សុខភាព
រត់ហាត់ប្រាណ ពេលព្រឹក ថ្ងៃត្រង់ និងល្ងាច ពេលមួយណាល្អជាង?
រត់ហាត់ប្រាណ ត្រូវចាត់ទុកជាសកម្មភាពល្អបំផុតមួយក្នុងចំណោមវិធីហាត់ប្រាណដើម្បីសុខភាពជាច្រើនទៀត ប៉ុន្តែគ្រាន់តែថា គ្នាយើងមានពេលវេលារៀងៗខ្លួន ខ្លះហាត់ព្រឹក ខ្លះហាត់ថ្ងៃត្រង់ ខ្លះទៀតហាត់ល្ងាច។ ដូច្នេះ អត្ថបទនេះនឹងលើកពីគុណសម្បត្តិ ក៏ដូចជាគុណវិបត្តិខ្លះៗ ពាក់ព័ន្ធពេលវេលាឲ្យគ្នាយើងបានដឹង។
១. រត់ហាត់ប្រាណពេលព្រឹក
– គុណសម្បត្តិ៖ ការរត់ហាត់ប្រាណពេលព្រឹក គឺជាវិធីសាស្ត្រល្អបំផុតក្នុងចំណោមពេលវេលារត់ហាត់ប្រាណទាំងអស់ បើយើងចង់ចាប់ផ្តើមថ្ងៃថ្មីប្រកបដោយភាពស្រស់ថ្លា និងស្វាហាប់។
បើគ្នាយើងរត់នៅពេលព្រឹក គឺអាចជួយឲ្យរាងកាយទទួលអុកស៊ីហ្សែនបានល្អ ជួយការធ្វើមេតាបូលីសដុតកាឡូរីរបស់រាងកាយកាន់តែខ្លាំងឡើង។
– គុណវិបត្តិ៖ រត់ហាត់ប្រាណនៅពេលព្រឹក អាចជារឿងពិបាកមួយ បើធៀបនឹងការរត់ហាត់ប្រាណនៅពេលវេលាផ្សេងទៀត។
ពិតណាស់ ពេលយើងក្រោកឡើង សន្លាក់ឆ្អឹងយើងអាចនឹងរឹងបន្តិច សាច់ដុំតឹងណែន មិនសូវមានភាពបត់បែនទេ។ មានន័យថា យើងនឹងមិនអាចទទួលបានការគាំទ្រពេញទំហឹងពីសាច់ដុំនៅពេលយើងរត់នោះឡើយ ហេតុនេះ ជម្រើសល្អ គឺត្រូវកម្តៅសាច់ដុំជាមុន មុនចាប់ផ្តើមរត់ ព្រោះធ្វើបែបនេះ នឹងមិនប៉ះពាល់ដល់សាច់ដុំរបស់យើង។
បន្ថែមពីនេះ រត់ហាត់ប្រាណពេលព្រឹកមានចំណុចអវិជ្ជមានមួយទៀត គឺក្រោយគេងពេញមួយយប់ រាងកាយរបស់យើងនឹងសោះជាតិទឹក ហេតុនេះសំខាន់បំផុត អំឡុងពេលរត់មិនត្រូវឲ្យខ្វះជាតិទឹកជាដាច់ខាត។
២- រត់ហាត់ប្រាណពេលថ្ងៃត្រង់
– គុណសម្បត្តិ៖ កណ្តាលថ្ងៃត្រង់ (ក្រោយម៉ោងបាយ) អាចជាពេលវេលាល្អបំផុតមួយសម្រាប់លក្ខខណ្ឌរត់កម្រិតខ្លាំង។
អំឡុងពេលម៉ោងបាយថ្ងៃត្រង់ យើងអាចបញ្ចេញសកម្មភាពរាងកាយបានដល់ទៅ ១០០% តែម្តង ហើយក៏មិនធ្វើឲ្យយើងអស់កម្លាំងដោយសារការងារប្រចាំថ្ងៃផ្សេងៗនោះដែរ។ អំឡុងពេលនេះ ថាមពលក្នុងរាងកាយ គឺពេញលេញ បើធៀបជាមួយពេលព្រឹក ក៏មិនធ្វើឲ្យការហាត់ប្រាណមានអារម្មណ៍មិនសូវល្អនោះដែរ។ ពេលវេលានេះ ជាលក្ខខណ្ឌល្អបំផុតសម្រាប់បង្វឹកខ្លួនយើងឲ្យក្លាយជាអ្នករត់ប្រណាំងអាជីព ព្រោះថាមពលរាងកាយកាន់តែខ្លាំង ការបង្កើនល្បឿនរត់ក៏កាន់តែខ្ពស់។
– គុណវិបត្តិ៖ រត់ហាត់ប្រាណក្រោយម៉ោងបាយថ្ងៃត្រង់ អាចនឹងធ្វើឲ្យរាងកាយអស់កម្លាំងខ្លាំង។ ព្រោះរាងកាយត្រូវការពេលវេលាច្រើន ដើម្បីគ្រប់គ្រង និងរំលាយអាហារថ្ងៃត្រង់យើងទើបនឹងញ៉ាំរួច។ ក្នុងន័យនេះ ដើម្បីកុំឲ្យក្រពះពោះវៀនមានបញ្ហា គ្នាយើងអាចរត់ហាត់ប្រាណតាមការណែនាំដូចខាងក្រោម។
- ក្រោយញ៉ាំអាហាររួច រង់ចាំរហូតដល់ ៣០នាទីយ៉ាងតិច សឹមចាប់ផ្តើមរត់។
- បើយើងញ៉ាំអាហារថ្ងៃត្រង់ច្រើន ត្រូវរង់ចាំពី ៩០-១២០ នាទី ចាំចាប់ផ្តើមរត់។
- បើក្រោយញ៉ាំអាហារហើយរត់ធ្វើឲ្យយើងមានអារម្មណ៍មិនស្រួល អាចរត់មុនញ៉ាំអាហារថ្ងៃត្រង់ក៏បាន។ ទោះជាយ៉ាងណា ការធ្វើបែបនេះអាចនឹងពិបាកបន្តិច ព្រោះថាមពលក្នុងរាងកាយយើងប្រហែលជាមិនពេញលេញនោះទេ។
៣- រត់ពេលល្ងាច
– គុណសម្បត្តិ៖ រត់ហាត់ប្រាណពេលល្ងាច គឺល្អបំផុតសម្រាប់ជួយឲ្យអារម្មណ៍ធូរស្រាល។ បើគ្នាយើងស្ត្រេសក្រោយបំពេញការងារប្រចាំថ្ងៃ អារម្មណ៍ច្របូកច្របល់ ការរត់ហាត់ប្រាណនៅម៉ោងនេះ គឺស័ក្ដិសមបំផុត ដោយសារអំឡុងពេលនេះ រាងកាយរបស់យើងក៏សកម្មភាពស្រាប់ដែរនោះ គ្នាយើងមិនចាំបាច់កម្តៅសាច់ដុំដូចពេលព្រឹកក៏បាន។ លើសពីការរំសាយអារម្មណ៍ រត់ហាត់ប្រាណពេលល្ងាច អាចថែមទាំងជួយជំរុញការដុតកាឡូរីនៅពេលយប់បានល្អថែមទៀត។
– គុណវិបត្តិ៖ រត់ហាត់ប្រាណពេលល្ងាច អាចមានគុណវិបត្តិតិចតួចប៉ុណ្ណោះ ដូចជារឿងងងុយគេងជាដើម។ ប៉ុន្តែយ៉ាងណា គ្នាយើងក៏ត្រូវតែប្រយ័ត្នប្រយ៉ែងបន្តិច ព្រោះពេលល្ងាចរាងកាយយើងអាចនឹងត្រូវការប្រមូលថាមពលដើម្បីដំណើរការហាត់ប្រាណ ហេតុនេះបើអស់កម្លាំងខ្លាំង ត្រូវតែសម្រាកដែរ៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ធ្វើម៉េច បើចង់ស្រកគីឡូលឿន ហើយសុខភាពល្អ?
ចុចអាន៖ លើសឈាមអ៊ីចឹង គួរហាត់ប្រាណបែបណាទើបមានសុវត្ថិភាព?
រថយន្តម៊ែកស៊ឺដេសមួយគ្រឿង បើកសុខៗឆ្លងចរន្តឆេះខូចខាតទាំងស្រុង
លោកជំទាវ ទុយ សិរីរតនៈ នេត្រ ភក្ត្រា នាំយកថវិកា និងអង្ករវីតាមីន ជូនកាកបាទក្រហម ក្នុងឱកាសអបអរសាទរទិវា ៨ឧសភា ២០២៥
អាជ្ញាធរស្រុកកោះសូទិនចុះទប់ស្កាត់សកម្មភាពទន្ទ្រានដីរដ្ឋនៅចំណុចឡូត៍លេខ៨
សម្ដេចធិបតី កោតសរសើរក្រសួងការងារដែលសម្រេចលទ្ធផលការងារជាច្រើនគួរជាទីមោទនៈ
ពលរដ្ឋមួយគ្រួសារនៅស្រុកស្រែអំបិល ពុលផ្សិតអំឡុងបះមកចម្អិនធ្វើម្ហូប
មិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
ហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
ក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ
ម្ចាស់គណនីហ្វេសប៊ុក “You Ri” ដែលធ្វើទង្វើអសីលធម៌បង្ហាញលើបណ្តាញសង្គម ត្រូវហៅមកណែនាំ និងធ្វើកិច្ចសន្យា
រុស្ស៊ីគំរាមម្តងទៀត! សង្គ្រាមលោកលើកទី៣ អាចផ្ទុះ បើណាតូ ហ៊ានបញ្ជូនទ័ពទៅ អ៊ុយក្រែន
-
ចរាចរណ៍៤ ថ្ងៃ agoស្នងការរងខេត្តឧត្ដរមានជ័យម្នាក់ គាំងបេះដូងស្លាប់ពេលបើកបររថយន្ដ រួចជ្រុលបុករថយន្តមួយគ្រឿងទៀត
-
ព័ត៌មានជាតិ២ ថ្ងៃ agoសមត្ថកិច្ចឱ្យបុរសម្នាក់ដែលផ្សាយព័ត៌មានមិនពិតថា ខេត្តតាកែវមានករណីវះក្រលៀន ធ្វើកិច្ចសន្យាឈប់បំពុលសង្គម
-
ព័ត៌មានជាតិ២ ថ្ងៃ agoសម្តេចធិបតី៖ ការប្រគល់វត្ថុបុរាណពីថៃជូនកម្ពុជាវិញ ជាការវិលត្រឡប់ដួងព្រលឹងបុព្វបុរសខ្មែរ
-
ព័ត៌មានអន្ដរជាតិ១០ ម៉ោង agoមិនដល់២៤ម៉ោងផង រន្ទះបាញ់ជាង ២៣ ០០០លើក វាយប្រហារភាគខាងជើងប្រទេស វៀតណាម
-
សុខភាព៤ ថ្ងៃ agoដំណឹងល្អ! កម្ពុជានឹងដាក់ឱ្យប្រើប្រាស់ថ្នាំព្រឹបប្រភេទចាក់បង្ការ មុនពេលប្រឈមនឹងការឆ្លងមេរោគអេដស៍ នៅខែឧសភា ខាងមុខ
-
ព័ត៌មានអន្ដរជាតិ១០ ម៉ោង agoហ្សេលេនស្គី៖ មីស៊ីលដែលរុស្ស៊ីប្រើបាញ់ស្រោចលើក្រុងកៀវ គឺជារបស់កូរ៉េខាងជើង
-
ព័ត៌មានអន្ដរជាតិ៣ ថ្ងៃ agoលើកនេះ រុស្ស៊ី ដាក់លក្ខខណ្ឌស្រួលមួយទៅអ៊ុយក្រែន បើចង់ចរចា ឈានទៅការបញ្ចប់សង្គ្រាមមែន
-
ព័ត៌មានអន្ដរជាតិ១៦ ម៉ោង agoក្រោយបញ្ចប់ទស្សនកិច្ចនៅកម្ពុជា២ថ្ងៃ នាយករដ្ឋមន្ត្រីថៃ ផែថងថាន ចូលសម្រាកពេទ្យ