចាប់ពី​អាយុ ៦ ខែ និង​មាន​ទម្ងន់ ៦ គីឡូក្រាម​ឡើង​ទៅ និង​កុមារ​មាន​ក្រអូម​មាត់​ឆែប​អាយុ​ចាប់ពី ១ ឆ្នាំ ដល់ ១៣ ឆ្នាំ។ ចំណែក​មនុស្ស​ចាស់​វិញ ការ​វះកាត់​មាត់​ឆែប​បាន​ដូច​កុមារ​ដែរ តែ​និយាយ​មិន​ច្បាស់​បាន​ល្អ​ទេ ដោយសារ​កោសិកា​លែង​លូតលាស់​ដូច​នៅ​កុមារ។

អ្នកស្រី ហូ ថាវ​រី បាន​ពន្យល់​ថា មូលហេតុ​បណ្ដាល​ឲ្យ​កុមារ​មាន​មាត់​ឆែប ក្រអូម​មាត់​ឆែប និង​ពិការ​ផ្សេងៗ បណ្ដាល​មកពី​កង្វះ​ជាតិ​អាស៊ីត​ហ្វូលីក​ដែល​មាន​នៅ​ចំណីអាហារ បន្លែ​ពណ៌​បៃតង ជា​ពិសេស​មាន​ច្រើន​ក្នុង​សណ្ដែក​បារាំង តំណពូជ ផឹក​ស្រា ជក់បារី ជាតិ​ពុល​ផ្សេងៗ និង​ការ​ប្រើប្រាស់​ឧបករណ៍​អេឡិចត្រូនិក​មាន​ហ្វ្រេ​កង់​ខ្ពស់​ដូចជា អង់តែន​ទូរទស្សន៍ ទូរស័ព្ទ កុំព្យូទ័រ នៅ​ពេល​ស្ត្រី​ចាប់ផ្ដើម​មាន​ផ្ទៃពោះ។ អ្នកស្រី បាន​ណែនាំ​ដល់​ស្ត្រី​នៅ​ពេល​មាន​ផ្ទៃពោះ ត្រូវ​ទៅ​ពិនិត្យ​ផ្ទៃពោះ​ឲ្យ​បាន​ទៀងទាត់ ដើម្បី​ទទួល​បាន​ការ​ពិគ្រោះ​យោបល់​ពី​គ្រូពេទ្យ​សម្រាប់​ថែរក្សា​គភ៌​ឲ្យ​បាន​ល្អ និង​ផ្តល់​ថ្នាំពេទ្យ ព្រមទាំង​អាហារូបត្ថម្ភ​កុំ​ឲ្យ​ទារក​កើតមក​មាន​មាត់​ឆែប ឬ ក្រអូម​មាត់​ឆែប ព្រោះថា​នៅ​ប្រទេស​កម្ពុជា​ក្នុង​ចំណោម​អ្នក​កើត​រស់ ៥០០ នាក់ មាន​ម្នាក់​មាន​មាត់​ឆែប៕

អត្ថបទ ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ២៦ វិនាទី មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះនៅសហភាពអ៊ឺរ៉ុប?

ព័ត៌មានជាតិ២ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍២ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ៤ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ៥ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម