សុខភាព
កម្លាំងជំនាញបសុព្យាបាលចុះបាញ់ថ្នាំសម្លាប់មេរោគតាមកសិដ្ឋានរបស់កសិករ
ខណ:មានការផ្ទុះជំងឺផ្ដាសាយបក្សីនៅខេត្តព្រៃវែង កន្លងមកនេះ មន្ត្រីជំនាញការិយាល័យផលិតកម្ម និងបសុព្យាបាលនៃមន្ទីរកសិកម្មរុក្ខាប្រមាញ់ និងនេសាទខេត្តត្បូងឃ្មុំបានបើកយុទ្ធនាការចុះធ្វើជីវៈសុវត្ថិភាព បាញ់ថ្នាំសម្លាប់មេរោគផ្ដាសាយបក្សី ដើម្បីទប់ស្កាត់នូវជំងឺមួយនេះតាមកសិដ្ឋានរបស់កសិករនៅរសៀលថ្ងៃទី ២៨ ខែកុម្ភៈ ឆ្នាំ២០២៣នេះ នៅក្នុងស្រុកអូរាំងឪ ខេត្តត្បូងឃ្មុំ។
លោក កែន ចាន់សុជាតិ អនុប្រធានការិយាល័យផលិតកម្ម និងបសុព្យាបាលខេត្ត បានដឹកនាំសហការីរួមមានៈ លោក គូចាន់ថន លោក ទួន វ៉ាន់ថាត លោក សែម សុខា ចុះបាញ់ឆ្នាំសម្លាប់មេរោគផ្ដាសាយបក្សី នៅក្នុងកសិដ្ឋានរបស់កសិករ ស្ថិតក្នុងភូមិចង្វារឃុំអំពិលតាពក ស្រុកអូររាំងឪ ខេត្តត្បូងឃ្មុំ ក្នុងនោះក៏មានកសិដ្ឋានកសិករឈ្មោះ ជៀប សំអាត ដែលមានចិញ្ចឹមសត្វមាន់សាច់ចំនួន ១.១០០ ក្បាល ដែលមានមេបង្កាត់ពូជចំនួន ១០០ ក្បាលផងដែរ។
លោក កែន ចាន់សុជាតិ អនុប្រធានការិយាល័យផលិតកម្ម និងបក្សសុព្យាបាលបានផ្ដល់នូវមតិណែនាំដល់កសិករឲ្យមានការប្រុងប្រយ័ត្នឲ្យបានខ្ពស់លើជំងឺផ្ដាសាយបក្សីនេះ ហាមយកបក្សីមិនស្គាល់ប្រវត្តិច្បាស់លាស់ ចូលក្នុងកសិដ្ឋាន និងធ្វើអនាម័យជាប្រចាំ ដើម្បីជៀសវាងនូវជំងឺឆ្លងផ្សេងៗ។
លោក កែន ចាន់សុជាតិ បន្ថែមថា បន្ទាប់ពីកាន់ ឬប៉ះពាល់ មាន់ ទា ដែលស្លាប់ដោយសារជំងឺ ត្រូវលាងដែឲ្យបានស្អាត ពេលចូលក្នុងកសិដ្ឋានត្រូវពាក់ម៉ាស់ឲ្យបានត្រឹមត្រូវ ហាមមិនឲ្យក្មេងៗប៉ះពាល់បក្សីដែលស្លាប់ដោយសារជំងឺឬស្លាប់មិនដឹងមូលហេតុ។
ក្នុងឆ្នាំ២០២៣នេះ គ្រប់កសិដ្ឋានចិញ្ចឹមមាន់ ការចិញ្ចឹមបានផលល្អជាងឆ្នាំទៅ ហើយជំនាញនឹងបន្តចុះបាញ់ថ្នាំដើម្បីសម្លាប់មេរោគជូនដល់គ្រប់កដិដ្ឋានក្នុងខេត្តទាំងអស់។ ជាងនេះទៀត យើងបានដាក់កម្លាំងប្រចាំការត្រួតពិនិត្យការចរាចរណ៍នាំសត្វចូលបើគ្មានលិខិតអនុញ្ញាតមិនឲ្យចូលក្នុងភូមិសាស្ត្រខេត្តត្បូងឃ្មុំដាច់ខាត៕
អត្ថបទ៖ សាន វិឡែម
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានជាតិ១២ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)