សុខភាព

សម្ភារផ្ទាល់ខ្លួនទាំងនេះ កុំឲ្យអ្នកផ្សេងខ្ចីប្រើឱ្យសោះ អាចឆ្លងមេរោគ

បានផុស

៣ years មុន

នៅ

ថ្ងៃសុក្រ ២៥ មិថុនា ២០២១

ដោយ

មានការសិក្សា រកឃើញថា ការប្រើកាសទូរស័ព្ទរួមគ្នា អាចឆ្លងបាក់តេរី ហើយបើបាក់តេរីអាក្រក់ អាចបង្កទៅជាមេរោគ។ ប៉ុន្ដែនៅមានសម្ភារៈជាច្រើនទៀត ដែលយើងគួរចៀសវាងប្រើរួមគ្នា ដើម្បីការពារការឆ្លងបាក់តេរី ឬមេរោគ។

១. កន្ត្រៃកាត់ក្រចក

Close up shot of dirty nail cutter image. — Clippers, human - Stock Photo | #53567493

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យើងមិនអាចមើលឃើញដោយភ្នែកទទេបានឡើយ តែនៅលើក្រចកដៃ និងក្រចកជើង មានបាក់តេរី វីរុស និងផ្សិតយ៉ាងច្រើន។ ដូច្នេះ កន្ត្រៃកាត់ក្រចក អាចជាជាសម្ភារៈបង្កការឆ្លងមេរោគផ្សិត និង HPV ប្រសិនបើយើងប្រើរួមគ្នា។

២. ក្រវិល

S925 Needle Ins Girl Butterfly Earrings Exquisite Zircon Crystal Earings New | Shopee Philippines

ត្រចៀករបស់យើង មានសរសៃឈាមជាច្រើន ហើយនេះជាមូលហេតុ ដែលអាចងាយឆ្លងជំងឺមានក្នុងឈាម ដោយគ្រាន់តែពាក់ក្រវិលរបស់ពួកម៉ាក ឬបងប្អូន។ ប្រសិនបើយើងចាំបាច់ត្រូវពាក់ក្រវិលរបស់អ្នកដទៃ យើងត្រូវលាងវាជាមួយអាល់កុលជាមុនសិន។

៣. ក្រេមលាបបបូរមាត់

5 different ways to use your lipstick | The Times of India

ក្នុងបបូរមាត់របស់យើង មានសរសៃឈាមជាច្រើន ហើយវីរុសជំងឺរើម អាចចម្លងពីមនុស្សម្នាក់ ទៅម្នាក់ទៀត តាមរយៈការប្រើក្រេមលាបបបូរមាត់រួមគ្នា បើទោះបីអ្នកផ្ទុកវីរុស ពុំមានលេចចេញរោគសញ្ញាក៏ដោយ។

៤. ប្រដាប់លុញក្លៀក (Ball deodorants)

Is Crystal Deodorant Safer Than Antiperspirant, and How Does It Work?

ប្រដាប់លុញក្លៀក អាចបណ្ដាលឲ្យឆ្លងមេរោគជាច្រើន ជាពិសេសមេរោគ អាចឆ្លងចូលទៅក្នុងរបួសតូចៗ ក្រោយការកោររោមក្លៀក។ ប្រដាប់លុញក្លៀក គ្រាន់តែជួយបំបាត់ក្លិនប៉ុណ្ណោះ មិនបានជួយការពារការឆ្លងមេរោគនោះទេ។ ដូច្នេះ ជម្រើសល្អ គឺប្រើប្រាស់ប្រដាប់លុញក្លៀក ដែលមានសារធាតុប្រឆាំងបាក់តេរី និងកុំប្រើរួមគ្នាជាមួយអ្នកដទៃ។

៥. សាប៊ូដុំ

Mater Soap Multipurpose Kitchen Block Review 2021 | The Strategist | New York Magazine

ក្រោយការប្រើសាប៊ូដុំ លាងដៃ ឬដុសខ្លួន មានមីក្រូសរីរាង្គជាច្រើន ជាប់នៅលើសាប៊ូនោះ ដោយមានទាំងពពួក Microbes និងវីរុសបង្កគ្រោះថ្នាក់។ កាន់តែសម្បូរវីរុសគ្រោះថ្នាក់ នោះគឺ ដុំសាប៊ូ ដែលត្រាំក្នុងប្រអប់ដែលមានទឹក ឬសំណើម ព្រោះវាបង្កើតបរិស្ថានអំណោយផលដល់បាក់តេរី ផ្សិត និងវីរុស។ ដើម្បីកាត់បន្ថយការឆ្លងមេរោគ យើងគួរប្រើសាប៊ូរាវជំនួសវិញ។

៦. ក្រាស់សិតសក់

Charming Young Red-haired Woman Combing Stock Footage Video (100% Royalty-free) 9929600 | Shutterstock

ក្រាស់សិតសក់ បង្កើនការប្រឈមឆ្លងប៉ារ៉ាស៊ីតជាច្រើន ដូចជា ចៃ កមរមាស់ និងមេរោគ Staph។ ក្នុងករណីបើប្រើរួមគ្នា យើងគួរសម្អាតដោយប្រើទឹកអនាម័យ។

៧. កន្សែង

កន្សែង ជាទីតាំងដែលពពួកបាក់តេរីរស់នៅ ជាពិសេសបើព្យួរវានៅក្នុងបន្ទប់ទឹក ដែលមានសំណើមខ្ពស់។ បើកន្សែងធំក្លិនផ្អូមទៀត មានន័យថា មានបាក់តេរីជាច្រើននៅជាប់កន្សែងរបស់យើង ហើយវាអាចបណ្ដាលឲ្យឆ្លងមេរោគផ្សិតដល់អ្នកប្រើប្រាស់ ជាពិសេសបណ្ដាលឲ្យរមាស់ និងកើតមុន។ វិធីល្អ គឺបោកគក់កន្សែងឲ្យបានញឹកញាប់ និងហាលវាឲ្យស្ងួត។

៨. ប្រដាប់ដុសខ្លួន

ប្រើប្រាស់ស្បៃដុសខ្លួនរាល់ថ្ងៃមែនទេ? តើអ្នកដឹងថាវាប៉ះពាល់អ្វីខ្លះទេ? វាអាចធ្វើឲ្យអ្នកឈឺបាន! - Khmerload

ប្រដាប់ដុសខ្លួន ជារោងចក្រនៃបាក់តេរីតែម្តង ដោយសារវាតែងតែមានសភាពសើម។ ដូច្នេះ យើងគួរហាលវាឲ្យស្ងួត និងកុំប្រើប្រាស់រួមគ្នាជាមួយអ្នកដទៃ។

៩. គ្រឿង Makeup

A Guide To Makeup Brushes - Tips For Makeup - Beauty & Fashion Zone

យើងគួរចៀសវាងការប្រើគ្រឿង Makeup ដែលប៉ះផ្ទាល់ជាមួយសារធាតុរាវលើរាងកាយ ដូចជា ទឹកភ្នែក ទឹកមាត់ សំបោរ ឈាម ឬខ្ទុះមុន ជាមួយអ្នកដទៃ ព្រោះវាងាយបង្កការឆ្លងបាក់តេរី និងមេរោគ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ ប្រយ័ត្នមេរោគឆ្លង! កន្សែងជូតខ្លួនមិនគួរប្រើឱ្យលើសពី៣ដងទេ

ចុចអាន៖ ឪពុកម្ដាយកុំថើបមាត់កូនឲ្យសោះ មានមេរោគជាច្រើនឆ្លងតាមផ្លូវដង្ហើម