រុស្ស៊ី រកឃើញជំងឺអុតស្វា ជាលើកដំបូង

អង្គការឃ្លាំមើលសុវត្ថិភាព Rospotrebnadzor បាននិយាយនៅថ្ងៃអង្គារទី១២ខែកក្កដានេះថា ប្រទេសរុស្ស៊ី បានចុះបញ្ជីករណីដំបូងនៃជំងឺអុតស្វា (Monkeypox)។

អង្គការឃ្លាំមើល បាននិយាយនៅក្នុងសេចក្តីថ្លែងការណ៍មួយថា ជំងឺនេះត្រូវបានរកឃើញនៅក្នុងខ្លួនយុវជនម្នាក់ ដែលទើបតែត្រឡប់មកពីដំណើរកម្សាន្តជុំវិញអឺរ៉ុប។

Rospotrebnadzor និយាយថា “អ្នកជំងឺ មានអាការស្រាល និងមិនមានការគំរាមកំហែងដល់អាយុជីវិតទេ”។

គួរបញ្ជាក់ថា Monkeypox គឺជាមេរោគ ដែលបណ្តាលឲ្យមានរោគសញ្ញាដូចផ្តាសាយ និងដំបៅស្បែក។ វាត្រូវបានគេចាត់ទុកជាជំងឺរាតត្បាតនៅផ្នែកខ្លះ នៃទ្វីបអាហ្រ្វិក។

ប្រទេសជាង៥០ ដែលជំងឺអុតស្វាមិនត្រូវបានចាត់ទុកជាជំងឺរាតត្បាត បានរាយការណ៍អំពីករណីឆ្លងលើស ៧៦០០នាក់៕

ប្រែសម្រួល៖ Vann Vann

ប្រភព៖ Reuters

ចុចអាន៖ WHO កំពុងរកឈ្មោះថ្មី ដាក់ឲ្យជំងឺអុតស្វា