សុខភាព

មធ្យោបាយបឋម នៅពេលអ្នកតឹងច្រមុះ និងហៀរសំបោរ?

បានផុស

៣ years មុន

នៅ

ថ្ងៃសុក្រ ២០ វិច្ឆិកា ២០២០

ដោយ

ការតឹងច្រមុះ ឬហៀរសំបោរ អាចបណ្ដាលមកពីជំងឺគ្រុនផ្ដាសាយ ឬអាល់ឡែហ្ស៊ី ឬបណ្ដាលមកពីជំងឺផ្សេងៗជាច្រើនទៀត។ ការមានសំបោរខាប់ជាច្រើននៅក្នុងច្រមុះ អាចបណ្តាលឲ្យមានការបង្ករោគនៅក្នុងត្រចៀកកណ្ដាលចំពោះកុមារ ឬការរលាកនៅក្នុងច្រមុះចំពោះមនុស្សចាស់។

ដើម្បីជួយបំបាត់ការតឹងច្រមុះ យើងត្រូវអនុវត្តជំហានដំបូងដូចខាងក្រោយនេះ៖

១. ចំពោះកុមារតូចៗ បូមយកសំបោរចេញដោយបន្តក់ ឬលាងជាមួយទឹកសេរ៉ូមប្រៃ។
២. មនុស្សជំទង់ និងមនុស្សចាស់ អាចបាញ់លាងដោយទឹកសេរ៉ូមប្រៃចូលក្នុងរន្ធច្រមុះទាំងសងខាង។ ការធ្វើរបៀបនេះ នឹងអាចជួយពង្រាវសំបោរ ហើយធ្វើឲ្យអ្នកជំងឺដកដង្ហើមបានស្រួល។
៣. ឆ្ពង់ទឹកក្ដៅ ឬទឹកសេរ៉ូមប្រៃ។

៤. ជូតសំបោរចេញ តែមិនត្រូវញើសបញ្ចេញដោយប្រើចលនាខ្លាំងៗ។ ការញើសសំបោរអាចនាំឲ្យឈឺត្រចៀក និងមានការបង្ករោគនៅក្នុងច្រមុះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

៥. ចំពោះអ្នកដែលឈឺត្រចៀក ឬរលាកច្រមុះជាញឹកញាប់ ដែលបណ្ដាលមកពីជំងឺគ្រុនផ្ដាសាយគេអាចជួយបង្ការបញ្ហាទាំងនេះ បានដោយប្រើថ្នាំបន្តក់ច្រមុះបំបាត់ការតឹងច្រមុះ។

៦. ចំពោះស្ត្រីមានផ្ទៃពោះ ត្រូវប្រុងប្រយ័ត្នការប្រើប្រាស់ថ្នាំបន្តក់ច្រមុះដើម្បីកាត់បន្ថយការឈឺចាប់។

ប្រយ័ត្ន៖ ការប្រើថ្នាំដំណក់បំបាត់ការតឹងច្រមុះ មិនត្រូវឲ្យលើសពី ៣ដងក្នុងមួយថ្ងៃ និងមិនត្រូវប្រើឲ្យលើសពី ៣ថ្ងៃទេ។ បើការអនុវត្តដូចវិធីខាងលើ មិនបានលទ្ធផលល្អក្នុងរយៈពេល ៣ ថ្ងៃ “សូមអញ្ជើញមកជួបពិភាក្សាជាមួយក្រុមវេជ្ជបណ្ឌិតជំនាញ ផ្នែកកុមារ ឬក្រុមឯកទេសត្រចៀក ច្រមុះ និងបំពង់ក នៃមន្ទីរពេទ្យកាល់ម៉ែត ដើម្បីទទួលបានការប្រឹក្សាលម្អិតបន្ថែម និងការព្យាបាលទៅតាមស្ថានភាពជំងឺប្រកបដោយជោគជ័យ៕

អត្ថបទ៖ រស្មី

ចុចអាន៖ពេលក្ដៅខ្លួន ឬផ្ដាយសាយ អាចរួមភេទបានអត់?