ព័ត៌មានអន្ដរជាតិ
ទារកសម្រាលនៅក្នុងសហគមន៍ដែលមានការរីករាលដាលខ្ពស់ ប្រឈមការឆ្លងកូវីដរហូតដល់ ១០ ដង
លទ្ធភាពនៃការឆ្លងវីរុសកូវីដ-១៩ចំពោះទារកពេលសម្រាលអាចខ្ពស់ឬទាបគឺអាស្រ័យលើចំនួននៃការរាលដាលនៅក្នុងសហគមន៍ដែលឪពុកម្ដាយរបស់ពួកគេរស់នៅ។ នេះបើតាមការសិក្សាថ្មីមួយបានបង្ហាញ។
អ្នកស្រាវជ្រាវបានរកឃើញថា ទារកដែលមកពីតំបន់ដែលមានអត្រាឆ្លងខ្ពស់ងាយនឹងធ្វើតេស្តវិជ្ជមានវីរុសកូវីដ-១៩ ប្រមាណ ១០ ដងច្រើនជាងទារកនៅតំបន់ផ្សេង។
ទោះជាយ៉ាងណាក៏ដោយ មានទារកតិចតួចប៉ុណ្ណោះដែលត្រូវចូលសម្រាកនៅមន្ទីរពេទ្យព្រមទាំងត្រូវការការមើលថែខ្លាំង។ នេះជាអ្វីដែលក្រុមស្រាវជ្រាវមកពីសាកលវិទ្យាល័យ New York University Langone Health បានថ្លែង។
ថ្វីត្បិតកុមារអាចប្រឈមនឹងការឆ្លងវីរុសកូវីដ-១៩ពិតមែន ប៉ុន្តែពួកគេមិនងាយនឹងធ្លាក់ខ្លួនឈឺធ្ងន់ធ្ងរឡើយ បើប្រៀបធៀបនឹងមនុស្សពេញវ័យ។ លើសពីនេះទៀតមានកុមារក្រោម ១៧ ឆ្នាំមិនដល់ ០,១ ភាគរយទេដែលអាចស្លាប់ដោយសារជំងឺកូវីដ-១៩ ។
ការសិក្សាដែលចេញផ្សាយនៅក្នុងកាសែត Pediatrics ក្រុមអ្នកស្រាវជ្រាវបានតាមដានលើទារកដែលមានអាយុតិចជាង ៩០ ថ្ងៃ នៅឯមន្ទីរពេទ្យ NYU Langone Health សហរដ្ឋអាមេរិក។
ក្នុងចំណោមទារក ១៤៨ នាក់ មានតែ ២២ នាក់ឬ ១៥ ភាគរយប៉ុណ្ណោះដែលធ្វើតេស្តវិជ្ជមានកូវីដ-១៩។ ក្នុងនោះដែរ មានតែទារកពីរនាក់ប៉ុណ្ណោះដែលចាំបាច់ត្រូវបញ្ជូនទៅបន្ទប់ ICU ហើយក៏គ្មានករណីស្លាប់នោះទេ ពោលគឺពួកគេត្រូវបានអនុញ្ញាត្តឱ្យត្រឡប់ទៅផ្ទះវិញ។
ទិន្នន័យស្រាវជ្រាវក៏បានបង្ហាញដែរថា ទារកជិតមួយភាគបី ឬប្រមាណ ៣១ ភាគរយដែលផ្ទុកវីរុសកូវីដ-១៩ ជាទារកដែលមកពីសហគមន៍មានអត្រាឆ្លងខ្ពស់។ យោងតាមលទ្ធផលនេះ អ្នកជំនាញបានធ្វើការប្រៀបធៀបគ្នា រួចថ្លែងថា មានទារកតែ ៣ ភាគរយប៉ុណ្ណោះដែលរស់នៅក្នុងតំបន់ដែលមានការរីករាលដាលសហគមន៍ទាបបានឆ្លងវីរុសកូវីដ-១៩។ នេះមានន័យថា តំបន់ណាផ្ទុះការរាតត្បាតខ្លាំង តំបន់នោះអាចបង្កហានិភ័យចម្លងខ្ពស់ចំពោះទារក៕
ប្រែសម្រួល៖ សន្យា
ប្រភព៖ Daily Mail
ចុចអាន៖ ការសិក្សា៖ កូវីដ-១៩ មានវិធីថ្មីមួយទៀតឆ្លងចូលកោសិកាមនុស្ស
ចុចអាន៖ ពិភពលោកកំពុងភ័យខ្លាច វីរុសបំប្លែងខ្លួនឥណ្ឌា ក្រោយមិនអាចកំណត់ច្បាស់ចំនួនករណីឆ្លង ហើយធន់នឹងវ៉ាក់សាំង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ