សុខភាព

តើថ្នាំលេប អ៊ីយ៉ូត ១៣១ (Iodine-131) អាចព្យាបាលជំងឺមហារីកក្រពេញទីរ៉ូអ៊ីត បានជាយ៉ាងដូចម្តេច?

បានផុស

៣ years មុន

នៅ

ថ្ងៃសុក្រ ១២ មីនា ២០២១

ដោយ

ដោយសារភាពរីកចម្រើនឥតឈប់ឈរផែ្នកវេជ្ជសាស្ត្រក្នុងពិភពលោក ថ្នាំលេប អ៊ីយ៉ូត ១៣១ (Iodine-131) នៃវេជ្ជសាស្ត្រម៉ូលេគុលលែរ (Molecular Medicine) ត្រូវបានប្រើដើម្បីសម្លាប់កោសិកាមហារីកក្រពេញទីរ៉ូអ៊ីតទាំងអស់ ដែលនៅសល់ក្រោយការវះកាត់។ មធ្យោបាយនេះអាចឲ្យអ្នកជំងឺជាសះស្បើយបាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការជួបពិគ្រោះបឋម និងបន្តតាមដានជាប់លាប់ជាមួយវេជ្ជបណ្ឌិតជំនាញក្រពេញ គឺជាការចាំបាច់។

១) រោគសញ្ញា និងរោគវិនិច្ឆ័យ៖

– រោគសញ្ញាចម្បង៖ ដុំពកក្រពេញទីរ៉ូអ៊ីត ឬការរីកធំកូនកណ្តុរ “ក”។

– រោគវិនិច្ឆ័យ៖

• ការធ្វើអេកូក្រពេញទីរ៉ូអ៊ីត (Thyroid Ultrasound) ដោយអ្នកជំនាញ។

• ការថតក្រពេញទីរ៉ូអ៊ីត នៃវេជ្ជសាស្ត្រម៉ូលេគុលលែរ (Thyroid Scintigraphy)។

• ការចាក់ដុំសាច់ក្រពេញទីរ៉ូអ៊ីតយកទៅពិសោធន៍ (Fine Needle Aspiration Biopsy) ជាមួយអ្នកជំនាញកោសិកា។

២) ការព្យាបាល៖

លេបថ្នាំ អ៊ីយ៉ូត ១៣១ (Iodine-131) បន្ទាប់ពីវះកាត់យកចេញក្រពេញទីរ៉ូអ៊ីត (Total Thyroidectomy) ។ វិធីសាស្ត្រនេះប្រើរយៈពេលខ្លីក្នុងការព្យាបាល គ្មានការឈឺចាប់ មានប្រសិទ្ធភាពខ្ពស់ និងមានសុវត្ថិភាពជាអតិបរមា។

៣) អនុសាសន៍គ្រូពេទ្យ៖

«បើសិនលោក លោកស្រីមានរោគសញ្ញា ឬជំងឺដូចការពិពណ៌នាខាងលើ សូមអញ្ជើញមកទទួលការពិនិត្យ និងប្រឹក្សាផ្ទាល់នៅមន្ទីរពេទ្យកាល់ម៉ែត ជាមួយគ្រូពេទ្យជំនាញឯកទេស ក្រពេញអ័រម៉ូន។ បន្ទាប់ពីការពិនិត្យជាក់ស្តែង នឹងមានតម្រូវការពិគ្រោះជាមួយជំនាញវះកាត់ និងជំនាញវេជ្ជសាស្ត្រម៉ូលេគុលលែរ ដើម្បីទទួលបាននូវការព្យាបាលទាន់ពេលវេលា តាមលក្ខណៈវិទ្យាសាស្ត្រថ្មីៗទំនើបចុងក្រោយបំផុត»៕