ចាក់វ៉ាក់សាំង Sinovac ដូសជំរុញរួចថ្មីៗ ៤ចំណុចនេះ ត្រូវតែចៀសវាងឱ្យបាន
Connect with us
Helistar Cambodia - Helicopter Charter Services

សុខភាព

ចាក់វ៉ាក់សាំង Sinovac ដូសជំរុញរួចថ្មីៗ ៤ចំណុចនេះ ត្រូវតែចៀសវាងឱ្យបាន

បានផុស

នៅ

តើក្រោយពេលចាក់វ៉ាក់សាំង ស៊ីណូវ៉ាក់ (Sinovac) ដូសទី៣​ ឬដូសជំរុញ គួរតែតមដូចគ្នានឹងការចាក់ពីរដូសលើកដំបូងដែរទេ?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការដកស្រង់សម្ដីពីអ្នកជំនាញសុខាភិបាល បានលើកឡើងថា ដើម្បីជួយឱ្យប្រព័ន្ធភាពស៊ាំនៃរាងកាយមានភាពរឹងមាំ អាចប្រឆាំងនឹងជំងឺបានល្អកាន់តែខ្លាំង មិនថាក្រោយពីចាក់វ៉ាក់សាំងដូសទី១​​​ ទី២ ឬទី៣ នោះទេ  អ្នកត្រូវតមរឿង ៤ យ៉ាងជាចាំបាច់។

១. ស្រា

គ្រូពេទ្យជំនាញអាមេរិកាំងព្រមាន ហាមផឹកស្រាដាច់ខាតមុនឬក្រោយពេលចាក់វ៉ាក់សាំងកូវីដ-១៩ ព្រោះវាមិនងាយបង្កើតអង់ទីគ័រការពារខ្លួននិងនាំឱ្យប្រព័ន្ធភាពស៊ាំចុះខ្សោយ និងធ្វើឱ្យងាយកើតជំងឺផ្តាសាយតូច ជំងឺផ្តាសាយធំ ឬជំងឺឆ្លងផ្សេងទៀត។

ដោយសារតែរាងកាយត្រូវការពេល២សប្តាហ៍ ដូចគ្នាទៅនឹងការចាក់វ៉ាក់សាំងដូសទី២ដែរ ដើម្បីបង្កើតអង់ទីគ័រ ដូច្នេះការទទួលទានសុរាច្រើនមុនឬក្រោយពេលចាក់ដូសទី៣ សុទ្ធតែអាចពន្យារពេលមិនឱ្យប្រព័ន្ធភាពស៊ាំធ្វើការងាររបស់វាបានខ្លាំងឡើយ។

២. បារី

ប្រភពពីអង្គការ UNICEF បានចេញបំរាមសម្រាប់អ្នកដែលត្រូវចាក់វ៉ាក់សាំងថ្មីចាស់ទាំងអស់ បូករួមនឹងអ្នកចាក់ដូសជំរុញ គួរចៀសវាងឱ្យបាននូវការជក់បារី ដើម្បីទុកឱកាសឱ្យវ៉ាក់សាំងធ្វើការបានល្អ។

លទ្ធផលសិក្សាបានមកពីអង្គការ យូនីសេហ្វ បានរកឃើញថា ការប្រើថ្នាំជក់ឬបារី កំលុងពេលចាក់វ៉ាក់សាំងមានផលប៉ះពាល់ដល់ប្រសិទ្ធភាពនៃថ្នាំបង្ការកូវីដ-១៩។ នេះក៏ដោយសារតែនៅក្នុងថ្នាំជក់ឬបារី មានកម្រិតសារធាតុញៀនដែលអាចបង្អាក់ដំណើរការនៃវ៉ាក់សាំងជ្រាបចូលទៅពង្រឹងប្រព័ន្ធភាពស៊ាំក្នុងសរីរាង្គ។ ក្នុងករណីនេះ មិនមែនហាមប្រាមតែអ្នកចាក់វ៉ាក់សាំងពីរដូសនោះទេ តែអ្នកចាក់ដូសទី៣គ្រប់គ្នា ក៏ត្រូវចៀសវាងផងដែរ។

៣. អាហារហឹរ

ពាក់ព័ន្ធនឹងបញ្ហានេះ លោកស្រី ឱ វណ្ណឌីន អ្នកនាំពាក្យនិងជារដ្ឋលេខាធិការក្រសួងសុខាភិបាល មានប្រសាសន៍ថា ការញ៉ាំហឹរច្រើនជ្រុល ចំពោះអ្នកចាក់វ៉ាក់សាំង គួរតែត្រូវត្រណម។ លោកស្រីបញ្ជាក់ថា សម្រាប់ការទទួលទានហឹរតិចៗ មិនជាបញ្ហាអ្វីនោះទេ ប៉ុន្តែករណីអ្នកចំណូលអាហាររសជាតិហឹរខ្លាំង ឬនិយមញ៉ាំម្ទេសច្រើនៗក្នុងរបបអាហារជាប្រចាំ មិនត្រូវបានលើកទឹកចិត្តឱ្យញ៉ាំឡើយ។

ការទទួលទានហឹរឬ​ហូបម្ទេសច្រើនខ្លាំង ត្រូវបានអ្នកជំនាញហាមឃាត់ទាំងអ្នកចាក់១ដូស ២ដូស និង៣ដូស ព្រោះដើម្បីទុកឱកាសឱ្យប្រព័ន្ធភាពស៊ាំបណ្ដុះអង់ទីគ័របានពេញលេញ។

៤. ការងារធ្ងន់

សកម្មភាពមួយចំនួនក្នុងទម្រង់ធ្ងន់ៗ ឬប្រើកម្លាំងសាច់ដុំខ្លាំង ក្រោយពីចាក់វ៉ាក់សាំកូវីដ-១៩ ទាំង៣ដូស គប្បីផ្អាកសកម្មភាពសិន ព្រោះអាចនាំឱ្យប្រសិទ្ធភាពរបស់វ៉ាក់សាំងដំណើរការមិនបានល្អ។ ការលើកវត្ថុធ្ងន់ៗ ឬហាត់ប្រាណខ្លាំងៗដូចជា ជិះកង់ លើដុំដែក ហែលទឹក។ល។ អាចធ្វើឱ្យប្រើកម្លាំងហួសកម្រិត នាំឱ្យប៉ះពាល់ដល់សាច់ដុំ ចង្វាក់ចរន្តឈាមបេះលោតខុសចង្វាក់ និងប៉ះពាល់ដល់សន្លាក់ឆ្អឹងថែមទៀតផង។  ដូច្នេះអ្នកទើបតែចាក់វ៉ាក់សាំងរួចថ្មីៗ អាចនឹងការអាការៈឈឺចាប់ ឬអាចនឹងដកដ្ហើមខ្លីៗ ​ដែលអាចបង្កគ្រោះថ្នាក់ដល់ជីវិតក៏មាន​។

ក្រោពីនេះ អាហារផ្អែមៗ អាហារកែច្នៃ អាហារផ្អាប់ និងភេសជ្ជៈប៉ូវកម្លាំងជាដើម គួរផ្អាកទទួលទានយ៉ាងហោច ២សប្ដាហ៍សិន ដើម្បីទុកពេលឱ្យវ៉ាក់សាំងបញ្ចេញសមត្ថភាពក្នុងការផលិតអង់ទីគ័រការពារវីរុសបានល្អប្រសើរ៕

អត្ថបទ៖ សន្យា

ចុចអាន៖ វ៉ាក់សាំងដូសទី ៣ នឹងបង្កើតអង់ទីគ័របានពេញលេញ ដើម្បីប្រឆាំង Delta ចេញឆ្ងាយ

ចុចអាន៖ ផលរំខានវ៉ាក់សាំង Sinovac ដូសទី៣ និងថ្នាំគួរទុកតាមខ្លួន ករណីអាការមិនស្រួល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១១ ម៉ោង មុន

ឃុំខ្សាយខ មានកុមារអាយុក្រោម ២ ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដ-១៩ បន្តទទួលសាច់ប្រាក់រាជរដ្ឋាភិបាល

ព័ត៌មានជាតិ១៤ ម៉ោង មុន

ចាប់ខ្លួនស្រ្តីម្នាក់ តាមដីកាបង្គាប់របស់តុលាការ ហើយនៅតេស្ដរកឃើញ វិជ្ជមានកូវីដ-១៩

ព័ត៌មានអន្ដរជាតិ១៤ ម៉ោង មុន

កូរ៉េខាងត្បូង ជួបសីតុណ្ហភាពត្រជាក់បំផុតក្នុងរយៈពេល ៦៤ ឆ្នាំ តំបន់ខ្លះធ្លាក់ចុះដល់ក្រោមសូន្យ

ព័ត៌មានជាតិ១៤ ម៉ោង មុន

ក្រសួងសុខាភិបាល បង្ហាញបញ្ជីឈ្មោះសណ្ឋាគារចំនួន ៥ សម្រាប់អ្នកដំណើរកក់ធ្វើចត្តាឡីស័ក

ចរាចរណ៍១៥ ម៉ោង មុន

សមត្ថកិច្ច បញ្ជូនបុរសម្នាក់ទៅតុលាការ ក្រោយបើករថយន្តបុករះ បណ្តាលឲ្យមនុស្ស ៣ស្លាប់ និង៣នាក់ទៀតរងរបួស

Sokha Hotels

ព័ត៌មានពេញនិយម

Helistar Cambodia - Helicopter Charter Services