KPT+
មេរៀនជីវិតសំខាន់ៗ ដែលមនុស្សចូលវ័យសាមគួររៀន
កាលនៅវ័យក្មេងយើងតែងតែធ្វើរឿងអ្វីមួយដែលមិនគិត តាមទម្លាប់ក្មេងៗ តែពេលដែលយើងមានអាយុកាន់តែច្រើន ភាពចាស់ទុំក៏កើតមានឡើងមក។
ពេលខ្លះយើងក៏ងាកទៅមើលអតីតកាលទាំងនោះ ហើយរៀនពីវាមកវិញនៅបច្ចុប្បន្ននេះ ៖
១. ទុកកំហឹងឲ្យកន្លងហួសទៅ
កំហឹងគឺជាការបិទបាំងសម្រាប់ភាពភ័យខ្លាច ឈឺចាប់ ឬការខកចិត្ត។ នៅពេលយើងខឹងវាធ្វើឲ្យយើងឈឺចាប់កាន់តែខ្លាំង ព្រោះត្រូវចំណាយពេលវេលានិងថាមពលដ៏មានតម្លៃរបស់យើងដើម្បីរក្សាថាមពលអវិជ្ជមានក្នុងជីវិត។ ប៉ុន្តែថាមពលអវិជ្ជមានទាំងនោះ ច្រើនតែរារាំងថាមពលវិជ្ជមានដែលចូលមកក្នុងជីវិតរបស់យើង។
ដូច្នេះឲ្យវាទៅ ហើយឲ្យពន្លឺវិជ្ជមានចូលទៅក្នុងជីវិតយើងវិញ។ បើមានអ្នកណាម្នាក់ធ្វើឲ្យយើងអាក់អន់ចិត្ត ត្រូវកោតសរសើរចំពោះខ្លួនឯង ដែលអាចដើរចេញពីពួកគេបាន។
២. កុំយកសំដីឥតបានការមកទុក
នៅពេលមនុស្សជាទីស្រឡាញ់ មិត្តរួមការងារ ឬមនុស្សចម្លែកណាម្នាក់ មកនិយាយបញ្ឈិតបញ្ឆៀងនិងធ្វើរឿងឲ្យយើងឈឺចាប់ ត្រូវគិតថាម្នាក់នោះគឺមិនមែនពីយើងទេ។ គេនិយាយចេះតែបានឲ្យរួចពីមាត់គេ ព្រោះគេនោះមិនបានស្ថិតក្នុងស្ថានភាពដូចយើងឡើយ។ មានតែយើងទើបដឹងពីទុក្ខឬភាពវេទនានោះ ចឹងហើយកុំទៅយកសំពាយមនុស្សធន់ហ្នឹងមកនាំធ្ងន់។
៣. ជួយអ្នកដែលជួបបញ្ហាដូចយើង
នៅពេលដែលយើងធ្លាប់ឆ្លងកាត់រឿងរ៉ាវមួយក្នុងចំណោមហេតុផលសំខាន់ៗ គឺត្រូវតែជួយអ្នកដទៃនៅពេលតែមួយ និងពេលវេលាឆ្លងកាត់ឧបសគ្គដូចគ្នា។ ដំណើរជីវិតគឺខុសគ្នា គេជួបរឿងគេ យើងជួបរឿងយើង ប៉ុន្តែបើយើងធ្លាប់ជួបបញ្ហាទាំងនោះ យើងអាចផ្ដល់ជាយោបល់ល្អៗ ដល់គេគឺជាការប្រសើរបំផុត។ កុំទៅជាន់ពន្លិចឬឆ្លៀតយកប្រយោជន៏ពីគេដើម្បីជាឈ្នាន់បានផលខ្លួនឯង!
៤. រីករាយជាមួយបច្ចុប្បន្ននេះ
នៅពេលដែលយើងក្រឡេកមើលទៅអតីតកាលកាលពីមុន មានពេលវេលាពិសេសជាច្រើនឬរឿងអាក្រក់គ្មានថ្ងៃរលុបខ្លះដែលយើងបានជួបកន្លងមក។ ចូរបំភ្លេចចោល ត្រលប់មកជារីករាយជាមួយពេលវេលាបច្ចុប្បន្ននេះ ហើយស្រូបយកខ្យល់បរិសុទ្ធ រួចស្រែកសួរថា យើងកំពុងតែរីករាយនឹងវេលាពេលនេះជាងគេ។
៥. ទំនាក់ទំនងពីមុនអាចជាគ្រូដ៏អស្ចារ្យបំផុតសម្រាប់យើងនាពេលនេះ
ទំនាក់ទំនងនីមួយៗគឺជាការឆ្លុះបញ្ចាំងពីខ្លួនឯង មិនថាល្អឬអាក្រក់ ។ រឿងពីមុនប្រៀបដូចជាកញ្ចក់ឆ្លុះខ្លួនឯងពីមុន ហើយក៏ជាបង្អួចមួយក្នុងចិត្តរបស់យើងពេលនេះ។ សាកល្បងឆ្លៀតពេលពិនិត្យមើលអតីតកាលរបស់ខ្លួនឯងពីមុន និងរឿងដែលត្រូវចំណាយពេលបច្ចុប្បន្ននេះ សមគួរទេ ដែលយើងពេលនេះបានប្រែឬនៅដដែល។
៦. កុំបោះបង់ចោលសុភមង្គលខ្លួនឯងចោល
គ្រប់រឿងដែលយើងធ្វើតែងស្ថិតក្នុងហេតុផលមួយ ទោះខុសពីបេះដូងខ្លួនឯងក៏ដោយ។ ប៉ុន្តែទោះបីធ្វើរឿងអ្វី ដាច់ខាតកុំបោះបង់សុភមង្គលរបស់យើងចោល ព្រោះតែមាត់អ្នកដទៃ។ ប្រសិនបើយើងអាចធ្វើរឿងដែលធ្វើឲ្យយើងសប្បាយចិត្តនៅថ្ងៃនេះ ដោយមិនធ្វើឲ្យអ្នកដទៃឈឺចាប់ សូមធ្វើវា។
មានអ្នកខ្លះសំបុរមិនជ្រះ មុខមិនស្អាត ហើយក៏មានបំណងចង់លាបក្រែមក្រហម តែមាត់អ្នកគ្មានគំរបនិយាយតែមួយម៉ាត់ ក៏ឈប់ឯងហើយតាំងតូចចិត្ត។ ការរស់នៅពឹងលើមាត់គេរស់មិនសុខឡើយ ចាំទុកថាវ័យ៣០ហើយ មិនមែនក្មេងវិទ្យាល័យទេ។ គិតហើយធ្វើទៅ បើវាសមគួរមិនបានធ្វើឲ្យឪពុកម្ដាយបងប្អូនណាមកវេទនាជាមួយទេ តែបើធ្វើឲ្យអ្នកជុំវិញឈឺចាប់ សូមឈប់ហើយគិតដល់សុភមង្គលគេផង កុំតោងភាពអាត្មានិយមមកតាមខ្លួនសុខសប្បាយតែឯង៕
ប្រែសម្រួល៖ សាង ស្រីល័ក្ខ
ចុចអាន៖វិធី ៥ យ៉ាងដើម្បីគ្រប់គ្រងសុខភាពផ្លូវចិត្តក្នុងពេលបច្ចុប្បន្នកាន់តែប្រសើរ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ