សកម្មភាពគ្រោះថ្នាក់ ៣ យ៉ាង គួរចៀសវាងក្រោយចាក់វ៉ាក់សាំងបង្ការកូវីដ-១៩​ ​

ក្រោយចាក់វ៉ាក់សាំងបង្ការកូវីដ-១៩ ផលប៉ះពាល់តិចតួចលើរាងកាយនឹងលេចឡើង ហើយអាចបង្កការរំខានដល់សកម្មភាពប្រចាំថ្ងៃ រួមទាំងការធ្វើលំហាត់ប្រាណផងដែរ។ ប៉ុន្តែវាមិនមែនជារឿងអាក្រក់ទេ។ ផលប៉ះពាល់ទូទៅទាំងនោះជាសញ្ញាបង្ហាញថា ប្រព័ន្ធភាពស៊ាំកំពុងឆ្លើយតបទៅនឹងវ៉ាក់សាំង ហើយបើសិនចង់ធ្វើលំហាត់ប្រាណ នោះក៏អាចទៅរួច បន្ទាប់ពីពីរបីថ្ងៃដែលអាការបានធូរស្បើយ។ នេះបើតាមការបញ្ជាក់ពី មជ្ឈមណ្ឌលត្រួតពិនិត្យនិងបង្ការជំងឺ (CDC) សហរដ្ឋអាមេរិក។

យ៉ាងណាមិញ សកម្មភាពហាត់ប្រាណមួយចំនួនក្នុងទម្រង់ធ្ងន់ៗ ឬប្រើកម្លាំងសាច់ដុំខ្លាំង ក្រោយពីចាក់វ៉ាក់សាំកូវីដ-១៩ មិនថាតែចំពោះដូសទី១ ឬ​ដូសទី២នោះទេ គប្បីផ្អាកសកម្មភាពសិន ព្រោះអាចនាំឱ្យប្រសិទ្ធភាពរបស់វ៉ាក់សាំងដំណើរការមិនបានល្អ។

យោងតាមការណែនាំរបស់​ CDC បានហាមប្រាមចំពោះសកម្មហាត់ប្រាណមួយចំនួនដែលអ្នកទើបតែចាក់វ៉ាក់សាំងរួចថ្មីៗគួរចៀសវាងរួមមាន៖

១. ជិះកង់

ការធាក់កង់អាចធ្វើឱ្យប្រើកម្លាំងខ្លាំងនាំឱ្យប៉ះពាល់ដល់សាច់ដុំ ចង្វាក់ចរន្តឈាមបេះលោតខុសចង្វាក់ និងប៉ះពាល់ដល់សន្លាក់ឆ្អឹងថែមទៀតផង។  ដូច្នេះអ្នកទើបតែចាក់វ៉ាក់សាំងរួចថ្មីៗ អាចនឹងការអាការៈឈឺចាប់ ឬអាចនឹងដកដ្ហើមខ្លីៗ ​ដែលអាចបង្កគ្រោះថ្នាក់ដល់ជីវិត​។

២. ហែលទឹក

ការហែលទឹក ក៏ត្រូវការប្រើកម្លាំងខ្លាំង ដែលអាចនឹងធ្វើឱ្យរមួលសាច់ដុំជើង ចង្វាក់បេះដូងលោតញាប់ ព្រមទាំងអាចបណ្ដាលឱ្យសន្លប់ទៀតផង។

៣. លើកដុំដែក

លើកដុំដែកធ្ងន់ៗ ជាលំហាត់ប្រាណប្រឈមគ្រោះថ្នាក់ជាងគេ ព្រោះការប្រឹងលើកវត្ថុដែលធ្ងន់ខ្លាំង ឬលើសទម្ងន់ អាចបណ្ដាលឱ្យប៉ះពាល់សាច់ដុំបេះដូង ស្របពេលវ៉ាក់សាំងកំពុងដំណើរការ និងជ្រៀបចូលក្នុងប្រព័ន្ធភាពស៊ាំនៃសារពាង្គកាយ។

ពេលណាអាចហាត់ប្រាណវិញបាន?

ជាការល្អ អ្នកដែលទម្លាប់ហាត់ប្រាណជាប្រចាំ អាចងាកមកហាត់វិញក្នុងកំលុង ១-២ សប្ដាហ៍ ក្រោយចាក់វ៉ាក់សាំងដូសនីមួយៗ៕

ប្រែសម្រួល៖ សន្យា

ប្រភព៖ Health

ចុចអាន៖ អាហារ ៥ មុខ ជួយបន្ថយផលប៉ះពាល់លើរាងកាយ ក្រោយចាក់វ៉ាក់សាំងរួច

ចុចអាន៖ ហាត់ប្រាណក្រោយចាក់វ៉ាក់សាំងកូវីដមិនបង្កគ្រោះថ្នាក់ ​ថែមទាំងហុចផលកាន់តែល្អ