KPT+

រៀនបានច្រើនយ៉ាងណា បើនៅមានចំណុចទាំងនេះជីវិតពិបាកធានាក្តីសុខណាស់

បានផុស

២ years មុន

នៅ

ថ្ងៃព្រហស្បតិ៍ ១១ មីនា ២០២១

ដោយ

មនុស្សមួយចំនួនឧស្សាហ៍យល់ច្រឡំថា ឲ្យតែរៀនសូត្របានច្រើន ជីវិតនឹងជោគជ័យរហូតភ្លេចខ្លួនមិនបានធ្វើអ្វីផ្សេងដើម្បីជំរុញជីវិតឆ្ពោះទៅមុខ។

ទាំងនេះគឺជាហេតុផលដែលអ្នករៀនបានច្រើនពិតមែន តែមិនអាចធ្វើឲ្យជីវភាពខ្លួនល្អប្រសើរបាន៖

គិតថាខ្លួនចេះច្រើនហើយ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកចូលចិត្តគិតថាឲ្យបុគ្គលដែលរៀនមិនបានចប់ឬមិនបានសញ្ញាប័ត្រគឺមិនសូវចេះដឹងអ្វីឡើយ ហើយមានតែខ្លួនទេដែលចេះច្រើនជាងគេ។ ការគិតបែបនេះធ្វើឲ្យខ្លួនឯងបាត់បង់ឱកាសក្នុងការរៀនសូត្រពីអ្នកដទៃ ព្រោះចំណេះដឹងមានច្រើនប្រភេទមិនមែនទាល់តែរៀននៅសាលាទើបក្លាយជាអ្នកចេះដឹងនោះទេ។ ពេលខ្លះមុខវិជ្ជាមួយចំនួនដែលរៀននៅសាកលវិទ្យាល័យវាមិនសូវមានប្រយោជន៍ឡើយនៅក្នុងសង្គមឡើយ។

មិនបានទទួលការអប់រំអំពីហិរញ្ញវត្ថុ

នៅពេលនិយាយពីការអប់រំ អ្នកប្រហែលគិតថា វានឹងបង្រៀនតែពីអ្វីៗដែលចាំបាច់ក្នុងជីវិតប៉ុណ្ណោះ។ ហេតុផលដែលមនុស្សពូកែៗជាច្រើនមិនសូវយល់ដឹងពីលុយគឺដោយសារតែសាលាមិនបង្រៀនហើយក៏មិនចាប់អារម្មណ៍នឹងបង្រៀនមនុស្សអំពីលុយនោះដែរ។

ឈប់រៀនក្រោយពេលបញ្ចប់ការសិក្សា

អ្នកអាចនឹងគិតថាខ្លួនជាមនុស្សចេះដឹងម្នាក់ក្រោយពេលទទួលបានសញ្ញាប័ត្រពីសាលាដ៏ល្បីឈ្មោះមួយ ហើយមនុស្សជាច្រើនគិតបែបនេះដោយពេលរៀនចប់ហើយពួកគេមិនសូវខ្វាយខ្វល់នឹងការខិតខំស្វែងរកចំណេះដឹងបន្ថែមនោះទេ។ ដោយសារកត្តានេះហើយទើបមនុស្សជាច្រើនធ្វើឲ្យឱកាសល្អបាត់បង់ទៅ ព្រោះខ្លួនគ្មានសមត្ថភាពនឹងទទួលយកវា។

ចូលចិត្តចំណាយទៅលើបំណុល

នៅពេលដែលអ្នកធ្វើការបានប្រាក់ខែច្រើន មនុស្សទាំងនោះក៏ចាប់ផ្ដើមចាយធំដូចគ្នាទៅលើផ្ទះធំ ឡានថ្មី ខោអាវថ្លៃៗជាដើម។ ចំនួនលុយដែលអ្នករកបានពីការធ្វើការមិនសំខាន់សម្រាប់អនាគតរបស់អ្នកដូចចំនួនលុយដែលអ្នកយកទៅវិនិយោគនោះទេ៕

ប្រែសម្រួល៖ សន្យា

ប្រភព៖ EF

ចុចអាន៖ជីវិតគឺជាវិថីស្វែងរកបទពិសោធន៍ កុំនៅមួយកន្លែងអ្នកនឹងខាតបង់វេលា