សុខភាព

អាឡ័កស៊ីធ្វើទុក្ខច្រមុះ អាចនាំឲ្យអស់កម្លាំង

បានផុស

២ years មុន

នៅ

ថ្ងៃព្រហស្បតិ៍ ២១ មេសា ២០២២

ដោយ

យើងជួបបញ្ហាអាឡ័កស៊ីច្រមុះ ច្បាស់ជាដឹងថារំខានកម្រិតណា និងអាចធ្វើឲ្យយើងមានអារម្មណ៍ថាអស់កម្លាំងផងដែរ។អាឡ័កស៊ីកើតឡើង ពេលដែលប្រព័ន្ធភាពស៊ាំរបស់យើងយល់ច្រឡំលើសារធាតុខាងក្រៅមួយចំនួនថាជា សារធាតុបង្កគ្រោះថ្នាក់ដល់រាងកាយ។ សារធាតុបង្កឲ្យមានប្រតិកម្មអាលែកហ្ស៊ីនេះហៅថាអាលែកហ្ស៊ែន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

១. រោគសញ្ញាអាឡ័កស៊ី

ក្នុងករណីជាច្រើន អាលែកហ្ស៊ី បានបង្កការរំខានដល់ជីវិតប្រចាំថ្ងៃរបស់យើង និងមានរោគសញ្ញាកម្រិតស្រាលមួយចំនួនដូចជា រមាស់ភ្នែក ក្អក កណ្ដាស់ រមាស់ស្បែក និងហៀរសម្បោរ ជាដើម។ មនុស្សជាច្រើន មានបញ្ហាអាលែកហ្ស៊ីអាចជួបរោគសញ្ញាកម្រិតស្រាលទាំងនេះ។ ម្យ៉ាងទៀត ក៏មានដែរ អ្នកខ្លះអាចមានអារម្មណ៍ថាអស់កម្លាំងដោយសារអាលែកហ្ស៊ី។

២. អាលែកហ្ស៊ីធ្វើឲ្យអស់កម្លាំង?

ការមានចេញរោគសញ្ញាដូចជារមាស់ភ្នែក តឹងច្រមុះ ពិបាកដកដង្ហើម អាចធ្វើឲ្យអ្នកមានញ្ហានេះជួបការលំបាកក្នុងខ្លួន។

ជាទូទៅ អាលែកហ្ស៊ីកើតឡើងពេលរាងកាយមានប្រតិកម្មខ្លាំងជ្រុលលើសារធាតុខាងក្រៅណាមួយ ដូចជាផ្សែង លម្អងផ្កា ឬធូលី ជាដើម ដែលនាំឲ្យមានប្រតិកម្មខ្លាំងពីរាងកាយ ហើយនេះជាអ្វីដែលរាងកាយយើងព្យាយាមឆ្លើយតបទៅនឹងសារធាតុបង្កទាំងនោះ។

ប្រព័ន្ធភាពស៊ាំ ព្យាយាមផ្ដល់ដំណឹងឲ្យច្រមុះរបស់យើងកណ្ដាស់ ដើម្បីកម្ចាត់ធូលី ឬលម្អងផ្កាទាំងនោះចេញមកក្រៅ ហើយការហូរទឹកភ្នែក ក៏ដូចគ្នាដែរដើម្បីកម្ចាត់សារធាតុបង្កទាំងនោះចេញក្រៅដូចគ្នា។

នៅពេលមានប្រតិកម្មអាលែកហ្ស៊ីកើតឡើង រាងកាយយើងក៏អាចបញ្ចេញសារធាតុគីមីផ្សេងៗធ្វើឲ្យយើងអស់កម្លាំងផងដែរ។ សារធាតុគីមីទាំងនោះ ជួយប្រឆាំងនឹងពពួកបង្កអាលែកហ្ស៊ី ប៉ុន្តែអាចធ្វើឲ្យជាលិកាច្រមុះរបស់យើងឡើងហើម និងអាចធ្វើឲ្យរោគសញ្ញាកាន់តែអាក្រក់ដែរ។ បញ្ហានេះអាចរំខានដល់ដំណេករបស់យើង បូករួមនឹងការតឹងច្រមុះពិបាកដកដង្ហើមមកជាមួយទៀត អាចធ្វើឲ្យមនុស្សយើងមានអារម្មណ៍ស្រពេចស្រពិល ពិបាកផ្ចង់អារម្មណ៍ក្នុងការសិក្សា ឬធ្វើការ និងអស់កម្លាំង។

បើសិនជាគ្នាយើងមានបញ្ហាអាលែកហ្ស៊ីបែបនេះ គួរពិភាក្សាជាមួយគ្រូពេទ្យដើម្បីបានទទួលការព្យាបាល និងដឹងពីវិធីការពារត្រឹមត្រូវ ជួយឲ្យជីវិតយើងបានកាន់តែប្រសើរចៀសឆ្ងាយពីបញ្ហាទាំងនេះ៕

អត្ថបទផ្ដល់ដោយ៖ Hello Krupet

ចុចអាន៖អូមីក្រុង គ្រុនផ្ដាសាយ និងអាឡ័កស៊ី មានរោគសញ្ញាខុសគ្នាយ៉ាងម៉េចខ្លះ?