វេជ្ជបណ្ឌិតបញ្ជាក់ច្បាស់ ងូតទឹកក្ដៅឧណ្ហៗ ផ្ដល់ប្រយោជន៍ខ្លាំងដល់អ្នកជំងឺកូវីដ

ដើម្បី​ឱ្យ​រាង​កាយ​មាំទាំ និងឆាប់ជាសះស្បើយពីជំងឺកូវីដ-១៩ អ្នកជំនាញសុខាភិបាល​ណែនាំ​ឱ្យអ្នកជំងឺទាំងអស់​ជ្រើសរើស​អាហារ​សម្បូរ​ប្រូតេអ៊ីន​ដូច​ជា សាច់ ស៊ុត ត្រី និង​ទឹកដោះគោ។ល។ លើសពីនេះទៀត ត្រូវបន្ថែមវីតាមីន និងសារធាតុរ៉ែឱ្យបានច្រើនពីបន្លែ និងផ្លែឈើជារៀងរាល់ថ្ងៃ ព្រមទាំងផឹកទឹក ឬភេសជ្ជៈដែលមានកាឡូរីខ្ពស់ជាទៀងទាត់ផងដែរ។

ក្រៅពីនោះ អ្នកជំងឺកូវីដ-១៩កម្រិតស្រាលគ្រប់រូប គួរយកចិត្តទុកដាក់លើការងូតទឹក ឬការសម្អាតខ្លួនប្រាណ ជាប្រចាំថែមទៀត។

នៅក្នុងបទសម្ភាសន៍ជាមួយកាសែត Tuoi Tre លោក MSc Kieu Xuan Thy អនុប្រធាននៃសាកលវិទ្យាល័យវេជ្ជសាស្ត្រ និងឱសថស្ថាន ទីក្រុងហូជីមិញ បានទូន្មានថា អ្នកជំងឺកូវីដដែលមិនងូតទឹកញឹកញាប់ អាចបណ្ដាលឱ្យសុខភាពទ្រុឌទ្រោមជាងធម្មតា។ ដោយសារអ្នកឆ្លងកូវីដ-១៩ ច្រើនតែបែកញើស ដូច្នេះរាងកាយគួរតែសម្អាតឲ្យបានច្រើន ដើម្បីឲ្យអ្នកជំងឺមានអារម្មណ៍ស្រួលខ្លួន និងសុវត្ថិភាព។

យ៉ាងណាមិញ ពេលងូតទឹក ត្រូវតែចំណាំថា គួរតែប្រើតែទឹកក្តៅឧណ្ហៗ ហើយងូតក្នុងបន្ទប់ ឬកន្លែងបិទជិត ដើម្បីជៀសវាងពង្រាយទឹក ឬមេរោគ។ មួយវិញទៀត បន្ទាប់ពីកក់សក់រួច ត្រូវឆាប់សម្ងួតសក់ភ្លាមៗ។

វេជ្ជបណ្ឌិត MSc Kieu Xuan Thy ណែនាំបន្ថែមថា អ្នកជំងឺ​​មិនគួរងូតទឹក និងកក់សក់ក្នុងពេលតែមួយទេ ហើយចំពោះពេលវេលាសមស្របបំផុតគឺ ពេលព្រឹក ឬពេលរសៀល និងចៀសវាងងូតទឹក ឬកក់សក់នៅពេលយប់។ លើសពីនេះ អ្នកជំងឺ​គួរ​ផឹក​ទឹក​ក្តៅ​ឧណ្ហៗ​មួយ​កែវ​មុនពេល​ងូត​ទឹក ដើម្បី​ចៀសវាង​ការ​ខ្សោះ​ជាតិ​ទឹក​។

ទោះបីជាសកម្មភាពណែនាំខាងលើ មិនអាចជួយព្យាបាល ឬសម្លាប់មេរោគកូវីដ-១៩ បានពិតមែន ប៉ុន្តែបើអនុវត្តបានត្រឹមត្រូវ និងខ្ជាប់ខ្ជួន អ្នកជំងឺប្រាកដជាឆាប់ជាយ៉ាងរហ័ស ព្រមទាំងអាចការពារអាការធ្ងន់ផងដែរ៕

ប្រែសម្រួល៖ សន្យា

ប្រភព៖ Bestie

ចុចអាន៖ ក្រៅពីប្រព័ន្ធប្រសាទ អ្នកជាពីកូវីដ-១៩ អាចជួប បញ្ហាផ្សេងទៀត​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

ចុចអាន៖ ទឹកសណ្ដែក ៣ប្រភេទ ពេទ្យអះអាងអាចជួយព្យបាលអ្នកជំងឺកូវីដឱ្យឆាប់ជាសះស្បើយ