KPT+

ពិតអត់ ពាក់គ្រឿងអលង្ការជាប់ទាំងងូតទឹក ទាំងគេង បង្កបញ្ហាដល់ស្បែក?

បានផុស

២ years មុន

នៅ

ថ្ងៃព្រហស្បតិ៍ ២១ តុលា ២០២១

ដោយ

គ្នាយើងមួយចំនួន អាចជាទម្លាប់ទៅហើយ ទាក់ទងនឹងការពាក់គ្រឿងអលង្ការ ដូចជាចិញ្ចៀន ក្រវិល ខ្សែក ពាក់ជាប់ មិនដោះចេញ ហើយពាក់ទាំងនៅពេលងូតទឹក និងពេលគេង។ ដូចនេះ ក៏មានសំនួរជាច្រើនដូចគ្នាថា តើការពាក់គ្រឿងអលង្ការជាប់បែបនេះ នឹងបង្កបញ្ហាដល់ស្បែកឬអត់?

Can You Wear Your Diamond Ring In The Shower? - Ultimate Jewelry Guide

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទាក់ទងបញ្ហានេះ លោកស្រីសាស្រ្តាចារ្យវេជ្ជបណ្ឌិត Marina Peredo អ្នកជំនាញសិក្សាពីជំងឺស្បែក នៃមន្ទីរពេទ្យ Mount Sinai ក្រុងញ៉ូវយក សហរដ្ឋអាមេរិក បានលើកឡើងថា ជាការពិតការពាក់គ្រឿងអលង្ការជាប់បែបនោះ ពុំមានកើតជាបញ្ហាខ្លាំងគួរឱ្យព្រួយបារម្ភនោះទេ ដរាបណាយើងបានសម្អាតរបស់ទាំងនោះបានស្អាត និងទៀងទាត់។ ប៉ុន្តែលោកស្រីបន្ថែមថា អ្វីដែលត្រូវយកចិត្តទុកដាក់បន្តិចនោះគឺ គ្រឿងអលង្ការមួយចំនួនផលិតឡើងពុំមានគុណភាពល្អ នឹងបង្កជាបញ្ហាតិចតួចមួយចំនួនដូចជាបង្កឱ្យរោល ឬរលាកស្បែក។

Can You Wear Rings to Bed?(Quick Short Tips) - A Fashion Blog

លោកស្រីវេជ្ជបណ្ឌិតឲ្យដឹងទៀតថា គ្រឿងអលង្ការធ្វើពីលោហៈដូចជា មាស ប្រាក់ ប្លាទីន ដែលមានលាយបន្ថែមជាតិនីកែល អាចបង្កឱ្យរោលស្បែកបាន ហើយពិសេសធ្វើឱ្យស្បែកស្រអាប់ខ្មៅ ស្របពេលដែលពពួកគ្រឿងអលង្ការគុណភាពល្អសុទ្ធ នឹងមិនបង្កបញ្ហាទាំងនេះទេ។

ទោះជាយ៉ាងណា អ្នកឯកទេសផ្នែកជំងឺស្បែកខាងលើ បានបញ្ជាក់ជាសង្ខេបខ្លីថា ការពាក់គ្រឿងអលង្ការជាប់ នឹងមិនបង្កបញ្ហាធ្ងន់ធ្ងរដល់ស្បែកនោះទេ ទោះពេលងូតទឹក ពេលគេង ឬសកម្មភាពប្រចាំថ្ងៃ ប៉ុន្តែលោកស្រីណែនាំឱ្យ ដោះទុកគ្រឿងអលង្ការនៅពេលខ្លះ ក៏ជាជម្រើសប្រសើរមួយ ហើយការចេះជ្រើសរើសគ្រឿងអលង្ការដែលមានគុណភាពល្អ គឺជាជម្រើសកាន់តែប្រសើរផងដែរ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ មិនដោះឡេនភ្នែកនៅពេលងូតទឹក ប្រឈមគ្រោះថ្នាក់នៃការមើលមិនឃើញ

ចុចអាន៖ ទម្លាប់អាក្រក់ទាំងនេះ អាចបំផ្លាញស្បែកមុខដោយមិនដឹងខ្លួន