WHO កំពុងរកឈ្មោះថ្មី ដាក់ឲ្យជំងឺអុតស្វា

អង្គការសុខភាពពិភពលោក (WHO) និយាយថា ខ្លួនកំពុងធ្វើការជាមួយក្រុមអ្នកជំនាញ ដើម្បីបង្កើតឈ្មោះថ្មីសម្រាប់ជំងឺអុតស្វា (Monkeypox)។

រឿងនេះកើតឡើងបន្ទាប់ពីអ្នកវិទ្យាសាស្ត្រជាង ៣០ នាក់បានសរសេរកាលពីសប្តាហ៍មុន អំពី តម្រូវការជាបន្ទាន់សម្រាប់ឈ្មោះមិនរើសអើង សម្រាប់មេរោគ និងជំងឺដែលវាបង្កឡើង។

ពួកគេនិយាយថា ការបន្តសំដៅទៅលើមេរោគនេះថាជា ជនជាតិអាហ្រ្វិកគឺមានភាពមិនត្រឹមត្រូវ និងរើសអើង។

គួរបញ្ជាក់ថា ករណីជំងឺអុតស្វាចំនួន ១៦០០ ត្រូវបានកត់ត្រាទូទាំងពិភពលោក ក្នុងរយៈពេលប៉ុន្មានសប្តាហ៍ថ្មីៗនេះ។

ថ្វីបើការស្លាប់មនុស្សចំនួន៧២នាក់ ត្រូវបានគេរាយការណ៍នៅក្នុងប្រទេសអាហ្វ្រិកក៏ដោយ ប៉ុន្តែគេមិនឃើញមាននរណាម្នាក់បាត់បង់ជីវិត នៅក្នុងប្រទេសចំនួន ៣២ ដែលរងផលប៉ះពាល់ថ្មីដោយសារជំងឺនេះនោះទេ។

អង្គការសុខភាពពិភពលោកនិយាយថា ខ្លួននឹងបើកកិច្ចប្រជុំបន្ទាន់មួយនៅសប្តាហ៍ក្រោយដើម្បីកំណត់ថាតើត្រូវចាត់ថ្នាក់ការផ្ទុះជំងឺនេះ ជាគ្រាអាសន្នសុខភាពសាធារណៈអន្តរជាតិដែរឬក៏អត់។

ជំងឺ​ផ្សេង​ទៀត​ ដែល​ធ្លាប់​កើត​មានដូចនេះនា​ពេល​កន្លង​មក​គឺ ​ជំងឺ​ផ្ដាសាយ​ជ្រូក គ្រុនស្វិតដៃជើង អ៊ីបូឡា ហ្ស៊ីកា និង​កូវីដ៕

ប្រែសម្រួល៖ Vann Vann

ប្រភព៖ BBC

ចុចអាន៖ ប្រទេសដំបូងគេលើលោក តម្រូវឲ្យធ្វើចត្តាឡីស័កជាកំហិត ចំពោះអ្នកកើតជំងឺ អុតស្វា