សុខភាព
លើសឈាមអ៊ីចឹង គួរហាត់ប្រាណបែបណាទើបមានសុវត្ថិភាព?
អ្នកលើសឈាម អ្វីដែលត្រូវការពារបំផុតគឺ ការពារកុំឲ្យដួល។ ហាត់ប្រាណទៀងទាត់ ជាវិធីសាមញ្ញមានប្រសិទ្ធភាពការពារមិនឲ្យលើសឈាម (សម្ពាធឈាមខ្ពស់)។ បើមិនបានទៅហាត់នៅ Gym ក៏មិនអីបានដែរ។ សំខាន់ គឺឲ្យខ្លួនយើងមានចលនា ជាការស្រេច។ គ្នាយើងប៉ឹមៗជិតនឹងលើសឈាម ឬអ្នកផ្ទះយើងលើសឈាមហើយនោះ មានវិធីហាត់ប្រាណមួយចំនួនដើម្បីការពារ ឬបន្ថយការឡើងសម្ពាធឈាម។
១- ដើម្បីបេះដូងនិងសរសៃឈាមដំណើរការល្អ
ការដើរ រត់ លោតអន្ទាក់ ជិះកង់ ឬហែលទឹក សុទ្ធតែជួយឲ្យបេះដូងកាន់តែរឹងមាំល្អឡើងៗ។ បេះដូងកាន់តែល្អរឹងមាំ សម្ពាធឈាមថយចុះដោយស្វ័យប្រវត្តិ។
២- ដើម្បីឲ្យសាច់ដុំរឹងមាំ
ការហាត់ឲ្យសាច់ដុំរឹងមាំ ជួយបង្កើនម៉ាស់សាច់ដុំ និងធ្វើឲ្យឆ្អឹងរឹងមាំ ហើយក៏ជួយច្រើនដល់សន្លាក់ដៃសន្លាក់ជើងផងដែរ។ ម៉ាស់សាច់ដុំកាន់តែច្រើន ការដុតបំផ្លាញកាឡូរីបានកាន់តែច្រើន (មានន័យថា មិនសូវមានខ្លាញ់ក្នុងខ្លួន)។
យ៉ាងណាក៏ដោយ ការហាត់ប្រាណ គួរធ្វើសន្សឹមៗ ដោយអាចចាប់ផ្ដើមហាត់ពីស្រាលទៅ ដូចជា ការហាត់ពត់ដងខ្លួន ពត់ដៃពត់ជើង ការដើរ ជាដើម។ យើងមិនបាច់ហាត់ច្រើន ឬយូរពេកនោះទេ មួយថ្ងៃត្រឹម ៣០ នាទី ហើយហាត់ ៥ ថ្ងៃមួយសប្ដាហ៍ ជាការល្អ។ ដំណាក់កាលបន្ទាប់ យើងអាចចាប់ផ្ដើមហាត់ធ្ងន់ៗបន្តិចម្ដងៗ ដើម្បីកាត់បន្ថយពេល។
ចៀសវាងប្រើកម្លាំងខ្លាំងហួសកម្រិតពេក ព្រោះអ្នកមានសម្ពាធខ្ពស់ មិនអាចធ្វើចលនាដូចគេធម្មតាបានឡើយ។ អ៊ីចឹង មុនសាកល្បងចង់ហាត់ធ្ងន់បែបណា គួរសួរពេទ្យសិន ថាតើធ្វើបាន ឬយ៉ាងណា។ បើកំពុងតែហាត់ៗ ស្រាប់តែមានអាការៈឈឺទ្រូង ពិបាកដកដង្ហើម ឬវិលមុខ គួរសម្រាកមួយភ្លែត ហើយសង្កេតថាតើអាការៈហ្នឹងបាត់វិញដែរអត់។ បើអត់បាត់ទេ ត្រូវប្រញាប់ទៅពេទ្យជាបន្ទាន់៕
អត្ថបទផ្ដល់សិទ្ធិ៖ Hello គ្រូពេទ្យ
ចុចអាន៖ ប្រយ័ត្ន! បើមានជំងឺលើសឈាម គួរកុំឲ្យប្រើថ្នាំប៉ុន្មានមុខនេះ
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច២៤ ម៉ោង agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៥ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានអន្ដរជាតិ១ សប្តាហ៍ agoសារព័ត៌មានអាមេរិក CBS ចុះផ្សាយពីរបៀបដែល បណ្តាញចោរមានមូលដ្ឋាននៅថៃ Latchford លួចវត្ថុបុរាណខ្មែរ លក់ទៅឲ្យសារមន្ទីរអន្តរជាតិ និង មហាសេដ្ឋី