ចង់បានសុខភាពតម្រងនោមល្អ សូមអនុវត្តវិធីទាំងអស់នេះ
Connect with us
Helistar Cambodia - Helicopter Charter Services

សុខភាព

ចង់បានសុខភាពតម្រងនោមល្អ សូមអនុវត្តវិធីទាំងអស់នេះ

បានផុស

នៅ

តម្រងនោម(Kidneys) ជាសរីរាង្គគូរ(ឆ្វេងនិងស្តាំ) ដែលមានរាងដូចទៅនឹងគ្រាប់សណ្តែក ស្ថិតនៅចន្លោះសងខាងនៃឆ្អឹងកង និងស្ថិតនៅក្រោមឆ្អឹងប្រអប់ទ្រូង។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​ក​) តម្រងនោម​មានមុខ​ងា​រ​សំខាន់ៗ​ដូចជា​៖

– ជា​ទម្រង់​ចម្រោះ​ជាតិពុល និងកាកសំណល់​ពី​ក្នុង​ឈាម​ហើយ​បញ្ចេញ​ចោល​តាម​ទឹកនោម​

– ធានា​លំនឹង​សារជាតិ​ទឹក និង​អេឡិចត្រូលីត​ក្នុង​សារពាង្គកាយ​

– ផលិត អ័រម៉ូន (Rennin, Erythropoietin) អង់ស៊ីម និង​ជាតិ​វីតា​មីន​មួយចំនួន ដែល​ចូលរួម​ដល់​ការគ្រប់គ្រង សម្ពាធ​ឈាម ផលិត​គ្រាប់​ឈាមក្រហម និង​ធានា​ដល់​ការលូតលាស់​និង​ភាពរឹងមាំ​នៃ​ឆ្អឹង​។​

​ខ​) ដោយសារ​តួនាទី​ដ៏​សំខាន់​មិនអាច​ខ្លះ​បាន​បែបនេះហើយ ទើប​យើង​គួរ​យល់ដឹង​ពី វិធី​ថែ​រក្សា​សុខភាព​តម្រង​នោម​របស់​យើង តាមរយៈ​៖

១- ពិសា​ទឹក​ឲ្យ​បាន​គ្រប់គ្រាន់​ពី ២,៥​លីត្រ ទៅ ៣​លីត្រ​ក្នុង​មួយថ្ងៃ ដើម្បី​ទប់ទល់​នឹង​ការបាត់បង់​ជាតិ​ទឹក កាត់បន្ថយ​និង​ការពារ​រលាក​ផ្លូវ​ទឹកនោម និងគ្រួសតម្រងនោម​។​

២- ពិសា​អាហារ​ ដែលមាន​ប្រយោជន៍​ចំពោះ​សុខភាព ដូចជា បន្លែ និង​ផ្លែឈើ​ស្រស់​។ កាត់បន្ថយ​ការបរិភោគ​

​អាហារ​ផ្អែម​ពេក ឬក៏​ប្រៃ ដើម្បី​ការពារ​និង​គ្រប់គ្រង​ការ​លើស​កម្រិត​ជាតិ​ស្ករ​ក្នុង​ឈាម និង​ការឡើង​សម្ពាធ​ឈាម​។​

៣- ធ្វើ​លំ​ហាត់ប្រាណ​ជាប់​ជាប្រចាំ​ ដើម្បី​ធានាបាន​នូវ​ទម្រង់​រាងកាយ​មួយ​សមស្រប​។​

៤- ជៀសវាង​ការ​ពិសា​បារី និង​ស្រា ព្រោះ​អាចធ្វើឲ្យ​ខូចខាត​សរសៃ​ឈាម និង​ប៉ះពាល់​សុខភាព​តម្រងនោម​

៥- ជៀសវាង​ការប្រើប្រាស់​ថ្នាំ ដែល​គ្មាន​ប្រភព​ច្បាស់លាស់ និង​គ្មាន​វេជ្ជបញ្ជា​ត្រឹមត្រូវ​

៦- កាត់បន្ថយ​ការ​ស្ត្រេ​ស និង​សម្រាក​ឲ្យ​បាន​គ្រប់គ្រាន់​

៧- ពិនិត្យ និង​តាមដាន​ឲ្យ​បាន​ទៀងទាត់​នូវ​សុខភាព និង​មុខងារ​តម្រងនោម​ជាមួយ​គ្រូពេទ្យ​ឯកទេស និង​ជាពិសេស​ចំពោះ​លោកអ្នក​ដែល​មាន​ជំងឺលើសឈាម ឬ​ទឹកនោមផ្អែម ព្រោះថា​ជំងឺ​ទាំងនេះ​ជា​មូលហេតុ​ចម្បង​ ដែល​អាច​បណ្តាល​ឲ្យ​ទៅជា​ជំងឺ​ខ្សោយតម្រងនោម​រ៉ាំរ៉ៃ ប្រសិនបើ​មិនមាន​ការព្យាបាល​មួយ​ត្រឹមត្រូវ និង​ជាក់លាក់​។​

​សូម​បងប្អូន ដែលមាន​បញ្ហា​សុខភាព អញ្ជើញ​មក​ពិគ្រោះ​ជាមួយ​ក្រុមគ្រូពេទ្យ​ឯកទេស​តម្រងនោម នៅ​មន្ទីរពេទ្យ​កាល់ម៉ែត ដើម្បី​ស្វែងរក​រោគវិនិច្ឆ័យ និង​ចូលរួម​ពិភាក្សា​អំពី​វិធីសាស្ត្រ​នៃ​ការបង្ការ និង​ការព្យាបាល​ឲ្យ​ទាន់​ពេលវេលា ប្រកបដោយ​ប្រសិទ្ធិភាព ជៀសវាង​បង្ក​ឲ្យ​គ្រោះថ្នាក់​ដល់​អាយុជីវិត​៕

អត្ថបទ៖ ​រស្មី​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

កម្ពុជា​ទទួល​ដែក​រ៉ៃ​ និង កំណល់​បេតុង​ផ្លូវ​រថភ្លើង​ ដែល​ជា​ជំនួយឥតសំណង​របស់​រាជរដ្ឋាភិបាល​ថៃ​ជាង​៤ ម៉ឺន​តោន

ព័ត៌មានជាតិ៥ ម៉ោង មុន

រយៈ​៩​ខែ​ឆ្នាំ​២០២១ មាន​ជនរងគ្រោះ​ដោយសារ​មីន​ស្លាប់ ១០​នាក់​,​របួស​១៨​នាក់​និង​ពិការ​ចំនួន​៦​នាក់

ព័ត៌មានជាតិ៧ ម៉ោង មុន

ប្រគល់​រថយន្ត ២២៩​គ្រឿង ជូន​ម្ចាស់​វិញ​ដោយ​យោង​តាម​អនុសាសន៍​ណែនាំ​ដ៏​ខ្ពង់ខ្ពស់​របស់​សម្តេច​តេ​ជោ ហ៊ុន សែន

ព័ត៌មានជាតិ៧ ម៉ោង មុន

ក្រសួង​សេដ្ឋកិច្ច​បាន​ចុះ​ហត្ថលេខា​ជាមួយ​វិទ្យាស្ថាន​នគរូបនីយកម្ម​និង​ឌី​សាញ​ស៊ិន​ជិន​រៀបចំ​ផែនការមេ​អភិវឌ្ឍន៍​ខេត្ត​ព្រះសីហនុ

ព័ត៌មានជាតិ៩ ម៉ោង មុន

អតីត​យុទ្ធជន​ពិការ​ដោយសារ​សង្គ្រាម​១២​គ្រួសារ ​ទទួល​អំណោយ​ឯកឧត្តម​បណ្ឌិត ហ៊ុន ម៉ា​ណែត និង​លោកជំទាវ ពេ​ជ ចន្ទ​មុន្នី

Sokha Hotels

ព័ត៌មានពេញនិយម

Helistar Cambodia - Helicopter Charter Services